Татарстан башкаласында «Иделне савыктыру» федераль проекты турында фикер алышалар

Казанда Б.Рәмиев исемендәге ИТ-паркта «Иделне савыктыру» федераль проектын гамәлгә ашыру мәсьәләсе буенча РФ субъектларының дәүләт хакимияте органнары вәкилләре белән семинар-киңәшмә уза. Чарада ТР Төзелеш, архитектура һәм ТКХ министрының беренче урынбасары Алексей Фролов катнашты.

Иң зур чистарту корылмалары булып Казанның биологик чистарту корылмалары (БОС) тора, аларның куәте 650 мең куб.м. модернизация эшләре план режимында 2021 елдан алып барыла һәм киләсе ел ахырына тәмамланачак. Масштаблы эшләр 33 яңа объект төзүне һәм 22 гамәлдәге объектны реконструкцияләүне үз эченә ала.

Шул ук вакытта, БОС Иделнең пычрану чыганагы булып тора. Аларны реконструкцияләү әйләнә-тирә табигатькә тискәре йогынтыны киметергә мөмкинлек бирәчәк.

Семинарда «Иделне савыктыру» федераль проекты кысаларында төбәкләрдә гамәлгә ашырылган чистарту корылмаларын төзү һәм модернизацияләү, шулай ук табигатьне саклау һәм экологик законнарны камилләштерү, агынты суларны агызуны нормалаштыру буенча проектлар турында фикер алышачаклар.

Шулай ук семинар кысаларында Иделне савыктыруга багышланган проектлар, инновацион һәм техник эшләнмәләр күргәзмәсе уза, анда РФ табигый байлыклар һәм экология министры урынбасары Павел Барышев һәм ТР Экология һәм табигый байлыклар министры Александр Шадриков катнашты.    Моннан тыш, чарада РФ төзелеш һәм торак-коммуналь хуҗалык министры урынбасары Алексей Ересько да булды.