ЯҢАЛЫКЛАР
«Рәссәйнең баш дәүләт экспертизасы» ФАУ Казан филиалы базасында дәүләт заказчыларын онлайн–укыту буенча ике көнлек «пилот проекты» эшли башлады. Әлеге программа Идел буе федераль округының җитәкче составын һәм дәүләт заказчыларын укытуны күздә тота. Мәгълүмати модельләштерү инструментларын куллану һәм заманча алымнар турында «АБ-1 архитектура бюросы» ҖЧҖ директоры Иван Мошка сөйләде. Үз чыгышында ул мәгълүмати модельләштерүне проект оешмалары өчен генә түгел, махсус/махсус булмаган заказчы өчен дә куллану өстенлекләре турында җентекләп сөйләде. Чыгышның мөһим өлеше булып 5 төп адымнан торган заманча проектлаштыруның һәр этабы тасвирланды: 1. Проектлауга техник заданиене әзерләү: анда барлык катнашучыларны билгеләү, гомуми байрак бирү һәм кагыйдәләр турында килешү мөһим. 2. Архитектура/технологик концепцияне эшләү: техник биремнең һәм барлык килешүләрнең визуализациясе. 3. Мәгълүмати модельләштерү: визуаль һәм этаплап контроль. Басым нормоконтроль моделенә. 4. Мәгълүмати модельне кабул итү. 5. Проект смета документациясен рәсмиләштерү: башта моделе аннары проект.
Төзелеш тармагына дәүләт заказчысының нәтиҗәле хезмәте кирәк, бу хакта Рәссәй Федерациясе Төзелеш һәм торак-коммуналь хуҗалык министрының беренче урынбасары Ирек Фәйзуллин, «Дәүләт заказчысының нәтиҗәле хезмәте» программасын тормышка ашыру кысаларында Идел буе федераль округы вәкилләрен укыту буенча пилот проектын ачып, белдерде. Уку 15 һәм 16 апрельдә Рәссәйнең баш дәүләт экспертизасы Казан филиалы базасында вебинарлар формасында үткәрелә. «Безнең беренчел бурыч – урыннарда заказчының грамоталы квалификацияле хезмәтен тәэмин итү. Моның өчен Рәссәйнең баш дәүләт экспертизасы, ә алга таба «РосКапСтрой» ФАУ белән берлектә, региональ һәм муниципаль хакимият вәкилләренең бюджет акчаларын кулланучылар дәрәҗәсе буенча дистанцион һәм турыдан-туры укулары уздырылачак. Бу эш хәзерге катлаулы шартларда аеруча мөһим, чөнки ил буенча төзелешләр туктатыла, һәм федераль бюджеттан субсидияләнә торган объектлар вакытында гына файдалануга тапшырылмаска мөмкин, асылда да гамәлгә ашырылмый. Мин төбәк җитәкчеләренең үлчәүле позициясенә ышанам, аларга элеккеге режимда эшнең дәвам ителүе, инвестиция-төзелеш процессында катнашучыларның үзара ничек хезмәттәшлек итүе һәм, иң мөһиме, төзелеш мәйданнарында санитар-эпидемиологик иминлек чараларының барысы да тәэмин ителәчәге бәйле», - дип ассызыклады Ирек Фәйзуллин.
Бүген «Рәссәйнең баш дәүләт экспертизасы» ФАУ Казан филиалы базасында «Дәүләт заказчысы эффектив хезмәте» программасын тормышка ашыру кысаларында Идел буе федераль округының дәүләт заказчылары вәкилләрен укыту буенча пилот проект эшләтеп җибәрелде. Дискуссиянең бер темасы төзелеш тармагында хезмәтне саклау таләпләрен үтәүне мониторинглау һәм контрольдә тоту мәсьәләләре буенча фикер алышу булды. ТР Төзелеш, архитектура һәм торак-коммуналь хуҗалык министры урынбасары Илшат Гыймаев, вебинарда чыгыш ясаганда, соңгы биш елда республиканың төзелеш тармагында бәхетсезлек очракларының гомуми саны 2,4 тапкырга кимүен билгеләп үтте. Ул шулай ук төзелештәге бәхетсезлек очракларының төп төре булып, элеккечә үк, биеклектән төшү кала, бу күрсәткеч бәхетсезлек очракларының 44% ын тәшкил итә, дип аңлатты. 39% - предметларның егылуы һәм җимерелүе, тулаем алганда, бу төрләр бәхетсезлек очракларының 83% ын тәшкил итә.
