Татарстанда коммуналь инфраструктура объектларын модернизацияләүгә илкүләм проект буенча 3 млрд сумнан артык акча каралган
ТР Төзелеш, архитектура һәм ТКХ министрының беренче урынбасары Дамир Шәйдуллин эш визиты белән Татарстанның Зәй, Азнакай һәм Сарман районнарында булды. Район җитәкчелеге белән очрашу барышында торак-коммуналь хуҗалыкның проблемалы мәсьәләләре һәм коммуналь инфраструктураны модернизацияләү программаларын гамәлгә ашыру турында фикер алыштылар.
Д.Шәйдуллин билгеләп үткәнчә, Татарстанда инженерлык челтәрләрен яңартуга аерым игътибар бирелә. 2025 елда 8 федераль һәм республика программасын гамәлгә ашыру дәвам итә, шул исәптән коммуналь инфраструктураны модернизацияләү буенча ТР Рәисе Рөстәм Миңнеханов инициативасы белән яңа республика программасы башланды.
«Агымдагы елда барлыгы 135 объект модернизацияләнәчәк, шуларның 99ы – яңа республика программасы буенча. Чаллы, Бөгелмә, Яшел Үзән, Чистай, Лениногорск һәм Әлмәт районнарындагы 36 объект «Тормыш өчен инфраструктура» илкүләм проектына керә торган «Коммуналь инфраструктураны модернизацияләү» федераль программасына кертелгән, – диде Д.Шәйдуллин.
Эре объектлар арасында – Нурлат муниципаль районының Нурлат шәһәрен су белән тәэмин итү челтәрен реконструкцияләү, Сарман муниципаль районының Җәлил поселогында җылылык белән тәэмин итү системасын модернизацияләү һәм Казаннан Питрәч муниципаль районының Көек поселогына кадәр суүткәргеч төзү.
Татарстанда коммуналь инфраструктура объектларын модернизацияләүгә 11 млрд сумнан артык акча каралган, шул исәптән 3 млрд сумнан артыгы – «Яшәү өчен инфраструктура» илкүләм проекты буенча.