Татарстанда 18 универсаль спорт мәйданчыгы төзелде
Татарстанда спорт өлкәсендә 2 млрд 387 млн сумлык 23 корылма төзелә. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Алдагы ике атнада Казанда, Яшел Үзән, Лаеш, Питрәч һәм Түбән Кама районнарында берьюлы сигез универсаль спорт мәйданчыгы төзелеше тәмамланган.
«Подрядчыларга армый-талмый эшләгәннәре өчен рәхмәт белдерәсем килә – быел программаны гамәлгә ашыру беренче тапкыр шулкадәр тиз тәмамланды. Хәзер Казан һәм 9 муниципаль район – Питрәч, Алексеевск, Әлмәт, Арча, Югары Ослан, Яшел Үзән, Буа, Түбән Кама, Лаеш районнары халкы өчен 18 яңа спорт мәйданчыгы ачылды», – дип билгеләп үтте Марат Айзатуллин.
Футболны үстерү үзәге спорт өлкәсендә иң зур объект булып тора. Аның әзерлеге 41% тәшкил итә.
Кукмара, Баулы, Менделеевск һәм Арча районнарында дүрт футбол манежы төзелешендә подрядчылар төзелеш-монтаж эшләренең 54% тәмам.