ТР Төзелеш, архитектура һәм торак-коммуналь хуҗалык министры урынбасары Владимир Кудряшев, «Дәүләт заказчысының эффектив хезмәте» вебинарында чыгыш ясаганда, Тулаем алганда, инвестицион-төзелеш комплексының эш нәтиҗәләре дәүләт заказчысы хезмәтенең нәтиҗәле эшенә бәйле булганынбилгеләп үтте. Владимир Кудряшев билгеләп үткәнчә, Татарстанда ел саен объектлар төзү, реконструкцияләү һәм капиталь ремонт буенча 50гә якын дәүләт программасы гамәлгә ашырыла. «Раслауга һәм алга таба гамәлгә ашырылырга планлаштырылган программаларны эшләүгә барлык техник һәм проект-смета документларын максатчан әзерләү кирәк булачак, ул, үз чиратында, барлык кирәкле беренчел-рөхсәт документларын җыю һәм анализлаудан башлана», - диде министр урынбасары. «Дәүләт программаларын формалаштыру стадиясендә үк проект алдын әзерләү буенча бөтен кирәкле эш башкарылсын һәм беренчел документациянең тулы комплекты формалаштырылсын өчен эшне төзү бик мөһим, бу, ахыр чиктә, тагын да сыйфатлырак проект документациясен эшләүгә, бюджет акчаларын нәтиҗәле сарыф итүгә һәм объектларны гамәлгә ашыру срокларын киметүгә ярдәм итәчәк»,- дип билгеләп үтте министр урынбасары.
Татарстан Республикасында торак төзелеше программалары буенча 2020 елның 10 апреленә 839,1 мең кв. м торак файдалануга тапшырылган, бу планның 28,2%ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Татарстан Республикасы Президенты каршындагы Дәүләт торак фондының (ТР ДТФ) 2020 елга инвестицион программасы буенча – мәйданы 20,5 мең кв. метр булган 363 фатирлык 11 торак йорт буенча статистика органнарына хисаплар тапшырылган.
Калган 119 объекттан 98,8 мең кв. метрда 61 объект әзер диярлек, 104,3 мең кв. метрда 31 объект – уртача әзерлектә, 50,0 мең кв. метрда 27 объектта эшләр күп әле.
2020 елда күп фатирлы инвестицион торак программасы буенча 1 млн 317,2 мең кв. м мәйданда 177 күп фатирлы йортны эксплуатациягә кертү каралган. Бүгенгә 348,0 мең кв. м мәйданда 49 йорт файдалануга тапшырылган. Ике атна эчендә 6,4 мең кв. метр мәйданда 4 күп фатирлы йорт эксплуатациягә тапшырылган.
67 йорт әзер диярлек (70%-100%), 52 йорт уртача әзерлектә (30%-70%), 9 йортта эшләр күп әле (0%-30%).
2020 елда индивидуаль торак төзелеше буенча 1 млн 388,2 мең кв. м мәйданда 10 мең 680 йорт төзү планлаштырыла. 10 апрельгә 470,6 мең кв. м мәйданда 3620 индивидуаль торак йорт файдалануга тапшырылган, бу – планның 33,9%ы. Ике атна эчендә динамика – 52,7 мең кв. м.
Фәрит Хәнифов хәбәр иткәнчә, 2020 елның 10 апреленә 46 күп балалы гаиләнең барысына да сертификатлар рәсмиләштерелгән.
Яшь гаиләләрне торак белән тәэмин итү буенча Татарстан Республикасы Яшьләр эшләре министрлыгы «Электрон бюджет» системасында чыгымнарны финанслашу буенча муниципаль берәмлекләр белән килешүләр төзүне тәмамлаган.
12 муниципаль берәмлектә 47 яшь гаиләне торак белән тәэмин итү исемлеге расланган. 2020 елның икенче кварталына аларга субсибияләр күчерелгән.
