ТР Төзелеш, архитектура һәм ТКХ министры Марат Айзатуллинның киләсе Яңа ел белән котлавы
Кадерле дуслар, хезмәттәшләр, төзелеш тармагы ветераннары!
Тиздән без 2023 елны озатачакбыз. Республиканың төзелеш комплексы үз потенциалын саклап калган һәм арттырган ел. Җитди кыенлыкларга карамастан, без үсешне дәвам иттек һәм үз рекордларыбызны җимердек.
Узып баручы елда республикада 3,4 млн квадрат метрдан артык торак тапшырылган – элеккегә караганда күбрәк. Бу күрсәткеч буенча Татарстан элеккечә Идел буе федераль округы регионнары арасында лидерлыкны саклап кала.
Күп фатирлы йортларны капиталь ремонтлау программасы ярдәмендә йөзләрчә мең татарстанлыларның тормыш сыйфаты артты: без гомуми мәйданы 4 млн 429 мең квадрат метр булган 740 йортны яңарта алдык.
Социаль-мәдәни өлкә объектларын төзү һәм капиталь ремонтлау, торак-коммуналь хуҗалыкны модернизацияләү буенча барлык йөкләмәләр үтәлде.
Бүген Татарстанның төзелеш комплексында 93 меңгә якын кеше эшли, тагын 27,5 мең кеше торак-коммуналь хуҗалык өлкәсендә эшли. Аларның һәрберсе югары нәтиҗәләргә ирешүгә үз өлешен кертте. Әгәр дә аларның профессиональлеге, эшенә тугрылыгы һәм фидакарь хезмәте булмаса, без бүген тармактагы уңышлар турында сөйләмәс идек.
Киләсе елда безгә тагын да күбрәк эшләргә туры киләчәк. Казанда БРИКСта катнашучы дәүләтләр саммиты узачак. Мондый чаралар һәрвакыт масштаблы әзерлек, һәрберебезнең катнашын таләп итә.
Милли проектларны, федераль һәм республика программаларын гамәлгә ашыру дәвам итәчәк.
Әмма Татарстан алдында торган максатлар һәм бурычлар нинди генә амбициоз булмасын, без аларны үтәячәкбез дип ышанам!
Кадерле дуслар!
Яңа елга әзерлек тулы көченә бара. Һәр гаиләнең үз традицияләре бар, әмма без барыбыз да республикабызның чәчәк атуын, һәр йортта тынычлык һәм гармония яшәвен телибез.
Татарстан Төзелеш министрлыгы исеменнән, шәхсән үз исемемнән сезне якынлашып килүче 2024 ел белән котлыйм! Гаиләләрегезгә иминлек, эштә уңышлар, көч һәм энергия, шулай ук Россия Президенты куйган барлык башлангычларда һәм бурычларны тормышка ашыруда уңышлар телим!