ЯҢАЛЫКЛАР
Бүген Татарстан Республикасы Хөкүмәте йортында Татарстан Республикасы Президенты Рөстәм Миңнеханов төзелеш һәм юллар тармаклары мәсьәләләре буенча киңәшмә уздырды.
Өлеш кертеп тә фатирлары төзелмичә калганнарның йортларын төзеп бетерү һәм файдалануга тапшыру өчен финанслау мәсьәләләре турында фикер алыштылар.
«ДОМ.РФ» АҖ белән хезмәттәшлек турында Татарстан Республикасы Премьер-министрының беренче урынбасары Рөстәм Нигъмәтуллин сөйләде. Ул хәбәр иткәнчә, 2019 елның октябрендә федераль карар нигезендә махсуслаштырылган Фонд төзелгән иде, аңа асылда өлеш кертеп тә фатирлары төзелмичә калганнар кергән. Техник заказчы билгеләнгән, аңа «ДОМ.РФ» АҖ аша кирәкле акчалар бүлеп биреләчәк.
Фонд белән 4 проблемалы төзелеш объектына (2049 фатир) килешү төзелгән, шул исәптән 1549 фатир өлеш кертеп тә фатирлары төзелмичә калганнарныкы, гомуми суммасы 5,5 млрд. сум.
Финанслашу сыйфатында республика тарафыннан 2,2 млрд. сум кертелгән.
Өстәмә рәвештә республика тагын 6 объектта төзелешне тәмамлауга үтеенчнамә җибәргән.
Киңәшмәдә шулай ук «Шәле (М-7) – Баулы (М-5)» түләүле автомагистрален төзү проектын гамәлгә ашыру мәсьәләләре дә каралды.
Рәссәй Энергетика министрлыгы массакүләм мәгълүмат чараларын, ягулык-энергетика комплексы компанияләренең матбугат хезмәтләрен һәм төбәк администрацияләрен «МедиаТЭК»VI Бөтенрәссәй конкурсында катнашырга чакыра. Экспертлар советын янә Рәссәй Федерациясе Президенты Администрациясе җитәкчесе урынбасары – Рәссәй Федерациясе Президенты матбугат секретаре Дмитрий Песков җитәкли. Конкурска массакүләм мәгълүмат чараларында/блогларда чыккан һәм 2019 елның 1 сентябреннән 2020 елның 20 августына кадәр чорда гамәлгә ашырылган проектлар һәм журналист эшләре кабул ителә. Катнашу кагыйдәләре, гаризаны рәсмиләштерүгә таләпләр һәм эшләрне бәяләү критерийлары конкурс сайтында https://медиатэк.рф/ Конкурс турында нигезләмәдә һәм кушымталарда һәм Рәссәй Энергетика министрлыгы сайтының «Матбугат үзәге» бүлегендә / МЕДИАТЭК конкурсы күрсәтелгән.
«Татарстан Республикасы торак-коммуналь хуҗалык өлкәсендә иҗтимагый контроль региональ үзәге» коммерцияле булмаган партнерлык ТКХ сораулары буенча онлайн анкеталау үткәрә. Сораштыру үз-үзеңне изоляцияләү чорында ТКХ хезмәтләре күрсәтү сыйфатына багышланган. Сораулар үз эченә түбәндәге темаларны ала: чүп чыгару, хезмәт күрсәтү бәясе һәм бурычлар, подъездларны санитар эшкәртү. Катнашу өчен сылтама буенча күчеп килергә мөмкин https://forms кgle/EiPhUaNHN5Vxxqbu5.
22 майга торак төзелеш программалары буенча республикада 995,5 мең кв. метр торак файдалануга тапшырылган, бу – планның 33,4%ы. 2 атна эчендә үсеш 57 мең кв. метр. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Фәрит Хәнифов хәбәр иткәнчә, республикада төзелеш мәйданнарын чистарту буенча санитар-экологик ике айлык дәвам итә, аның кысаларында төзелеш мәйданчыклары территориясендә «Чиста төзелеш» чарасы уздырыла. 1 апрельдән 20 майга кадәр Татарстан Республикасы Дәүләт төзелеш күзәтчелеге инспекциясе 200 тикшерү уздырган, 21 норма бозу ачыкланган. 21 административ беркетмә төзелгән, 94 мең сум күләмендә штраф салынган.
Татарстан Республикасы Президенты каршындагы Дәүләт торак фондының (ТР ДТФ) 2020 елга инвестицион программасы буенча – мәйданы 26,5 мең кв. метр булган 483 фатирлык 12 торак йорт буенча статистика органнарына хисаплар тапшырылган (планның 9,7 %ы). 2 атна эчендә 118 объект буенча инвестицион программа үтәлеше: 133,2 мең кв.метр мәйданда 78 объект – әзер диярлек, уртача әзерлектә - 111,4 мең кв.метрда 17 объект, 2,4 мең кв.метр мәйданда 23 объектта эшләр күп әле.