Моннан тыш, 35 мәҗбүри күченүчедән Ерак Төньяктан күченүче һәм чернобыльчены торак белән тәэмин итү кысаларында 10 апрельгә 19 сертификат гамәлгә ашырылган, шулардан 8 чернобыльчы, 9 мәҗбүри күченүче, 2 Ерак Төньяктан күченүче торак белән тәэмин ителәчәк.
Министр хәбәр иткәнчә, быел алты илкүләм проект гамәлгә ашырылачак: «Демография», «Торак шәһәр һәм тирәлеге», «Экология», «Мәгариф», «Сәламәтлек саклау» һәм «Мәдәният». Әлеге проектларны финанслау күләме 13 млрд сум. 125 объектта эшләр башкарылачак.
«Демография» илкүләм проекты буенча 5 млрд 158,49 млн сумга 28 объект буенча эшләр планлаштырылган.
«Торак һәм шәһәр тирәлеге» илкүләм проекты буенча 66 объект буенча эшләр планлаштырылган, 2 мең 620 кв.м авария хәлендәге торактан гражданнарны күчерү каралган. Гомуми финанслау суммасы 4 млрд 452,7 млн сум.
«Экология» илкүләм проекты буенча 1 млрд 624,68 млн сумга 7 объект буенча эшләр планлаштырылган.
«Мәгариф» илкүләм проекты буенча 1 млрд 192,53 млн сумга 8 объект буенча эшләр планлаштырылган.
«Сәламәтлек саклау» илкүләм проекты буенча 1 млрд 90,9 млн сумга 10 объект буенча эшләр планлаштырылган.
«Мәдәният» илкүләм проекты буенча 84,95 млн сумга 6 объект буенча эшләр планлаштырылган.
Фәрит Хәнифов искәрткәнчә, республикада төзелеш барлык объектларда да торгызылгын.
Киңәшмәдә республикада «Безнең ишегалды» программасын гамәлгә ашыру турында Татарстан Республикасы Президенты ярдәмчесе Наталия Фишман-Бекмамбетова чыгыш ясады. Ул хәбәр иткәнчә, dvor.tatar сайтында программаның төп нигезләмәләре белән танышырга мөмкин, шулай ук үз тәкъдимнәреңне дә калдырып була. Телефоны: 8 (800) 27-5-2020.
Наталия Фишман-Бекмамбетова хәбәр иткәнчә, иң актив шәһәрләр: Казан, Чаллы, Әлмәт. Бу программа буенча комментарийларны шулай ук «Халык контроле» системасында да калдырып була.
Татарстан Республикасы Президенты искәрткәнчә, «Безнең ишегалды» программасы дәвам итәчәк.
«Безнең ишегалды» программасы биш елга исәпләнгән, бүген икътисадый вәзгыять катлаулы, әмма без программаны дәвам итәчәкбез, - диде Рөстәм Миңнеханов. – Бу – зур һәм җитди эш. Быел – старт елы, катлаулы булачак. Безгә халык белән эшләргә өйрәнергә кирәк – аларның теләкләрен тыңларга, ә иң мөһиме – аңлатып бирә белергә».
1. Хөкүмәт карары үз көченә кергән көннән соң гамәлдә булу срогы чыккан төзелешкә рөхсәтләр бер елга озайтыла.
2. 2020 елның 6 апреленнән 2021 елның 1 гыйнварына кадәрге чорда Проект документларына экспертиза һәм инженерлык эзләнүләре нәтиҗәләренә экспертиза бәяләмәләрен әзерләү хокукына физик затларны аттестацияләү, аттестацияләү буенча дәүләт хезмәте күрсәтү үзенчәлекләренә карата:
- 2020 елның 7 апреленнән 2021 елның 1 гыйнварына кадәр үтүче квалификация аттестатларының гамәлдә булу вакыты биш елдан алып алты елга кадәр озайтыла;
- 2020 елның 6 апреленнән 2021 елның 1 гыйнварына кадәр документлар бары тик ДХБП кулланып электрон документлар рәвешендә генә кабул ителә.;
- 2020 елның 6 апреленнән 2021 елның 1 гыйнварына кадәр кәгазьле аттестатлар бирү гамәлгә ашырылмый. Проект документларына дәүләт яки дәүләти булмаган экспертиза һәм инженерлык эзләнүләре нәтиҗәләренә экспертиза үткәрү буенча һөнәри эшчәнлекне тормышка ашыру хокукына ия булган затлар турында белешмәләр Рәссәй Төзелеш министрлыгының рәсми сайтында урнаштырылган Проект документларына экспертиза һәм инженерлык эзләнүләре нәтиҗәләренә экспертиза бәяләмәләрен әзерләү хокукына аттестацияләнгән затлар реестрына кертелә.
