Татарстан Республикасы Төзелеш министрлыгында коррупцияне профилактикалау комиссиясенең чираттагы утырышы булды
ТР Төзелеш, архитектура һәм торак-коммуналь хуҗалык министрлыгында коррупцияне профилактикалау комиссиясенең чираттагы утырышы булды.
Утырышта Татарстан Республикасы Рәисенең коррупциягә каршы сәясәт мәсьәләләре идарәсе вәкилләре – коррупциягә каршы тикшерүләр бүлеге мөдире Равия Шрша һәм коррупциягә каршы тикшерүләр бүлегенең баш киңәшчесе Руслан Мөгинов катнашты.
Комиссия ведомство карамагындагы учреждение җитәкчесенең кардәшлек мөнәсәбәтләрендә торучы кандидатны эшкә алуга бәйле мөрәҗәгатен карады.
Бирелгән материалларны анализлаганнан соң, учреждение уставын һәм дәгъвачының вазыйфаи бурычларын да кертеп, комиссия әлеге вәзгыять мәнфәгатьләр конфликтына китерергә мөмкин дип билгеләде. Аны булдырмау өчен җитәкчегә бу кандидатны вакантлы вазыйфага караудан тыелып торырга тәкъдим ителгән.
Карар «Коррупциягә каршы тору турында» федераль закон, оешма уставы һәм башка локаль актлар таләпләре нигезендә кабул ителде һәм вазыйфаи бурычларны объектив һәм гадел башкаруны тәэмин итүгә юнәлдерелде.