Татарстан Республикасында 2019 елның күп фатирлы йортларга капиталь ремонт программасы 98,5%ка үтәлгән. Торак фонды мониторингы белешмәләре буенча үтәлеш гомуми суммадан 5 млрд. 390 млн. 469 мең сум тәшкил итә.  

Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Хөкүмәте йортында узган республика киңәшмәсендә хәбәр итте. 

Киңәшмәне республиканың барлык муниципалитетлар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Татарстан Республикасы төзелеш, архитектура һәм ТКХ министры чыгышында хәбәр иткәнчә, 2018-2019 елларга «Демография» илкүләм проекты кысаларында, 6030 урын, шул исәптән 3110 ясле урыны булдырып, 30 балалар бакчасы төзү карала, шул исәптән бүгенгә 25 объект файдалануга тапшырылган. 

Мәктәпкәчә учреждениеләргә капиталь ремонт эшләре 8 ноябрьгә 112 объектның 101ендә тәмамланган, 11 балалар бакчасында эшләр дәвам итә.  

Республикада ресурс үзәкләренә капиталь ремонт дәвам итә. 8 ноябрьгә 15 объектның 13ендә эшләр төгәлләнгән. 2 объектта эшләр дәвам итә.

Балаларны савыктыру лагерьларына капиталь ремонт дәвам итә – 7 ноябрьгә 12 объектның 4сендә эшләр төгәлләнгән. 8 объектта эшләр бара әле.

Республиканың муниципаль районнарында авыл клубларын төзү программасы буенча 21 объектның 14ендә эшләр тәмамланган. 6 объектта эшләр бара. 

Мәдәни объектларга капиталь ремонт дәвам итә. 8 ноябрьгә пландагы 40 объекттан 3сендә эшләр бетмәгән әле.  

Татарстан Республикасының социаль хезмәт күрсәтү объектларына капиталь ремонт 8 ноябрьгә 34 объектта төгәлләнгән, 4 объектта эшләр бар әле.

Татарстанда 13 муниципаль архивка капиталь ремонт тәмамланган, 2  объектта эшләр дәвам итә.

Рөстәм Миңнеханов соравына җавап биреп, Татарстан Республикасы төзелеш, архитектура һәм ТКХ министры Ирек Фәйзуллин хәбәр иткәнчә,   республика программалары буенча барлык эшләр дә расланган графикларда бара. Муниципалитетлар алдындагы төп бурыч бүген 2020 елгы программаларны әзерләү һәм аларга дип җир кишәрлекләре бүлеп бирү, диде Татарстан Республикасы төзелеш министры.   

ТР Төзелеш, архитектура һәм торак-коммуналь хуҗалык министры Ирек Фәйзуллин "Татинвестгражданпроект" оешманы оешуына 85 ел тулу белән котлады. «Татинвестгражданпроект» ДУП – 1934 елда нигез салынган «Татаргражданпроект» институты («Татпроект») хокуклы варисы. Агымдагы елның ноябрендә предприятие җитештерү эшчәнлегенең 85 еллыгын билгеләп үтә. Предприятиенең генераль директоры-Адель Альберт улы Хөснетдинов. Институт тарафыннан генераль планнар проектланган, Татарстан Республикасы территориясендә генә түгел, Рәссәйнең башка төбәкләрендә дә урнашкан 1000нән артык объекттан файдалану һәм төзелеш кагыйдәләре формалаштырылган. "Татинвестгражданпроект" VII Илкүләм "Яшь профессионаллар" (WorldSkills Россия) чемпионаты финалын уздыруга зур өлеш кертте.  Институт «Казан Экспо» Халыкара күргәзмә үзәге проекты авторы ролендә чыгыш ясады.

Хөрмәтле эчке эшләр органнары хезмәткәрләре һәм ветераннары!

Һөнәри бәйрәмегез белән ихлас котлауларымны кабул итегез! Югары омтылышыгызга һәм йөрәк кушканнарына таянып, сез батырлыкның чикләре юклыгын көн саен исбатлыйсыз. Җинаятьчелеккә каршы көрәштә сез, үз тормышыгызны куркыныч астына куеп, җәмәгать тәртибен ныгытуга зур өлеш кертәсез. Сезнең хезмәт күптән фидакарьлек, кыюлык, даими рәвештә кешеләргә ярдәмгә килергә әзер булу символы булып тора. Яшь хезмәткәрләр өчен үрнәк һәм әхлакый ориентир булган хезмәт ветераннарына аерым рәхмәт сүзләре җиткерәбез. Сезгә нык сәламәтлек, күңел көрлеге, гаилә иминлеге һәм Ватан хакына җаваплы хезмәтегездә уңышлар телим!

2019 елның 10 аенда Бөгелмә зонасы торак инспекциясе инспекторлары тарафыннан инспекциягә беркетелгән Азнакай, Бөгелмә, Баулы, Лениногорск, Ютазы районнарында торак фондын планлы һәм планнан тыш тикшерү барышында гомуми мәйданы 4487,95 мең кв. метр булган 602 торак йорт тикшерелде. Үткәрелгән тикшерүләр барышында торак фондын техник эксплуатацияләү һәм ремонтлау кагыйдәләрен, халыкны коммуналь хезмәтләр белән тәэмин итү дәрәҗәсе һәм режимы бозылуның 845 очрагы ачыкланды. Үткәрелгән тикшерүләр нәтиҗәсендә идарәче оешмалар һәм физик затлар адресына инспекция тарафыннан 580 күрсәтмә бирелде, административ хокук бозулар турында 150 беркетмә рәсмиләштерелде, шул исәптән: юридик затларга – 4, вазыйфаи затларга – 26, физик затларга – 120. Барлыгы 525 300 сумлык штраф санкцияләре белдерелде. Чынбарлыкта шуның 422 300 сумы түләнгән.

