Татарстанда «Төзелеш экспертизасы институтын үстерү» VIII Халыкара конференциясе узачак

2024 елның 9 сентябрендә Казанда «Төзелеш экспертизасы институтын үстерү»VIII Халыкара конференциясе узачак. Чара Россия Федерациясе Төзелеш һәм торак-коммуналь хуҗалык министрлыгы, шулай ук Татарстан Республикасы Хөкүмәте ярдәмендә узачак.

VIII Халыкара конференциянең эшлекле программасының төп векторлары булачак:

- төзелеш экспертизасы институты үсешенең стратегик өстенлекләре һәм аларның милли төзелеш комплексларын камилләштерүдәге роле;

- нәтиҗәле заказчы моделе һәм проектларның бәясе, сроклары, сыйфаты белән идарә итү буенча иң яхшы тәҗрибәләр;

- объектларның тормыш циклының барлык этапларында төзелеш белән цифрлы идарә итү һәм экспертиза мәгълүматлары белән эшләүнең яңа инструментлары.

Катнашучылар шулай ук төзелештә бәя куюны һәм смета нормалаштыруны камилләштерү мәсьәләләре, Россиядә ресурс-индекс методын (РИМ) куллануның практик тәҗрибәсе, һөнәри компетенцияләрне үстерү һәм башкалар турында фикер алышачаклар.

Чара конференциянең веб-платформасында турыдан-туры трансляция белән Казан Кремленең Лекорие мәйданчыгында узачак.