Уку елы башына Түбән Камада Лемаев исемендәге көллиятнең ярты гасырлык тулай торагы тулысынча яңартылачак
Уку елы башына Түбән Камада Н. В. Лемаев исемендәге нефть химиясе һәм нефть эшкәртү көллиятенең тулай торагы ремонтланачак. Бу максатларга 250 млн сумнан артык акча бүлеп бирелгән, шуның 125 млн сумы – «Яшьләр һәм балалар» илкүләм проектының «Профессионалитет» федераль программасы уңаеннан.
Көллиятнең 4811 кв. м мәйданлы биш катлы тулай торагына ярты гасырдан артык – ул 1973 елда төзелгән. Шуңа күрә проект буенча монда төзелеш-монтаж эшләренең бөтен комплексы планлаштырылган.
ТР ГИСУ мәгълүматлары буенча, бинада сүтү эшләре тулысынча башкарылган, түбәсе һәм барлык тәрәзәләре яңартылган. Төзүчеләр фасадны, су, канализация, җылылык, электр белән тәэмин итү челтәрләрен ремонтлауны дәвам итәләр, бүлмәләрне бизәүне дәвам итәләр, ишекләрне алыштыралар, керү урыннарын урнаштыруга керештеләр.
Объектта хәзер 31 кеше эшли.
Тулай торак өчен шулай ук заманча җиһазлар һәм инвентарь сатып алу каралган.
Хәзергә объектның оператив әзерлеге 60% тәшкил итә.