2020 елда күп фатирлы инвестицион торак программасы буенча 1 млн 317,2 мең кв. м мәйданда 177 күп фатирлы йортны эксплуатациягә кертү каралган. 22 майга 360,5 мең кв. м мәйданда 53 йорт файдалануга тапшырылган, планның 27,6%ы. 67 йорт әзер диярлек (70%-100%), 50 йорт уртача әзерлектә (30%-70%), 7 йортта эшләр күп әле (0%-30%).
2020 елда индивидуаль торак төзелеше буенча 1 млн 388,2 мең кв. м мәйданда 10 мең 680 йорт төзү планлаштырыла. 22 майга 604 мең кв. м мәйданда 4 мең 649 индивидуаль торак йорт файдалануга тапшырылган, бу – планның 43,5%ы. 2 атна эчендә үсеш 52,6 мең кв.метр.
Торак белән тәэмин итү өлкәсендә гражданнарга дәүләт ярдәме күрсәтү программалары буенча 728 гаиләгә 1 млрд 193,4 млн сум күләмендә торак шартларын яхшырту каралган.
Быел торак белән 600 ятим бала тәэмин ителәчәк. Татарстан Республикасы Җир һәм мөлкәт мөнәсәбәтләре министрлыгы белән ДТФ арасында 349 торак урынына төзелгән контрактлар кысаларында бүгенгә 205 торак урынына милек хокукы теркәлгән, 103 торак урыны сатып алу алды әзерлеге дәрәҗәсендә, 41 торак урыны эксплуатациягә тапшырылмаган йортларда (әзерлек 80%тан артык).
2020 елның 23 маена 46 күп балалы гаиләнең 9ында сертификатлар гамәлгә ашырылган. Шулай ук 12 муниципаль берәмлектә 47 яшь гаиләне торак белән тәэмин итү буенча Татарстан Республикасы Яшьләр эшләре министрлыгы тарафыннан муниципаль берәмлекләр белән финанслашу турында килешүләр төзү эше тәмамланган. 23 майга 15 яшь гаиләгә субсидияләр күчерелгән.
Моннан тыш, 35 мәҗбүри күченүче, Ерак Төньяктан күченүче һәм чернобыльчены торак белән тәэмин итү кысаларында 19 сертификат гамәлгә ашырылган, шулардан 8 чернобыльче, 9 мәҗбүри күченүче, 2 Ерак Төньяктан күченүче торак белән тәэмин ителәчәк. 23 майга 5 сертификат реализацияләнгән.
Фәрит Хәнифов искәрткәнчә, 2020 елда «Уңайлы мохит» программасы буенча быел гомуми суммасы 16,58 млн. сумга 12 гомуми белем учреждениесе җайлаштырылачак.
Мөрәҗәгать иткән клиентларның 83%ы авыл территорияләрендә торак сатып алу яки төзү белән кызыксына. «Россельхозбанк» АҖнең Татарстан төбәк филиалы «Авыл территорияләрендә торак төзелеше (сатып алу) өчен Рәссәй Федерациясе гражданнары өчен ташламалы процент ставкасы белән ипотека кредиты» программасын гамәлгә ашыру кысаларында 800 млн сумлык 370 кредит бирде. Ипотека кредитының уртача чегы 2,4 млн сум тәшкил иткән. Мөрәҗәгать иткән клиентларның 83%ы авыл территорияләрендә торак сатып алу яки төзү белән кызыксына икән, алар район үзәкләренә яки массакүләм төзелеш алып бару (халык саны 5 меңнән 20 меңгә кадәр булган) территорияләренә карый. Халык тарафыннан, нигездә, торак йортлар-гаризаларның гомуми саныннан 36%, шулай ук өлешләп катнашу килешүләре буенча (29%) һәм сату-алу килешүләре буенча (33%) фатирлар сатып алуга ихтыяҗ бар. Программага шулай ук авыл территорияләрендә яшәүчеләргә йортларны төзекләндерүгә 3% ташламалы ставка белән тәэмин ителмичә генә куллану кредитын бирү дә керә.
