«Бердәм Россия» төбәк башкарма комитетында каты коммуналь калдыклар белән эш итү мәсьәләләре турында фикер алыштылар
«Бердәм Россия» төбәк башкарма комитетында «Бакчачы йорты – гаилә терәге» төбәк партия проектын гамәлгә ашыру кысаларында түгәрәк өстәл узды. Очрашуның төп темасы коммерциягә карамаган бакчачылык ширкәтләрендә каты коммуналь калдыклар белән эш итү булды.
Киңәшмәдә «Бердәм Россия» төбәк башкарма комитеты җитәкчесе урынбасары – агитация-пропаганда эше бүлеге башлыгы Виктор Затеев, монополиягә каршы федераль хезмәтнең Татарстан Республикасы буенча идарәсе җитәкчесе урынбасары Андрей Розенталь, Татарстан Республикасы Төзелеш, архитектура һәм торак-коммуналь хуҗалык министры урынбасары Мәҗит Салихов, Татарстан Республикасы Авыл хуҗалыгы һәм азык-төлек министрлыгының Җир һәм мөлкәт мөнәсәбәтләре бүлеге башлыгы Андрей Җамалиев, Татарстан Республикасы Авыл хуҗалыгы һәм азык-төлек министрлыгының ККК белән эш итү операторлары, СНТ рәисләре. Очрашуның модераторы булып партиянең Татарстан регбүлеге каршындагы бакчачылар Иҗтимагый советы рәисе Дмитрий Воробьев чыгыш ясады.
Очрашу барышында төбәк операторлары вәкилләре каты коммуналь калдыкларны җыюга һәм чыгаруга карата закон таләпләрен җиткерделәр, ә СНТ рәисләре борчыган сорауларын бирделәр. Аларның кайберләренә ТР Төзелеш, архитектура һәм торак-коммуналь хуҗалык министры урынбасары Мәҗит Салихов җавап бирде. Аерым алганда, бакчачылар СНТ чигендә мәйданчыкны урнаштыру мөмкин булмаса, нишләргә дип кызыксындылар.
Иске автомобиль покрышкаларын кая тапшырырга дигән сорауга министр урынбасары хәбәр иткәнчә, «ПЖКХ «ИК» ҖЧҖ төбәк операторы эшчәнлегенең Көнбатыш зонасында автомобиль шиннарын җыю эше башланган, «Гринта» ҖЧҖ төбәк операторы эшчәнлегенең көнчыгыш зонасында автомобиль шиннарын җыю күбесенчә автозаправка станцияләрендә башкарыла. Республикада иске шиннарны эшкәртүгә кабул итү өчен 33 пункт булдырылган. Шиннарны тапшыру өчен «Татнефть» ГАҖнең рәсми сайтында заявка калдыру һәм махсус мәйданчыкларда урнашкан автозаправка станцияләрендә урнашкан кабул итү пунктларына покрышкалар китерү дә җитә. АЗС адресларын «Регионның экологик картасы»ннан табарга мөмкин.
Мәҗит Салихов шулай ук төзелеш һәм ремонт калдыкларының бакчачылар тарафыннан контейнер мәйданчыкларына китерелмәскә тиешлеген аңлатты. Калдыклар операторлар белән түләүле шартнамә төзү юлы белән мөстәкыйль рәвештә чыгарыла.