«СТРОЙКА (ТӨЗЕЛЕШ)» төзелеш материаллары күргәзмәсенә Россиянең 14 төбәгеннән вәкилләр киләчәк

Россиянең 14 төбәгеннән һәм Татарстанның җиде шәһәреннән катнашучылар үз товарларын «СТРОЙКА» төзелеш һәм бизәү материаллары, технологияләре һәм җиһазлары халыкара күргәзмәсендә тәкъдим итәчәк. Бу хакта «Татар-информ»да узган матбугат конференциясендә билгеле булды.

10-12 июльдә Казанда «Казаньэкспо» үзәгенең 3 нче павильонында «Стройка» төзелеш һәм бизәү материаллары, технологияләре һәм җиһазлары халыкара күргәзмәсе узачак.

Матбугат конференциясендә шулай ук ТР Төзелеш, архитектура һәм торак-коммуналь хуҗалык министры урынбасары Илшат Гыймаев катнашты.

Министр урынбасары Татарстанның төзелеш комплексы да «СТРОЙКА» күргәзмәсендә актив катнашачагына игътибар итте. Үз товарларын Татарстан Республикасының 7 шәһәреннән катнашучылар тәкъдим итәчәк.

«СТРОЙКА»(ТӨЗЕЛЕШ)» күргәзмәсе-нәтиҗәле эшлекле мәйданчык, анда катнашучылар төзелеш комплексының алдынгы җитештерүчеләре һәм тәэмин итүчеләренең продуктлары һәм карарлары белән таныша. Кыска вакыт эчендә компанияләр үз продукциясен стендларда күп санлы бизнес-кунакларга күрсәтәчәк, булган эшлекле элемтәләрне ныгытачаклар, яңа клиентлар таба алачаклар, сатуларны арттырачаклар һәм сату географиясен киңәйтәчәкләр.

«СТРОЙКА» күргәзмәсе кысаларында түбәндәге чаралар узачак:

«Күпфатирлы төзелеш: яңа сынаулар һәм перспективалар» Идел буе федераль округы төзүчеләре конференциясе

 «Төзелештә инновацион технологияләр»  панель сессиясе

ТР муниципалитетларыннан шәһәр төзелеше вәкаләтләрен ТР Төзелеш, архитектура һәм торак-коммуналь хуҗалык министрлыгына тапшыру турында панель дискуссия

«ТРда мегапроектлар» панель сессиясе

Күргәзмәдә катнашучылар һәм Татарстан Республикасы төзелеш комплексы предприятиеләре арасында бизнес-очрашулар һ. б.

Сылтама буенча тулырак мәгълүмат https://vk.com/volgastroyexpo_kazan