Марат Айзатуллин: Татарстанда 585 күп фатирлы йортка капиталь ремонт ясалган
Социаль-мәдәни өлкә объектларын һәм күп фатирлы йортларны ремонтлау программалары тәмамлануга якынлаша. Бу хакта ТР Хөкүмәте Йортында узган атналык республика киңәшмәсендә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Күп фатирлы йортларны капиталь ремонтлау программасы буенча төзелеш-монтаж эшләренең гомуми үтәлеше 99% тәшкил итә. 585 объектта эшләр тулысынча тәмамланган, шул исәптән 96 күпфатирлы йортта 257 лифтны алыштыру эшләре, 140 күпфатирлы йортта ремонт дәвам итә. 99 йортта эш күләме 90% тан артып киткән.
“Мәгариф” өлкәсендә 7 республика һәм федераль капиталь ремонт программасы гамәлгә ашырыла. Бөгелмә шәһәрендә Урта һөнәри белем бирү тулай торакларын ремонтлау программасы буенча тулай торак тапшырылган.
«Сәламәтлек саклау» линиясе буенча өч федераль һәм республика программасы кысаларында беренчел звеноны модернизацияләүнең барлык 118 объектын ремонтлау төгәлләнде. 15 стационар учреждениене ремонтлау дәвам итә, аларның гомуми үтәлеше 83% тәшкил итә. Бу атнада Яшел Үзән районында эшләр төгәлләнде.
Мәдәният тармагында дүрт федераль һәм республика программасы гамәлгә ашырыла. Аларда 34 авыл мәдәният йорты бар алар буенча гомуми эш башкару 80% тәшкил итә. 10 тармак мәгариф мәдәният учреждениесенең 4сендә эшләр дәвам итә. Төзелеш-монтаж эшләре планлы күләмнең 75% ка башкарылган.
Яшьләр сәясәте өлкәсендә 6 балалар сәламәтләндерү лагерен ремонтлау буенча эш күләме 93% ка ябык. Программа буенча гомуми эшләр башкару 88% тәшкил итә.