Мәҗит Салихов коммуналь инфраструктура объектларын реконструкцияләү барышын тикшерде
Кичә ТР Төзелеш, архитектура һәм ТКХ министры урынбасары Мәҗит Салихов Казанның коммуналь инфраструктура объектларын реконструкцияләү барышы белән танышты.
Анда «Коммуналь инфраструктураны модернизацияләү» төбәк программасы буенча модернизацияләнә торган «Водоканал» МУП су агызу һәм канализация челтәрләре булды.
2023-2024 елларга Татарстан Республикасында территорияләрне үстерү фонды акчалары катнашында финанслана торган коммуналь инфраструктураны модернизацияләү программасында 10 муниципалитет территориясендә 120 (124,7) км челтәрне модернизацияләү каралган. Бу регионның 1 миллионнан артык кешесен уңайлырак яшәү шартлары белән тәэмин итәргә мөмкинлек бирәчәк.
2023 елда төбәк программасы кысаларында эшләр 26 объектта башланган, аларны тулы күләмдә 19 объектта тәмамлаганнар.
Агымдагы елда эшләр 42 объектта, шул исәптән Казанда да башланган. Шәһәрдә барлыгы 30 км дан артык җылылык белән тәэмин итү (12,85 км) һәм су белән тәэмин итү (18,84 км) челтәрләрен ремонтлау планлаштырыла.
Бүгенге көнгә күпчелек объектларда төзелеш-монтаж эшләре 50% тан артыгракка башкарылган.
Сәфәр барышында Мәҗит Салиховны Казан Башкарма комитетының торак-коммуналь хуҗалык комитеты рәисе Василий Лсачкин һәм «Водоканал»МУП вәкилләре озата йөрде.