Югары бүләккә - «Мәскәү шәһәренең шәһәр төзелешен планлаштыру фәнни-тикшеренү һәм проект институты» ДАУ һәм «Остоженка» архитектура бюросының «Яуза елгасы яр буйларын үстерү идеяләре» дигән темага воркшопы Гран-прига КДАТУ Архитектура һәм дизайн Институтының 4 курс студентлары командасы әзерләгән «Язы яр буе» проекты ия булды. «Мәскәү шәһәренең шәһәр төзелешен планлаштыру фәнни-тикшеренү һәм проект институты» ДАУ  һәм «Остоженка» архитектура бюросының уртак воркшопы «Яуз елгасы ярларын үстерү идеяләре» темасына илнең алдынгы профильле югары уку йортлары студентлары өчен үткәрелде. Атна дәвамында 69 катнашучы Язы яр буйларын үстерү проектларын эшләделәр һәм елга ярлары буйлап урнашкан тарихи объектларның мегаполисын тормышка кертү вариантларын уйлап таптылар. Октябрь ахырында 15 команда Салтык күпереннән Астах күперләренә кадәр яр буйларын үстерү концепцияләрен тәкъдим итте. Жюри әгъзалары билгеләп үткәнчә, булачак КДАТУ архитекторлары, инфографикадан тыш, проектның 3D-визуализациясен тәкъдим иттеләр, анда гражданнарның төрле төркемнәре өчен эшләнгән һәм шәһәр халкының төрле ихтыяҗларын берләштерүче рекреацияләрне күрсәттеләр. Жюри Гран-приен бертавыштан КДАТУ студентлары эшләгән «Язы яр буе» проектына бирде, воркшопта катнашучылар арасында уйнатылган грантны нәкъ менә алар алды (100 мең сум).

Капиталь ремонттан соң Мәдәният йорты ачылды. Бу максатларга республика бюджетыннан 15 млн. сум бүлеп бирелгән.Тантаналы ачу Зәй районы башлыгы Разиф Кәримов катнашында узды.Төзүчеләр фасадны җылыттылар һәм аны металлосайдинг белән тышладылар, барлык коммуникацияләрне – су белән тәэмин итү, су бүлү, җылылык, электр челтәрләре, вентиляцияне яңарттылар, кабинетларга, коридорларга, холлга, тамашачылар залына һәм сәхнәгә косметик ремонт ясадылар.

Бүген «Алабуга» махсус икътисади зонасында ТР Төзелеш, архитектура һәм торак-коммуналь хуҗалык министры урынбасары Ю. Л. Аляшев «Алабуга» МИЗ» АҖнең инженер һәм сәнәгать инфраструктурасы объектларын, «Алабуга» ППТ ҮИЗ һәм Алабуга ш. көнкүреш чистарту корылмаларын, сәнәгать агып җыела торган суларын реконструкцияләү буенча киңәшмә үткәрде. Заказ бирүче «Алабуга» МИЗ ППТ» АҖ, «Алабуга Девелопмент» ҖЧҖ, «КГЭС» ҖАҖ һәм подрядчы оешмалар вәкилләре катнашкан «Алабуга» МИЗ» АҖнең инженер һәм сәнәгать инфраструктурасы объектларын төзелеше сораулары буенча киңәшмәдә заказ бирүче «Синергия» Индустриаль-технологик паркы (ПАН-прекурсор җитештерү буенча заманча завод урнаштыру өчен 3 корпус, 4.1, 4.2 корпусларын) төзелеше турында хисап тотты. Киңәшмәләрдә куркынычсызлык техникасын үтәүгә һәм хезмәтне саклауга аерым игътибар бирелде.

Әлмәттә 220 урынга исәпләнгән балалар бакчасы ачылды. Шәһәрдә масштаблы проект «Демография» милли проекты ярдәмендә гамәлгә ашырылды. Яңа балалар бакчасы-заманча балалар үсеше үзәге. Биредә музыка, физкультура белән шөгыльләнү өчен бөтен шартлар тудырылган, менә дигән медицина кабинеты, учреждение территориясендә 12 уен мәйданчыгы һәм 1 спорт мәйданчыгы бар. Алга таба өстәмә белем бирү һәм медицина хезмәтләрен оештыру планлаштырыла: кечкенә әлмәтлеләрнең музыкаль, бию-ритмик сәләтләрен үстерү, инглиз телен һәм татар телен өйрәнү.

Зәйдә капиталь ремонттан соң «Сәламәтлек комбинаты» ачылды. Ремонт эшләренә республика бюджетыннан 28 млн. сум бүлеп бирелгән.Төзүчеләр җылылык челтәрен, вентиляция системасын алыштырдылар, алар тузган иде. Кер юу бүлмәсенә яңа кер юу машиналары сатып алынган. Капиталь ремонттан соң комбинат танымаслык булып үзгәргән. Бүгенге көндә биредә зәйлеләргә сыйфатлы хезмәт күрсәтү өчен барлык шартлар да тудырылган.

Дәүләт төзелеш күзәтчелеге инспекциясе тарафыннан 2019 ел башыннан республикада 1 мең 210 тикшерү уздырылган. Хезмәт саклау кагыйдәләрен бозган өчен 12 млн 304 мең сумга штраф салынган. Бу хакта ТР төзелеш, архитектура һәм ТКХ министрының беренче урынбасары Алексей Фролов ТР Хөкүмәте йортында узган киңәшмәдә хәбәр итте.

Киңәшмәне барлык районнар белән видеоконференцэлемтә режимында ТР Премьер-министры Алексей Песошин уздырды.