Рөстәм Миңнеханов Казанның Р.Зорге урамындагы йортларның ишегалды территорияләрен төзекләндерү сыйфатын бәяләде
Бүген Татарстан Республикасы Рәисе Рөстәм Миңнеханов Казанның Р.Зорге урамындагы 93, 93а, 95 нче йортларның ишегалды территорияләрендә булды.
Р.Зорге урамындагы торак йортларның ишегалды территорияләре «Безнең ишегалды» республика программасы кысаларында яңартылган.
Татарстан Рәисе, ишегалларында яшәүчеләр алдында чыгыш ясап, «Безнең ишегалды» программасының республикада инде биш ел гамәлгә ашырылуын искәртте.
«Кадерле дуслар, бүген без бу матур ишегалдына, ул бу йортларда яшәүчеләргә хезмәт итәчәк, - диде Рөстәм Миңнеханов.– Бездә «Безнең ишегалды» дигән программа бар - без аны инде биш ел алып барабыз. Без бу программаның никадәр кирәклеген күрәбез, һәм ул халык үз ишегалдына – балалары да, өлкәннәре дә җыела алсын өчен ничек ярдәм итә икәнен күрәбез. Шуңа күрә үз йортыгызны саклагыз! Чөнки чынлыкта төзекләндерү һәм хезмәт күрсәтү - бу аз акча түгел. Ләкин иң мөһиме - үзегезне саклагыз! Сездән башка ишегалды буш булачак. Һәм сез һәрвакыт бирегә зур теләк белән килсәгез иде. Барыгызны да бәйрәм белән! Уңышлар һәм сәламәтлек!»
Рөстәм Миңнеханов шулай ук якындагы күп фатирлы йортларда яшәүчеләр белән аралашты.
Әйтик, Рихард Зорге урамы, 93 йорт ишегалды территориясендә пластик шешәләрне тапшыру өчен фандоматлар урнаштырылган. Чабыш белән сикерү зоналары, төрле яшьтәге балалар өчен җайланмалар урнаштыруны исәпкә алып, 5 балалар мәйданчыгы, төрле спорт җайланмалары урнаштырыла торган 3 спорт мәйданчыгы (динамик тренажерлар, воркаут-комплекслар) оештырылган. Ишегалды территориясен төзекләндерү кысаларында мини-футбол, баскетбол һәм волейбол уйнау өчен күп функцияле спорт мәйданчыгы оештырылган. Өлкән яшьтәгеләр өчен ишегалды территориясендә өстәл уеннары өчен өстәлләр, эскәмияләр һәм түбәләр урнаштырылган тыныч ял итү зоналары каралган.
Моннан тыш, «Безнең ишегалды» программасы кысаларында тротуарларның гомуми озынлыгы 1 км дан артык булган җәяүлеләр каркасы булдырылган. Тротуарлар ачыкланган төп маршрутларга (балалар бакчасы, мәктәп, җәмәгать транспорты тукталышлары һәм кибетләр юнәлешендә) туры китереп җәяүлеләр хәрәкәтен уңайлы тәэмин итә.