ЯҢАЛЫКЛАР
Бүген Чистай шәһәрендә Чистай муниципаль районы башкарма комитеты каршындагы хезмәтне саклау һәм хезмәт шартлары буенча Координацион совет утырышы белән берләштерелгән төзелеш тармагында хезмәтне саклау мәсьәләләре буенча ведомствоара эшче төркемнең күчмә утырышы булды.
Утырышта эш төркеме әгъзалары, Чистай муниципаль районы башкарма комитеты вәкилләре, җитәкчеләре, Чистай районы территориясендә үз эшчәнлекләрен алып баручы төзелеш оешмаларының һәм төзелеш индустриясе предприятиеләренең хезмәтне саклау буенча җаваплы затлар катнашты.
Утырышта Төзелеш тармагында хезмәтне саклау торышы һәм җитештерүдәге имгәнүләрне киметү юллары каралды.
Казанда эшче һөнәрләрнең 45 нче WorldSkills Kazan 2019 дөнья чемпионаты тәмамланды. Анда 63 илдән 1300дән артык яшь профессионал катнашты. Халыкара чемпионат әзерлекнең югары дәрәҗәсе белән генә түгел, ә яңалык белән дә истә калды. WorldSkills Russia халыкара чемпионатын үткәрү кысаларында «Сантехника һәм җылылык» компетенциясе буенча халыкара коллегалар белән Татарстан Республикасы төзелеш, архитектура һәм ТКХ министрлыгына «Балалар интернат-йортында барлык кирәкле нормативлар буенча, шул исәптән сәламәтлек мөмкинлекләре чикләнгән кешеләр өчен дә, санитар төеннәрне монтажлау» дигән яңа социаль проектны тормышка ашыру тәкъдиме белән мөрәҗәгать итте.
ТКХ реформалаштыруга ярдәм итү фонды вәкилләре мәгарифнең тармак системасына яңа алымнар кирәклеге турында сөйләделәр. Бүген Төзелеш Министрлыгында торак-коммуналь хуҗалыкны реформалаштыруга ярдәм итүче Фондның белем бирү проектларын тәкъдир итү булды. Анда экспертлар, муниципаль хакимият органнары, коммуналь хезмәтләр, идарәче компанияләр, профильле югары уку йортлары һәм техникум вәкилләре катнашты. ТКХ тармагында системалы үзгәртеп корулар өчен югары квалификацияле кадрлар кирәк. Белгечләр җитмәү күп кенә федераль проектларны һәм закон чыгару инициативаларын нәтиҗәле гамәлгә ашыруга комачаулык итә. Әмма, торак-коммуналь хуҗалыкны үзгәртеп коруга ярдәм итү фондының укыту проектлары идарәсе башлыгы Ольга Гришина сөйләвенчә, моның өчен, Төзелештә һәм торак-коммуналь хуҗалыкта кулланыла торган инновацион энергия саклау материалларын һәм технологияләрен куллануны исәпкә алып, мәгарифнең тармак системасына яңа алымнар кирәк.
Татарстан Республикасы Зәй муниципаль районында бу уку елы башына сәламәтлекләре буенча мөмкинлекләре чикләнгән балалар өчен 9 нчы номерлы шәһәр мәктәбе, шулай ук авыл җирлегендә дүрт авыл мәктәбе -Түбән Биеш, Кадыр, Аксар һәм Савәли мәктәпләре яңартылачак. Комиссия социаль объектларны капиталь ремонтлау барышын тикшерде. Барлык эшләр дә график буенча, тоткарлыксыз алып барыла. Моннан тыш, иске тәрәзәләрне һәм ишекләрне алыштыру сквозняклар проблемасын хәл итәчәк. Шулай ук капиталь ремонт вакытында идән һәм диварларны яңартачаклар, электр үткәргечләрне, су үткәргечләрне һәм башка бик күп искергән яки төзек булмаган конструкция элементларын көйләячәкләр. Төп бурыч-бинага эстетик төс бирү генә түгел, ә балалар кышкы салкыннарда туңмасын өчен шартлар тудыру.
Татарстан Республикасында хезмәтне саклау өлкәсендә 2019 ел башланганнан бирле Дәүләт төзелеш күзәтчелеге инспекциясе тарафыннан 906 тикшерү уздырылган. Хезмәтне саклау кагыйдәләрен һәм нормаларын бозган өчен 9 млн. 706 мең сумлык 248 карар чыгарылган. Үзлегеннән җайга салынучы оешма тарафыннан 834 оешма әгъзасына тикшерү уздырылган. Бүген бу хакта республика киңәшмәсендә Татарстан Республикасы төзелеш, архитектура һәм ТКХ министры урынбасары Алексей Фролов хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды.
