Яр Чаллының ике комплексында илкүләм проект буенча канализация челтәре яңартыла
Чаллыда 17а комплексының кварталдан тыш басым канализациясен һәм 19 комплексның мәйданнан тыш хуҗалык фекаль канализациясен капиталь ремонтлау дәвам итә. Объект 205,8 млн сум финанслау белән «Тормыш өчен инфраструктура» илкүләм проекты программасына кертелгән.
«ТР инженерлык челтәрләренең баш идарәсе» ДКУда хәбәр итүләренчә, 1972 елда төзелгән корыч торба үткәргеч 90% ка диярлек тузган. Куллану барышында торбаларның гидроизоляциясе бозылган, коррозиянең интенсив процессы теркәлгән. Монда берничә тапкыр авария хәлләре бетерелгән.
Эшчеләр горизонталь юнәлешле бораулауның инновацион ысулы белән 3029,4 м полиэтилен торба сузганнар. Участокта 4 насосны алыштырасы калды. Башкарылган төзелеш-монтаж эшләре күләме 85% ка җитте. Объектны август аенда гамәлгә ашыру планлаштырыла.
17а һәм 19 комплекста инженерлык челтәрләрен капиталь ремонтлау нәтиҗәсендә Яр Чаллыда яшәүче 38123 кешегә хезмәт күрсәтү яхшырачак.
Исегезгә төшерәбез, 2026 елда «Тормыш өчен инфраструктура» илкүләм проекты буенча Татарстанда коммуналь өлкәнең 17 объекты яңартылачак. Моңа 2,5 млрд сум тотылачак. Шул объектның 15е – Чаллыда.