«Цифрлы алга китеш» - цифрлы икътисад өлкәсендә масштаблы команда ярышы. Конкурс IT-белгечләр, маркетологлар, дизайнерлар һәм цифрлы икътисад өлкәсендә идарәчеләр өчен үткәрелә һәм «Рәссәй мөмкинлекләр иле» Президент платформасының флагман проектларының берсе булып тора. Конкурсның максаты-гамәли цифрлы продуктларны булдыру һәм гамәлгә кертүгә сәләтле командаларны формалаштыру һәм үстерү. Конкурсны үткәрү кысаларында 2020 елның 17 мартыннан турыдан-туры хакатоннарга теркәлү мөмкинлеге ачылды. Бүгенге көндә катнашучыларны теркәү дәвам итә. Конкурс биш этапта уздырыла: региональ хәбәрне теркәү һәм сайлау, антибот-тест узу, команда булдыру, төбәк сайлау хакатоннары 2020 елның августыннан сентябрь аена кадәр 8 шәһәрдә, 2020 елның октябрендә 48 сәгатьлек финал хакатоны-Рәссәйдә иң зурлардан санала. Марафонда һәм конкурсның турыдан-туры этабында катнашу өчен Конкурсның рәсми сайтында - цифрлы прорыв.рф. - гариза бирергә кирәк.
23 муниципаль районны тикшерү планлаштырыла. Эшлекле сәфәр кысаларында, Татарстан Төзелеш министрлыгы башлыгы Фәрит Хәнифов йөкләмәсе буенча, министр урынбасарлары Айназ Ярмиев һәм Ринат Абдуллин бүгенге көндә берничә муниципалитетта булдылар. Алар арасында Биектау, Әтнә, Балтач, Кукмара, Алабуга, Менделеевск муниципаль районнары бар. Очрашуда милли проектларны, федераль һәм республика максатчан программаларын гамәлгә ашыру мәсьәләләре буенча фикер алыштылар. Киңәшмә барышында торак төзелеше, аерым алганда, азкатлы йорт төзелешен үстерү планын үтәү мәсьәләләренә аерым игътибар бирелде. Төзелеш министрлыгы вәкилләрен генераль планнар, территорияләрне планлаштыру проектлары, социаль инфраструктура, җир кишәрлекләре, район үзәген һәм авыл җирлекләрен инженер инфраструктурасы белән тәэмин итү, индивидуаль һәм күпфатирлы торак йортлар белән оештырылган төзелеш перспективалары турындагы сораулар кызыксындырды. Моннан тыш, иҗтимагый киңлекләрне үстерү, «Безнең ишегалды» программасын гамәлгә ашыру, ТАССР төзелүнең 100 еллыгын бәйрәм итүгә әзерлек мәсьәләләре дә күтәрелде. Шулай ук күп фатирлы йортларга, социаль-мәдәни һәм коммуналь инфраструктура объектларына капиталь ремонт ясауга, торак-коммуналь хуҗалык тармагы оешмаларының икътисадый торышына, коммуналь хезмәтләр өчен җыелуга һәм халыкның бурычларына зур игътибар бирелде.
Бүген Татарстан Республикасы Министрлар Кабинеты утырышында "2019/2020 еллар җылылык бирү чорында Татарстан Республикасы ягулык-энергетика һәм торак-коммуналь комплекслары оешмаларының эшен оештыруга йомгак ясалды.
Утырышны видеоконференция режимында Татарстан Республикасы Премьер-министры Алексей Песошин уздырды.
Утырышта Татарстан Республикасы Президенты Рөстәм Миңнеханов катнашты.
Алексей Песошин хәбәр иткәнчә, 2019/2020 елгы көзге-кышкы чорга әзерлек буенча муниципаль районнарның һәм торак-коммуналь хуҗалыгы энергетика предприятиеләренең уртак хезмәте җылылык бирү чорын билгеләнгән срокларда тәмамларга мөмкинлек бирде. Республикада 2019 елның 3 сентябрендә җылылык бирү башланды һәм 2020 елның 7 маенда тәмамланды.
Авария-техник запасны тутыру өчен Татарстан Республикасы бюджетыннан 80,4 млн. сум җибәрелгән иде.
Электр энергиясе белән коммуналь хуҗалык системаларын гадәттән тыш шартларда өзлексез тәэмин итү өчен, шулай ук энергия белән тәэмин итүне торгызу бурычларын оператив хәл итү өчен Казанның «Татлизинг» ДУП складында гомуми куәте 1 050 кВт булган 14 дизель-генератор урнаштырылган.
2019/2020 ел җылылык бирү чорына әзерлек кысаларында барлык муниципаль берәмлекләр һәм энергияне сак тоту оешмалары «Газпром межрегионгаз Казань» акционер җәмгыяте белән табигый газга шартнамәләр төзеделәр.
Ростехнадзорның Идел буе идарәсе тикшерүләре буенча 45 муниципаль берәмлектән 43се әзерлек паспортын вакытында алган.
Дәүләт торак инспекциясе бу чорда 1 467 торак-коммуналь объектын тикшергән, 1 046 күрсәтмә бирелгән, шуларның 989ы үтәлгән.
