ТР төзелеш, архитектура һәм торак-коммуналь хуҗалык министрылыгы  хәбәр итә, "ГрейтСтрой" ҖЧҖ компаниясе "Салават күпере" ТК 10-2 йортында  төзү-монтаж эшләрен бетерү турында хәбәрнамә биргән.

2017 елда Дәүләт торак инспекциясе тарафыннан 43 муниципаль берәмлектә күпфатирлы йортлардагы капиталь төзекләндерү объектларында 2 мең 642 тикшерү уздырылган. Нәтиҗәдә 17 муниципаль берәмлектә техника куркынычсызлыгын бозуның 53 очрагы ачыкланган. Бу мәгълүматны бүген ТР Хөкүмәте йортында узган республика киңәшмәсендә Татарстанның төзелеш, архитектура һәм торак-коммуналь хуҗалык министрының беренче урынбасары Алексей Фролов җиткерде.

Капиталь ремонттан соң 33-нче урта гомуми белем бирү мәктәбе яңа уку елына әзер, анда 600 дән артык укучы укый. Эшләрнең подрядчысы ҖЧҖ "Медик", бина түбәсен ремонтлады, керү төркеме, канализация, электрик системасы, ашханә вентиляциясе, спорт залы, бәдрәф, ишек-тәрәзәләре алыштырылды. Әйтик, уку йортында үзәк фасад яңартылган, уңайлы пандуслар урнаштырылган. Мәктәп буенда якты булсын өчен коймасы янында өстәмә фонарьлар урнаштырылган. Капиталь ремонт республика программасы финанслау буенча башкарылган.  Ремонт суммасы якынча 52 миллион сум тәшкил иткән.

"Электр белән тәэмин итү" хезмәте өчен түләүләрне тикшерү нәтиҗәләре буенча Бөгелмә ЗТИ инспекторы түбәндәгеләрне ачыклады:  2017 елның гыйнвар аеннан май аена кадәрге чорда "Уютный дом" ИК ҖЧҖ Баулы ш., Ленин урамындагы кайнар һәм салкын су белән тәэмин итүнең насос җиһазланышы булмаган 11 номерлы күпфатирлы йортта торак милекчеләренә гомуми милекне карап тоту максатларында файдаланылган электр энергиясенә түләү хисаплаганда кайнар һәм салкын су белән тәэмин итүнең насос җиһазланышына ия булган күпфатирлы йорт категориясе өчен йортның гомуми ихтыяҗларына тотылган электр белән тәэмин итү коммуналь хезмәтенә билгеләнгән нормативларны кулланган.  11 күпфатирлы йортта түләүләр шул рәвешле хата белән исәпләнгән. Барлык күпфатирлы йортлар буенча күрсәтелгән җитешсезлекне бетерү турында күрсәтмә бирелде. Күрсәтмә нигезендә үткәрелгән исәпләүләр буенча хуҗаларына 73 522 сум кайтарып бирелде.

Федераль дәүләт статистика хезмәте (Росстат) Россия төбәкләрендә һәм федераль округларында быелның беренче яртыеллыгында торак төзелеше күләме турында хисап тотты. Статистика буенча, Татарстан Идел буе федераль округы буенча - беренче урынны, ә Россия субъектлары арасында бишенче урынны алды. 2017 елның 20 июленә булган күрсәткечләргә караганда, Татарстанда барлыгы 1 252,8 мең квадрат метр торак кулланышка кертелгән.

ТР төзелеш, архитектура һәм ТКХ министрының  урынбасары Илшат Гимаев "China Road" (КХР) корпорациясе вәкиллеге белән очрашу үткәрде, аның кысаларында хезмәттәшлекнең мөмкин булган юнәлешләре турында фикер алыштылар. "China Road" (КХР) корпорациясе вәкилләре үз компаниянең презентациясен үткәрделәр. КХР Генераль консулның урынбасары Чэн Вэй Кытай вәкилләренең һәм төрле бизнес-делегацияләрнең Татарстанга бер генә тапкыр түгел килүен билгеләп үтте. Ул бу сәфәрнең ике яклы хезмәттәшлекне ныгытуга шулай ук өлеш кертәчәгенә өметен белдерде.Илшат Гимаев КХР делегациясенә Татарстан Республикасы белән кызыксынулары өчен рәхмәт белдерде. Очрашу барышында яклар хезмәттәшлек мөмкинлекләрен өйрәнергә һәм киләчәктә туры партнерлык элемтә билгеләргә килештеләр.

