"Россия гаиләсе өчен торак" программасы март аена эшләнгән булырга тиеш

Россия Хөкүмәтенең башлыгы Дмитрий Медведев 2014 елның март аена "Россия гаиләсе өчен торак" программасын эшләп бетерергә һәм расларга кушты.

"Россия Төзелеш министрлыгына, Россиянең Иктисади үсеш министрлыгына һәм Россия финанслар министрлыгына "Россия Федерациясенең гражданнарын уңайлы торак һәм коммуналь хезмәтләр белән тәэмин итү" программасы составында 2017 елга өстәмә 25 млн. кв.метрдан ким булмаган торак төзергә мөмкинлек бирәчәк "Россия гаиләсе өчен торак" программасын эшкәртергә һәм расларга", - дип әйтелә РФ Хөкүмәте сайтында басылган документта.

Срок - 2014 елның 17 мартына кадәр.

Шулай ук Дмитрий Медведев РФ закон чыгару системасына төзелеш өчен җир тапшыру тәртибен гадиләштерү, җирле үзидарә әгъзалары тарафыннан буш җир участокларын үтә күренмәле һәм аермачык регламентланган тәртип буенча сатуга куюын таләп итү; төзүче оешманың төзелешне билгеләнгән вакытта башлавын таләп итү, алдан килешелгән бурычларын үтәмәгән очракта төзүче оешманың хокуклары туктату механизмын билгеләү буенча үзгәрешләр кертергә кушты.