Рөстәм Миңнеханов Казанның тарихи үзәгендә берничә объектта булды
Татарстан Рәисе Рөстәм Миңнеханов Казанның тарихи үзәгендәге кайбер объектларда булды. Аны ТР Төзелеш, архитектура һәм ТКХ министры Марат Айзатуллин, Казан мэры Илсур Метшин һәм республика Рәисе ярдәмчесе Олеся Балтусова озата йөрде.
Программада беренче объект Бутлеров урамындагы элеккеге Александр приюты бинасы булды. 2014 елдан биредә Археология институты теркәлгән. Соңгы тапкыр капиталь ремонт 1980 елларда ук үткәрелгән. 2022 елда аварияләргә каршы эшләр башкарылды: төзүчеләр фундаментны һәм диварларны ныгыттылар. Бинаны карап чыккач, Рөстәм Миңнеханов Татарстан Республикасы мәдәни мирас объектларын саклау комитетына һәм Татинвестгражданпроектка киләчәктә ремонт-реставрация эшләрен башкаруга проект-смета документациясен эшләргә кушты.
Аннары Татарстан Рәисе Груздев урамындагы «Казанские наличники» скверын карады. Әйтик, бүген монда тагын бер йөзлек ачтылар - скверда бердәнбер йолдыз һәм тәрәзә капкачлары булган. Узган гасырның 50 нче елларында ук ул Бөек Ватан сугышы ветераны йортын бизәгән. Вакытлар узу белән гаилә күчеп китә, ә иске йортны сүтергә булалар. Йөзлекне саклап кала һәм музейга тапшыра алганнар.
Шуннан соң Татарстан Рәисе Рәхмәтуллин / Профсоюз урамындагы тарихи кварталда торгызу эшләре темпларын бәяләде. Торгызу эшләре этаплап алып барыла. Рөстәм Миңнеханов төбәк әһәмиятендәге мәдәни мирас объектын-Сапугольцев утары флигелен карады. Монда эшләр төгәлләнгән инде, киләчәктә картиналар күргәзмәсен, шул исәптән Татарстан рәссамнары эшләрен уздыру планлаштырыла.
Аннан соң элеккеге «Адонис» фабрикасы территориясе һәм «Дряблов (Михляев) йорты, XVIII гасыр» мәдәни мирас объекты булды. Дряблов (Михляев) йорты-Петр чорының уникаль архитектура һәйкәле, Казанның иң иске гражданлык бинасы. Элеккеге «Адонис» фабрикасы бинасы шулай ук кыйммәтле тарихи бина булып тора. Ике катлы корпус 1825 елның язында төзелә башлый. Хәзер бинаның торышы чикләнгән эшкә сәләтле дип бәяләнә. Объектлар тарихи-мәдәни кыйммәткә һәм үзенчәлекләргә ия. Рөстәм Миңнеханов әлеге объектларны реставрацияләүгә комплекслы рәвештә, Рәхмәтуллин/Профсоюзная урамындагы тарихи квартал үрнәгендә килергә тәкъдим итте. Ул киләчәк пространство концепциясен эшләргә һәм этаплап ремонт-реставрация эшләрен башкарырга йөкләде.
Соңыннан Татарстан Рәисе Казанның Петропавел соборында булды. Рөстәм Миңнеханов гыйбадәтханә комплексы территориясендә алып барыла торган реставрация эшләре белән танышты, музей экспозициясен карады.