Югары Ослан авылының Автодорожная урамы буенча 2 санлы йортны капиталь төзекләндерү барышын тикшергәндә ТР Дәүләт торак инспекциясенең Үзәк инспекторлык бүлеге инспекторлары җылыту системасын төзекләндергәндә эш башкару технологияләре бозылуны ачыклады: торбаүткәргечләр түшәмәләр аша үткән урыннарда гильзалар юк һәм монтаж уемнары капланмаган, эш башкару сроклары үтәлмәгән, шулай ук куркынычсызлык техникасы да бозылган. Техник заказчыга – Югары Ослан МР Башкарма комитетына ачыкланган җитешсезлекләрне юкка чыгару турында инспекция тарафыннан күрсәтмә бирелде.

Күрсәтелгән эшләрнең үтәлеше инспекция контрольлегенә алынды.

Урыссуның санлы балалар бакчасы матур кыяфәт ала. Ишек һәм тәрәзәләре алмаштырылган, эчке инженер системалары тулысы белән яңартылган. СанПин таләпләре кысаларында  раковиналар куелган санузель бүлмәләре сабыйлар өчен тагын да уңайлана төште, республика программасы буенча каралган төзелеш-монтаж эшләре тәмамланды, - дип сөйләде учреждение мөдире Гөлнара Җиһаншина.  Капиталь ремонтны финанслау республика программасы кысаларында алып барылды.

Авторитетлы төзелеш комплексы Рейтинг агентлыгы (ТКРА) Алабуганың 4-5нче мәхәлләсендә төзелеш алып баручы «ДОМКОР» компаниясенә А3 дәрәҗәсендә ышанычлылык рейтингы  – «Бик яхшы (үтә югары) ышанычлылык компаниясе классы» дигән югары бәя бирде. ТКРА шкаласы буенча «A» классы ышанычлылыкның бик югары дәрәҗәсен белдерә. Әлеге дәрәҗә рейтинглары бары тик идарә итүнең ифрат югары нәтиҗәлелеге, өлешкә кереп йорт төзүчеләр каршында йөкләмәләрне үтәргә сәләтле, башлаган объектларны салуны тәмамлау ихтималы бик югары булган һәм “Өлешкә кереп төзүдә катнашу турында” Федераль законның 214нче санлы маддәсе нигезендә мәгълүматый ачыклыгы буенча барлык таләпләрне үтәгән очракта гына бирелә. АЗ ышанычлылыгы рейтингы белән компаниягә тискәре йогынты ихтималы “мөһим дип саналмый” кебек бәяләнә, дип аңлаталар ТКРАда.

Түбән Кама зонасы торак инспекциясе тарафыннан Түбән Кама шәһәренең Октябрьгә 50 ел урамы буенча 9 нчы йортта яшәүчеләрнең йортта электр белән тәэмин итү системасының тиешле техник торышта булмавы турында күмәк мөрәҗәгате карап тикшерелде.  Үткәрелгән тикшерү барышында ачыкланганча, подвал бинасындагы электр җайланмасы куркынычсызлык таләпләрен бозып эксплуатацияләнә, баскыч урыннарындагы үткәргечләр тәртипкә салынмаган.

Тикшерү материаллары буенча "ПЖКХ-17" ИК ҖЧҖ идарәче компаниясенең вазыйфаи заты РФ КоАП 7.22 ст. "Торак йортларны һәм торак биналарны карап тоту һәм ремонтлау кагыйдәләрен бозу" буенча, 5 мең сум күләмендә штраф салынып, административ җаваплылыкка тартылды. Ачыкланган җитешсезлекләрне бетерү эше инспекция тарафыннан контрольгә алынды.