2019/2020 еллар җылылык бирү чорында коммуналь челтәрләрдән өзелү рәвешендә 506 авария очрагы теркәлгән, бу үткән елның шушы чорына карата 2 мәртәбәгә артык.
Татарстан Республикасы Премьер-министры билгеләп үткәнчә, 85 авария салкын су белән тәэмин итү челтәрләрендә теркәлгән.
Татарстанда 15940 йортка газ кертелгән, күп фатирлы йортларның 93%на. 1 майга коммуналь комплекс оешмаларының газ өчен бурычлары 503,1 млн. Үткән елның шушы чорына карата 0,2 млн. сумга кимегән.
Россия Федерациясе Президенты В.В. Путин һәм Татарстан Республикасы Президенты Р.Н. Миңнеханов кушулары буенча коронавирус инфекциясен таратмау чараларын гамәлгә ашыру кысаларында торак-коммуналь өлкә хезмәткәрләре сәламәтлеген саклауга аерым игътибар бирергә кирәк.
2019/2020 ел җылылык бирү чорына йомгак турында төп нотык белән Татарстан Республикасы төзелеш, архитектура һәм ТКХ министры Фәрит Хәнифов чыгыш ясады.
Утырышта тагын Ростехнадзорның Идел буе идарәсе җитәкчесе Борис Петров, «Татэнергосбыт» АҖ директоры Рифнур Сөләйманов, «Татэнерго» АҖ генераль директоры Рәүзил Хаҗиев, «Сетевая компания» ААҖ генераль директоры Илшат Фәрдиев чыгыш ясадылар.
Бу хакта 19 майда төзелештә мәҗбүри таләпләрнең кимүенә багышланган киңәшмәдә төбәк үсеше буенча Хөкүмәт комиссиясе Президиумы (штаб) рәисе урынбасары- төзелеш, архитектура һәм торак-коммуналь хуҗалык министры беренче урынбасары Ирек Фәйзуллин хәбәр итте. Рәссәй Төзелеш министрлыгы тәкъдимнәре арасында-милли стандартларның һәм кагыйдәләрнең җыелма исемлеген формалаштыру, аларны куллану нәтиҗәсендә Биналарның һәм корылмаларның иминлеге турында Техник регламент таләпләрен үтәү тәэмин ителәчәк; капиталь төзелеш объектын үзгәртеп кору һәм мәҗбүри төзелеш нормаларыннан чигенгән очракта гына махсус техник шартлар (МТШ) эшләүгә карата таләпләрне билгеләү. Ирек Фәйзуллин төзелештә яңа технологияләр куллану буенча чикләүләрне бетерү кирәклегенә игътибар итте. Ул шулай ук проект документларына экспертиза ясаучы оешмаларның роле һәм җаваплылыгы арттырылырга һәм Дәүләт төзелеш күзәтчелегенең сыйфаты арттырылырга тиеш, дип өстәде. Мисал өчен, мәҗбүри тәртиптә, милли проектлар кысаларында бюджет акчалары хисабына төзелгән яки реконструкцияләнә торган объектларга карата төзелеш контролен үткәрү тәкъдим ителә.
Рәссәйдә торак төзелеше өлкәсендә иң масштаблы премиягә — ел саен үткәрелә торган яңа төзелгән торак комплекслар - ТОП ТК конкурсына йомгак ясалды. Азкатлы йортлар арасында Рәссәй Федерациясендә иң яхшы яңа төзелгән торак комплекс – Унистрой компаниясе төзегән «Царево Village» ТК танылды. Конкурста РФның 74 регионыннан 772 төзүчедән 1 155 проект катнашты. Шуларның 438 төзүчедән 537 торак комплексы финалга чыкты. Жюри карары белән азкатлы йортлар арасында Рәссәй Федерациясендә иң яхшы яңа төзелгән торак комплекс – Унистрой компаниясе төзегән «Царево Village» ТК танылды, ул Татарстан Республикасының Питрәч районында төзелә. Татарстан Республикасында иң яхшы яңа төзелгән торак комплекс – Унистрой компаниясе төзегән «ART City» торак комплексы. Урта катлы йортлар арасында Татарстан Республикасында иң яхшы яңа төзелгән торак комплекс - КамаСтройИнвест компаниясе төзегән «Z House» ТК булды. Арзан торак арасында Казан шәһәрендәге иң яхшы яңа төзелгән торак комплексы – Грань Девелопмент компаниясе төзегән «Яңа Горки» торак комплексы. Яр Чаллы шәһәрендәге иң яхшы яңа төзелгән торак комплексы – Талан компаниясе төзегән «Шәһәр Йөрәге» ТК булды. Арзан торак арасында Яр Чаллы шәһәрендә иң яхшы яңа төзелгән торак комплекс – Домкор компаниясе төзегән - «Кызыл Чаллы» ТК булды.