Татарстан «Акыллы шәһәр» Илкүләм премиясенең «Шәһәр мохите» номинациясендә I урынны яулады

Железноводскида шәһәр хуҗалыгын цифрлаштыруга керткән өлеше өчен II Илкүләм премиягә нәтиҗә ясалды. Татарстан Республикасы «Шәһәр мохите» номинациясендә I урынны яулады.

Быел «Акыллы шәһәр» Илкүләм премиясенә дәгъва итүчеләрне бәяләүнең төп критерийларының берсе - Ватаныбызда җитештерелгән цифрлы коралларны куллану, шәһәр хуҗалыгын цифрлы трансформацияләгәндә технологик суверенитетка ирешүгә юнәлдерелгән булу.

Тантана кунакларына сәламләү сүзе белән РФ төзелеш һәм ТКХ министры урынбасары Константин Михайлик мөрәҗәгать итте: «Акыллы шәһәр» проекты хакимият, бизнес, фән органнары вәкилләрен, шулай ук битараф булмаган шәһәр халкын берләштерергә мөмкинлек бирде. «Акыллы шәһәр» проектының максаты-процессларны цифрлы трансформацияләү һәм автоматлаштыру гына түгел, ә шәһәр инфраструктурасының нәтиҗәлелеген һәм илебез гражданнарының тормыш сыйфатын комплекслы арттыру.

«Акыллы шәһәр» шәһәр хуҗалыгын цифрлаштыру ведомство проекты «Торак һәм шәһәр мохите» илкүләм проекты һәм «Цифрлы икътисад» илкүләм программасы кысаларында гамәлгә ашырыла. Шәһәр хуҗалыгын цифрлаштыру индексының үсеше шәһәрләрнең IQ база 2018 ел белән чагыштырганда 40% ка якын тәшкил итте. 2022 елда индексның уртача кыйммәте 55 балл тәшкил итте (мөмкин булган 120 баллдан).