Алексей Фролов Алабуга шәһәрендәге объектларны карады

Рөстәм Миңнеханов «Алабуга» МИЗда «Вагнермайер Руссланд» магистраль ярымприцепларының яңа производствосын ачуда катнашты. ТР Төзелеш, архитектура һәм ТКХ министрының беренче урынбасары Алексей Фролов Рәисне эш сәфәрендә озатып йөрде.

Инвестпроект 3 типтагы магистраль ярымприцеплар җитештерүне оештыруны күздә тота: пәрдә, борт һәм контейнер ташучы. Заводның проект куәте елына 2,1 мең берәмлек тәшкил итә, аннан соң җитештерүне елына 3 меңгә кадәр арттыру планлаштырыла. Җитештерү 7,2 мең кв.метр мәйданлы «Синергия» ИТП бинасында урнаштырылган.

Рөстәм Миңнеханов инвесторларга рәхмәт белдерде, шулай ук «Алабуга» махсус зонасы тәҗрибәсен билгеләп үтте.

Шулай ук Алексей Фролов «Көньяк парк» торак комплексында булды. Аренда торакларын кадрлар стратегиясен тормышка ашыру кысаларында «Алабуга» МИЗ төзегән.

Комплекс территориясендә 11 биш катлы йорт урнашкан. Гомуми мәйданы 73 мең кв. метр. Торак-коммуналь хуҗалык 4,2 мең кешегә исәпләнгән. Комплекс рекордлы срокларда төзелгән төзелеш 9 айдан соң тәмамланган. Территориядә балалар мәйданчыклары, спорт зонасы һәм парк бар.

Мебель һәм көнкүреш техникасы белән җиһазландырылган фатирларда «Алабуга» МИЗ хезмәткәрләре, «Алабуга Политех» колледжы студентлары һәм «Алабуга Старт» халыкара программасында катнашучылар яши.