Казанның Нәҗип Җиһанов урамында 1224 урынга исәпләнгән гомуми белем бирү мәктәбен үз-үзеңне изоляцияләү чорында да төзүне дәвам итәләр. Объектны яңа уку елына файдалануга тапшырырга планлаштыралар. Бу турыда «Ак таш» төзелеш компаниясе директоры урынбасары Дмитрий Клыков сөйләде.
«Вазгыять төзелеш темпларында чагылыш тапмый. Объектның эчке эшләрен башкарасы бар. Эшләрне июль аенда тәмамларга, августта объектны файдалануга тапшырырга планлаштырабыз, ә 1 сентябрьдә мәктәпкә балалар килергә тиеш», — диде Дмитрий Клыков.
Хәзер төзелеш мәйданчыгында өстәмә иминлек чаралары күрелә: хезмәткәрләрнең температурасын үлчиләр, кулларны дезинфекциялиләр, каска гына түгел, битлек тә бирәләр. 25 мең кв. метрлы объектта 196 төзүче эшли. Бинада илледән артык сыйныф бүлмәсе һәм берничә бассейн булачак.
«Мәктәптә зур спорт залы, ике өлешкә бүленгән иркен ашханә, өлкәннәр өчен 25 метрлы бассейн һәм башлангыч сыйныфларга кечерәк бассейн булачак», — дип сөйләде «Ак таш» төзелеш-монтажлау компаниясенең баш инженеры Илфат Закирҗанов.
Яңа уку елына шулай ук Бондаренко урамында күптелле белем бирү комплексы ачарга планлаштыралар. Ике яңа мәктәп ачылу нәтиҗәсендә Казанда 2500 яңа урын барлыкка киләчәк, ә 165нче мәктәпкә янкорылманы да исәпкә алып, аларның саны 3800 булачак.
Татарстан башкаласында «Адымнар — белем һәм татулыкка юл» полилингваль белем бирү комплексы төзелеше дәвам итә. Комплексны «Мәгариф» милли проекты кысаларында төзиләр. Кайбер кыенлыкларга карамастан, төзелеш туктамый, мәктәп 70% - ка әзер, дип сөйләде «Грань» төзелеш компаниясе генераль директоры Леонид Анисимов. «Мәктәп 70% - ка әзер. Тәэмин итүчеләр белән кайбер кыенлыклар булуга карамастан, объектны вакытында, 2020 елның 1 сентябренә тапшырырга планлаштырабыз», - дип билгеләп үтте Анисимов. Мәктәпне төзегәндә, үз-үзеңне изоляцияләү чорында, барлык куркынычсызлык таләпләрен һәм Роспотребнадзор рекомендацияләрен үтиләр. Керү юлында хезмәткәрләргә температураны үлчиләр, кулларын, кием-салымнарын дезинфекциялиләр, битлекләр һәм төзелеш каскаларын бирәләр. Төзелеш техникасы тәгәрмәчләре шулай ук дезинфекцияләнә. Һәр хезмәткәр белән даими рәвештә үз-үзеңне тоту буенча инструктаж үткәрелә. «Кул һәм аякларны дезинфекцияләү өчен чаралар төзелешнең һәр катында урнаштырылды. Объектта битлексез йөргән өчен 150 мең сумнан башлап штраф алырга мөмкин», - дип сөйләде төзелеш компаниясенең хезмәтне саклау бүлеге җитәкчесе Светлана Хәйруллина.