ТР Төзелеш министрлыгында төзүче вәкилләре белән түгәрәк өстәл узды
Бүген Төзелеш министрлыгында «20дән югарырак: 2024 елның көзендә торакны ничек сатып алырга» дигән темага түгәрәк өстәл узды. Чарада ТР Төзелеш, архитектура һәм ТКХ министры урынбасары Илшат Гыймаев катнашты.
Министр урынбасары үз чыгышын Татарстан Республикасында файдалануга тапшырылган торак күрсәткечләре турындагы мәгълүматтан башлады.
Төп ставка үсә, шулай да бүген Татарстанда 2,9 миллион квадрат метрдан артык файдалануга тапшырылган. «Ел ахырына кадәр 3 млн 150 мең кв.м тамгалы торакны файдалануга тапшыру планын, мөгаен, арттырып үтәрбез», – дип билгеләде Илшат Гыймаев.
2 айдан артык элек ташламалы программа тәмамланды, бу Үзәк банкның төп ставкасын 19% ка кадәр күтәрү белән беррәттән торак күчемсез милек базарына йогынты ясады. Очрашуда катнашучылар әлеге үзгәрешләрнең республикада төзелеш секторы торышында ничек чагылуы, ташламалы программалар лимитлары беткәннән соң төп ипотека программасына ихтыяҗның ни дәрәҗәдә артуы һәм хәзер нинди инструментлар базар драйверлары булып торачагы турында фикер алыштылар.
Илшат Гыймаев 2024 елның киеренке фазада тәмамланачагын әйтте. «Без төзүчеләрдән һәм банк вәкилләреннән җыйган барлык тәкъдимнәрне федераль үзәккә җиткерәбез. Һәм безнең күп кенә тәкъдимнәребез Екатеринбургта халыкара төзелеш чемпионатында яңгырады», - диде министр урынбасары үз чыгышының ахырында.