22-27 августта ТКХ Фонды вәкилләре 2019 елда Рәссәйдә төп халыкара вакыйгаларның берсе-һөнәри осталык буенча WorldSkills Kazan 2019 дөнья чемпионатында катнашалар. Дөнья эстафетасыннан соң Казанга эшче һөнәрләр флагы килде. WorldSkills 2019 Татарстан Республикасында чемпионат барлыкка килү тарихында иң масштаблысы булды. Кичә «Казан Арена» стадионында һөнәри осталык буенча WorldSkills Kazan 2019 45 нче дөнья чемпионатын ачу тантанасы узды. Анда Рәссәй Федерациясе Хөкүмәте Рәисе Дмитрий Медведев булды. Татарстан Республикасы башлыгы Рөстәм Миңнеханов белән бергә Рәссәй Премьер-министры «Казан-Экспо» күргәзмә үзәге мәйданчыгын да карады, анда Чемпионатның барлык ярышлары да узачак. Торак-коммуналь хуҗалык фонды тарафыннан эшләнгән, реаль объектка чыгар алдыннан коммуналь хезмәтләрнең осталык дәрәҗәсен тикшерергә һәм арттырырга тиешле яңа виртуаль «ЖЭКА-ПРОФИ» укыту тренажеры бу юнәлештә эшнең актуаль мисалларыннан берсе булып тора. Бүген ул беренче тапкыр дәүләт корпорациясе күргәзмә экспозициясендә сыналды, анда РФ Хөкүмәте Аппараты җитәкчесе урынбасары Анатолий Кириенко һәм ТР Төзелеш, архитектура һәм ТКХ министры Ирек Фәйзуллин булды.
Яр Чаллыда тантаналы шартларда 123 нче «Акчарлак»балалар бакчасы ачылды. Объект «Демография» илкүләм проекты кысаларында төзелгән. Балаларны, әти-әниләрне һәм коллективны котларга ТР Дәүләт Советы Рәисе Фәрит Мөхәммәтшин һәм шәһәр мэры Наил Мәһдиев килгән иде.
«Бүген, бу җылы август көнендә, без, күпләр өчен көтеп алынган шундый матур «Акчарлак» исемле балалар бакчасын ачу тантанасына җыелдык. Быел алар алтау булачак. Безнең Чаллы балалары өчен яңа 1400 урын барлыкка киләчәк, шуларның 780 – ясле яшьтәге балалар өчен», - диде шәһәр башлыгы Наил Мәһдиев.
Балалар бакчасында музыка залы, медицина блогы (өлкән шәфкать туташы кабинеты һәм процедура кабинеты), спорт залы, кер юу залы, логопед һәм педагог-психолог кабинетлары бар. Бакча балаларны дүшәмбедән кабул итәчәк.
Объектның заказчысы – «ТР Төп инвестицион төзелеш идарәсе» ДКУ, объектларны проектлаучы - «Татинвестгражданпроект» ДУП. Эшләрнең бәясе –196 380,55 млн сум. Проект буенча мәктәпкәчә учреждение 220 урынга исәпләнгән.
Исегезгә төшерәбез, «Демография» милли проекты кысаларында 2018-2019 елларда 6130 урын булдырып 30 балалар бакчасы төзү планлаштырыла, шул исәптән 3110 ясле. 2010 елдан 2018 елга кадәр «Бәләкәч», «Юл картасы», «Торак», «2014-2017 һәм 2020 елларга кадәр авыл территорияләрен тотрыклы үстерү» программаларын гамәлгә ашыру кысаларында яңа төзелеш объектларының гомуми саны, шулай ук программадан тыш объектлар гомуми егәрлеге 31490 (Төзелеш кысаларында) булган 210 балалар бакчасы тәшкил итә. Объектлар төзелешенең бәясе 17,73 млрд. сум тәшкил иткән. Шул исәптән 2018 елда гомуми бәясе 913,1 млн.сум булган 1 125 урынлы 8 мәктәпкәчә белем бирү учреждениесе төзелде.
Бүген «Алабуга» махсус икътисади зонасында Татарстан Республикасы төзелеш, архитектура һәм торак-коммуналь хуҗалык министры урынбасары Ю. Л.Аляшев 2019 ел программалары буенча «Алабуга» сәнәгать-җитештерү тибындагы МИЗ» АҖнең инженер һәм сәнәгать инфраструктура объектларында күчмә киңәшмә үткәрде. Киңәшмәдә «Алабуга» СҖТ МИЗ» АҖ заказ бирүче, «Алабуга Девелопмент» ҖЧҖ һәм подрядчы оешмалар вәкилләре катнашты. Киңәшмәдә «Алабуга» МИЗ инфраструктурасы объектларын төзү сораулары, шул исәптән «Синергия» Индустриаль-технологик паркын төзү сораулары каралды (ПАН-прекурсор, 4.1, 4.2 корпусларын җитештерү буенча заманча завод урнаштыру өчен 3 корпус). Заказ бирүче объектлар төзелеше темплары турында хисап тотты. «Синергия 4» ИПның ике корпусын герметизацияләү буенча барлык эшләр дә тәмамланган. Төзекләндерү эшләре бара. Unit 700 «Пан Прекурсор» корпусында көч плитәләре урнаштыру буенча эшләр алып барыла, шулай ук гомумзавод хуҗалыгы корпусларында монтаж эшләре бара. Су чистарту станциясендә резервуарны бетонлаштыру буенча эшләр тәмамланып килә.
