Калугада 24-26 август көннәрендә «Кече шәһәрләрне һәм тарихи җирлекләрне үстерү» Бөтенроссия форумы узачак

Кече шәһәрләр һәм тарихи җирлекләр форумы - уңайлы шәһәр мохите булдыруда төп чараларның берсе. Анда РФ төзелеш һәм ТКХ министры Ирек Фәйзуллин катнашачак. Спикерлар федераль һәм төбәк хакимият органнары һәм үсеш институтлары вәкилләре, Россиянең әйдәп баручы архитекторлары, урбанистлар һәм дизайнерлар булачак.

Форумның төп вакыйгасы - уңайлы шәһәр мохитен булдыруның иң яхшы проектларының IX Бөтенроссия конкурсында җиңүчеләрне игълан итү.

Форум кысаларында 24-26 августта «Яшьләр һәм шәһәр мохите» I Бөтенроссия яшьләр форумы узачак. Анда катнашучылар фиджитал-урбанистика буенча гамәли эштә катнаша һәм интерактив төзекләндерү проектларын төзи алачак.

Уңайлы шәһәр мохитен формалаштыру өлкәсендә I илкүләм премия 25 августта узачак, анда 5 ел эчендә «Уңайлы шәһәр мохитен формалаштыру» Федераль проектын гамәлгә ашыру буенча иң яхшы төбәкләр һәм экспертлар билгеләнәчәк, шулай ук Россиянең иң яхшы субъектлары һәм номинацияләр буенча җиңүчеләр билгеләнәчәк.

Гавами дискуссияләр, интерактив чаралар һәм пленар сессия барышында традицион гаилә кыйммәтләрен саклауга шәһәр мохитенең йогынтысы, шулай ук иҗтимагый киңлекләрне төзекләндерү проектларын гамәлгә ашырудан ирешелгән нәтиҗәләр һәм кече шәһәрләрне үстерү проблемалары турында фикер алышу булачак.

Белешмә өчен:

Бөтенроссия конкурсы Россия Төзелеш министрлыгы тарафыннан 2018 елдан Россия Президенты кушуы буенча үткәрелә. Анда халык саны 200 меңгә кадәр булган шәһәрләр, шулай ук федераль һәм төбәк әһәмиятендәге тарихи җирлекләр катнаша.

ММЧ аккредитацияләү «Кече шәһәрләр һәм тарихи җирлекләр үсеше»Бөтенроссия форумының төп сайтында уза.

Россия Төзелеш министрлыгыннан контактлы зат:

Кизякова Елена Тимур кызы, тел. +7 (966) 373-55-70

Регионнан контактлы зат:

Зенов Илья Сергеевич, тел. +7 (922) 298-82-38