Татарстан Республикасы Төзелеш министрлыгында булачак җылыту сезонына әзерлек мәсьәләләре буенча фикер алыштылар
Бүген республика Төзелеш министрлыгында 2024-2025 елларга җылыту чорына әзерлек мәсьәләләре буенча штаб утырышы узды, аны Татарстан Республикасы Төзелеш, архитектура һәм ТКХ министрының беренче урынбасары Алексей Фролов уздырды.
Штаб эше мәгълүматлар мониторингының оператив мәгълүматыннан башланды. Татарстан Республикасы буенча барлыгы 3 197 котельный әзерләнгән, бу 97% тәшкил итә.
Мәгариф, сәламәтлек саклау һәм мәдәният объектларының 99% ы җылылык җибәрергә әзер. Республиканың барлык социаль яклау объектларын җылыту чорына әзерләү төгәлләнгән.
Күпфатирлы йортларның җылыту чорына әзерлек паспортлары 16 мең 848 КФЙга бирелгән, бу 93% тәшкил итә.
Киңәшмә барышында Мамадыш, Питрәч, Сарман, Кама Тамагы муниципаль районнары вәкилләре җылылык җибәрүгә әзерлек нәтиҗәләре белән хисап тотты.
Җылыту чорына әзерлек буенча фикер алышу барышында Алексей Фролов кайбер муниципаль районнар буенча түләү дисциплинасы, объектларга һәм КФЙга капиталь ремонт ясау мәсьәләләре буенча күчмә баланс комиссияләрен үткәрүне әзерләргә кушты.