Яшел Үзән районында «Гаилә» илкүләм проекты буенча картлар өчен интернат төзелеше 41% башкарылган
Татарстанда төрле тармакларда социаль объектлар төзү программаларының тормышка ашырылуы турында бүген ТР Хөкүмәте Йортында узган традицион киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин сөйләде.
Сәламәтлек саклауда 53 объектның 4 объект дәүләт контракты төзергә кала. «Озак һәм актив тормыш» илкүләм проекты һәм республика программасы кысаларында Казанда 2 поликлиника һәм кабул итү-диагностика бүлеге төзү өчен аукционнар 20 мартка, дәүләт контрактлары 31 мартка билгеләнгән. 47 фельдшер-акушерлык пунктында төзелеш-монтаж эшләре 20% ка башкарылган.
Казанның Вишневка бистәсендә гомуми практика табибы үзәген төзү дәвам итә. Аның буенча төзелеш-монтаж эшләре 7% тәшкил итә.
Яшьләр сәясәте линиясе буенча 11 объекттан җидесе буенча контракт төзсе кала. 3 яшьләр үзәгеннән берсе буенча аукцион 11 мартка планлаштырылган, контракт төзү 24 мартка билгеләнгән, икесе буенча – аукционнар 20 мартта, дәүләт контрактлары 31 мартка билгеләнгән. Шул ук вакытта 4 балаларны савыктыру лагере төзелешенә контрактация төгәлләнәчәк. Тагын 4 лагерь буенча дәүләт контрактлары төзелгән. Аларның өчесе буенча эшләр бара инде, шул исәптән Сарман районында узган елдан күчеп килүче объект буенча да.
Спорт объектларына килгәндә, дәүләт контрактлары барлык 23 буенча да төзелгән. Подрядчылар Кукмара, Баулы, Менделеевск һәм Арча районнарында ябык футбол манежлары төзи башладылар. Күчмә объект-Казанда футбол үсеше үзәге буенча эшләр дәвам итә.
«Мәдәният» тармагы буенча «Авыл территорияләрен комплекслы үстерү» дәүләт программасы кысаларында төзелергә планлаштырылган 4 объектның берсен генә – Мамадыш район мәдәният йортын реконструкцияләүгә контракт төзергә калды: аның буенча аукцион 11 мартка, дәүләт контракты 24 мартка планлаштырылган.
Өч күп функцияле үзәк буенча контрактлар төзелгән. Мамадышта бер күчеп килә торган МФЦ буенча эшләр алып барыла – узган ел лимитларын исәпкә алып, эшләрнең гомуми күләме 81% тәшкил итә.
«Гаилә» илкүләм проекты кысаларында Яшел Үзән районында картлар һәм инвалидлар өчен интернат-йорт төзү дәвам итә. Объект буенча гомуми үтәлеш 41% тәшкил итә.
«Экология» тармагы буенча «Экологик иминлек» илкүләм проектына керә торган күчмә объектны – Казанның ләм кырларын рекультивацияләүне гамәлгә ашыру дәвам итә. Эшләрнең 88% ы башкарылган.