Татарстан Республикасында профильле мәгариф учреждениеләрендә алдынгы оешмалар белән эшче кадрлар әлезрләүче 37 ресурс үзәк булдырылды. 2020 елда аларның саны 41гә җиткереләчәк - оешмалар төбәкнең сәнәгать предприятиеләренә кадрлар резервын туплау өлкәсендә зур өлеш кертәләр.
Бу хакта бүген Татарстан Республикасы Президенты Рөстәм Миңнеханов WorldSkills стандартлары нигезендә һөнәри осталык буенча 45 нче дөнья чемпионатын ачуга багышланган матбугат конференциясендә хәбәр итте.
Матбугат конференциясендә шулай ук Россия Хөкүмәте Рәисе урынбасары Татьяна Голикова, WorldSkills International президенты Саймон Бартли, “Яшь профессионаллар” (WorldSkills Russia) берлеге генераль директоры Роберт Уразов катнашты.
Татьяна Голикова хәбәр иткәнчә, чемпионатта 56 компетенциядә 63 илдән 1351 конкурсант катнашачак.
Татьяна Голикова сүзләренчә, якынча 250 мең кеше ярышларда тамашачы булыр дип көтелә. Чемпионатны уздыруда 80 илдән 3,5 волонтер катнаша. Ул хәбәр иткәнчә, һәр ил бу чараны идеяләр белән баетырга тырыша. Әйтик, Россия тәкъдиме буенча ярышларда беренче кат 13 яшьтән башлап мәктәп укучылары катнаша («ВорлдСкиллс Джуниор»). Шулай ук киләчәк һөнәрләре өлкәсендә ярышлар узачак (Future WorldSkills).
Татьяна Голикова искәрткәнчә, махсус чемпионат өчен илдә иң эре күргәзмә үзәге - "Казан Экспо" - төзелде. Аның гомуми мәйданы - 269 мең кв. метр.
Татарстан Президенты үз чиратында хәбәр иткәнчә, әлеге зур күләмле проект бөтен Россия өчен әһәмиятле чара. "Илебез әлеге хәрәкәтнең 60 еллык тарихында беренче кат кабул итә бу ярышларны, - диде ул. - Бу, беренче чиратта, бик җаваплы. Казанда үткәрелә торган һәр зур халыкара проект республикабыз һәм шәһәр үсешенә өлеш кертә".
Рөстәм Миңнеханов сүзләренчә, нәкъ Татарстанда күпчелек инновацион проектларны гамәлгә ашыруны сынап карыйлар.
"Бүген Татарстанда гамәлгә ашырыла торган бөтен проектлар республикада тормышны уңайлырак һәм рәхәтрәк итүгә юнәлдерелгән, - диде Рөстәм Миңнеханов. - Без Россия җитәкчелегенә, WorldSkills International делегатларына 2015 елда Казанга дөнья чемпионатын уздыруны ышанулары өчен рәхмәтле. Махсус ярышлар өчен "Казан Экспо" халыкара күргәзмә үзәге төзелде".
"Без Россия Федерациясе Президенты Владимир Путинга Татьяна Голикова рәислегендә федераль оештыру комитетын булдыру һәм бөтен мәсьәләләрне федераль дәрәҗәдә оператив хәл итү өчен рәхмәтле. Чемпионат кына түгел, ә WorldSkills хәрәкәтенең эшче һөнәрләргә тәэсире дә кыйммәтле", - диде Рөстәм Миңнеханов һәм катнашучыларга зур уңышлар теләде.
РФ Президенты Владимир Путин үз чыгышларында Рәссәйдә Экологик иминлекнең югары стандартларын тәэмин итәргә кирәклеген берничә тапкыр ассызыклады. «Рәссәйнең бөтен территориясендә Без экологик иминлекнең югары стандартларын тәэмин итәргә тиеш. Озын сәламәт тормыш турында сөйләргә авыр, әгәр әлегә кадәр миллионлаган кеше нормаларга туры килми торган суны эчәргә мәҗбүр икән...» Әйтик, 2024 елга «Экология» илкүләм проекты кысаларында, «Чиста су» проекты чаралары буенча Татарстан халкының эчә торган сыйфатлы су белән тәэмин ителгән өлешен 97,9% ка кадәр арттыру планлаштырыла. Шул ук елны Спас районы Болгарда су алу корылмасын реконструкцияләү буенча төзү-монтаж эшләре башланыр дип көтелә. Шуны да билгеләп үтәргә кирәк, агымдагы елда старт алган федераль программадан тыш, республика Хөкүмәте шундый ук максатларга 2010 елдан бирле ел саен 650 млн. сум акча бүлеп бирә. «Экология» илкүләм проектының башка чарасы буенча - «Иделне савыктыру» проекты, 2019 елда 8 объектны гамәлгә ашыру планлаштырыла, шул исәптән Кызыл Бор, Зәй, Алабуга, Казан, Тәтештә һәм Алексеевск шәһәр тибындагы бистәсендә су бүлү буенча чаралар. Бу хакта сишәмбе көнне Хөкүмәт Йортында узган брифингта ТР Төзелеш, архитектура һәм ТКХ министры Ирек Фәйзуллин хәбәр итте.