Санкт-Петербургта күренекле актер Кирилл Лавров һәйкәле проектына Бөтенроссия архитектура конкурсы узачак
Санкт-Петербург шәһәренең шәһәр төзелеше һәм архитектура комитеты СССРның халык артисты һәм Зур драма театры җитәкчесе, илебезнең күренекле актеры Кирилл Юрьевич Лавров һәйкәле эскиз проектына Бөтенроссия архитектура конкурсы уздыра.
Катнашуга бөтен Россиядән архитекторлар, скульпторлар, дизайнерлар, рәссамнар, иҗат коллективлары чакырыла.
Катнашуга гаризалар һәм эскиз проектларын кабул итү 2025 елның 12 декабренә кадәр дәвам итәчәк. Нәтиҗәләр декабрьдә ясалачак. Приз фонды 1 млн сум тәшкил итә.
Конкурсантлар алдында һәйкәлнең эскиз проектын Санкт-Петербургның Петроград районы Ораниенбаум бакчасы территориясен тематик төзекләндерү концепциясе белән бергә тәкъдим итү бурычы тора. Проект өстендә эшләгәндә конкурста катнашучыларга архив фотосурәтләренә, видеоматериалларга мөрәҗәгать итәргә һәм тышкы охшашлык элементларына аерым игътибар бирергә кирәк.
Иң яхшы проектны сайлауда Кирилл Юрьевичның гаилә әгъзалары, театр җәмәгатьчелеге, экспертлар һәм башкалар катнашачак.
Һәйкәлне 2026 елда ачу планлаштырыла – актерның тууына 101 ел тулуга һәм Театр эшлеклеләре берлегенең 150 еллыгына.
Һәйкәл кую Санкт-Петербург бюджеты хисабына планлаштырыла.
Конкурсның Нигезләмәсе турында тулырак мәгълүматны Комитетның рәсми сайтында «Эшчәнлек» - «шәһәр төзелеше конкурслары» бүлегендә табарга мөмкин: https://kgainfo.spb.ru/konkurs_lavrov_k_u / һәм (812) 242-31-60 телефоны буенча