Татарстанда төзекләндерү объектлары өчен Бөтенроссия тавыш бирүенә йомгак ясалды
21 апрельдән 12 июньгә кадәр Татарстанда яшәүчеләр 2027 елда кайсы парклар, скверлар, яр буйларын һәм урамнарны төзекләндерү өстенлек биргәнен сайлады. Бөтенроссия онлайн-тавыш бирү «Яшәү өчен инфраструктура» илкүләм проектының «Уңайлы шәһәр мохитен формалаштыру» федераль программасын гамәлгә ашыру кысаларында узды.
Быел республика халкына тавыш бирү өчен һәр муниципаль районда һәм шәһәр округында 178 җәмәгать урыны тәкъдим ителде. Исемлеккә шулай ук дәүләт хезмәтләре порталында уздырылган сораштыру нәтиҗәләре буенча 20 объект кертелгән.
Тавыш бирүдә 425 916 кеше катнашты. Шулардан 131 903 кеше – Казаннан, 57 037 – Яр Чаллыдан, 28 849 – Түбән Камадан. Әлмәт, Яшел Үзән һәм Бөгелмә районнары халкы да актив тавыш бирде. Республиканың 45 районының һәркайсында тавыш бирүдә үз җиңүчесе – киләсе елда төзекләндереләчәк территория бар. Җиңүче объектлар исемлеген сылтама һәм сайтта табарга мөмкин https://pos.gosuslugi.ru/lkp/fkgs/home/
Җыелган тавышлар саны буенча су белән бәйле проектлар лидер булды. Мәсәлән, Яр Чаллыда Фикрәт Табиев исемендәге яр буен төзекләндерүне дәвам итү проекты җиңү яулады – 40 192 тавыш җыелды. Шундый ук югары ярдәм күрсәткечләре Чирмешән районында да теркәлгән (Олы Чирмешән елгасы яр буе – 2 534 тавыш, Балык Бистәсе районында – 2 649 тавыш). Бу күрсәткечләр бүген республиканың кече һәм эре шәһәрләрендә шәһәр мохите сыйфатына сорауларның берсе булуын күрсәтә.
Популярлык буенча икенче урында төбәкнең мәдәни хәтерен туплый торган яки барлык буыннар өчен төп ял итү үзәге функциясен үти торган объектлар. Казанда абсолют лидер – Татарстан урамындагы бөек татар җырчысы Сара Садыйкова скульптурасын урнаштыру скверыннан тыш (49 474 тавыш) – халык республиканың башка районнарында да тарихи мирас белән бәйле территорияләрне актив сайлады. Әйтик, Кама Тамагы районында Совет һәм К.Маркс урамнары киселешендә урнашкан 1 363 тавыш җыйган Җиңү Паркы җиңүче булды. Мамадыш районында Давыдов урамындагы Җиңү Паркы җиңү яулады. Азнакайда яшәүчеләр Р. Ишкаев исемендәге Үзәк паркны төзекләндерүне дәвам итүне хупладылар – 5 004 тавыш. Теләче районында халык үзәк паркка абсолют өстенлек бирде, ул 1 542 тавыш җыйды. Түбән Камада шәһәр халкы «Сөембикә» паркын үстерүне дәвам итү өчен тавыш бирде, ә Бөгелмәдә 1938 елда ук төзелгән Владимир Ленин урамындагы тарихи балалар паркы җиңүче дип танылды. Мондый объектлар өчен тавыш бирү шуны ассызыклый: халыкка тарихи тамырларны саклап калу һәм мәдәни чараларны, гаилә ялын һәм республика геройлары һәм күренекле эшлеклеләре турындагы истәлекне берләштерә алырлык зур, сыйфатлы һәм күп функцияле киңлек булу принципиаль мөһим.
ТР шәһәрләрен үстерү институты материаллары буенча