Бүген бөтен дөньяда Хезмәтне саклау көнен билгеләп үтәләр. Бу көн беренче тапкыр 2003 елда билгеләп үтелде. Халыкара хезмәт оешмасы 28 апрельне Бөтендөнья хезмәтне саклау көне дип игълан итте, ул дөнья җәмәгатьчелегенең игътибарын проблеманың масштабларына җәлеп итү, шулай ук хезмәтне саклау культурасын булдыру һәм алга җибәрү эш урынында ел саен үлем санын киметүгә ярдәм итә ала. Бөтендөнья хезмәтне саклау көне-барлык хезмәткәрләргә һәр кешенең, барыннан да элек, профессиональ эшләргә тиешлеген искәртү өчен өстәмә мөмкинлек. Ә бу исә барлык нормаларны һәм куркынычсызлык кагыйдәләрен үтәү дигән сүз. Барыгызга да сәламәтлек һәм имин хезмәт телибез!

2020 елның 6 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык кысаларында «Чиста төзелеш» акциясе үткәрелә.

Исегезгә төшерәбез, төзүчеләр һәм подрядчы оешмалар төзелеш мәйданчыкларында төзелеш мәйданнарының чисталыгын саклауны тәэмин итү һәм территорияләрнең пычрануына юл куймау буенча чаралар үткәрергә тиеш.

Моннан тыш, Татарстан Республикасы территориясендә коронавирус йогышы таралуны булдырмау максатларында, дәвам итәргә кирәк:

- төзелеш объектларында һәм оешмалар территорияләрендә үз-үзеңне тикшереп тору, яңа коронавирус йогышы таралуны булдырмас өчен тәкъдим ителгән чаралар үтәргә;

- яңа коронавирус йогышы авыруының симптомнарын ачыклау буенча контрольне исәпкә алып, төзелеш объектларына һәм оешмалар территорияләренә эшчеләрнең үткәрү режимын тәэмин итәргә.

2019 елгы эш нәтиҗәләре буенча «Татэнергосбыт» АҖ «Базар советы» Коммерциячел булмаган партнерлыгы рейтингында Рәссәйнең гарантияле тәэмин итүчеләре арасында лидерлар бишлегенә керде. Рейтингның нигезенә компаниянең электр энергиясенең күпләп һәм ваклап сату базарларында исәп-хисап ясау сәләтен характерлаучы күрсәткечләр алына. Татарстан сату компаниясе инде 10 ел дәвамында Рәссәйнең гарантияле тәэмин итүчеләре арасында әлеге рейтингта алдынгы позицияләрне тота, шул рәвешле компания үсешенең сайланган курсының нәтиҗәлелеген раслый, ә иң мөһиме – Татарстан Республикасы кулланучыларын электр энергиясе белән тәэмин итүнең ышанычлылыгын һәм өзлексезлеген гарантияли.

Татарстанда 20 апрельдә дәүләт субсидияләренең яңа программасы кысаларында 6,5%лы ипотека кредиты белән беренче килешү узды. Беренче килешүне «Ак Барс йорт» ДК төзүчесе ВТБ банкы (ГАҖ) белән берлектә үткәрде. Түбән Камада яшәүче бер ир дәүләт программасы буенча ипотека кредиты кулланып, «Нобельевский» торак комплексында фатирның бәхетле иясе булды. Төзүчедән сатып алу онлайн режимында узды. Төгәлләштерелгән мәгълүматлар буенча программаның гамәлдә булу вакыты 20.04.2020дән 1.11.2020гә кадәр. Кредитны өлешләп катнашу килешүе буенча төзелеш этабында булган фатир сатып алуга да, сатып-алу килешүе буенча әзер торакка да рәсмиләштерергә була. Беренчел взнос кимендә 20%. Кредитның максималь вакыты 20 ел тәшкил итә.

Быел гражданнарның барлык категорияләренә ярдәм итүгә 1 млрд. сумнан артык акча юнәлдерү планлаштырыла. Аерым алганда, 600 ятим баланы торак белән тәэмин итү планлаштырыла. Шулай ук 46 күп балалы һәм 47 яшь гаилә ярдәм алыр дип көтелә. Федераль законнарда билгеләнгән гражданнарның категорияләрен торак белән тәэмин итү буенча Дәүләт йөкләмәләрен үтәү буенча төп чаралар кысаларында гомуми суммасы 78,24 млн сумлык 35 торак сертификаты бирү планлаштырыла.Шулай итеп, сертификатларны чернобыльчеләр, мәҗбүри күченүчеләр һәм ерак төньяк районнарыннан күчеп килгән гражданнар ала алачак.

Татарстанда агымдагы елда социаль ипотека программасы буенча гомуми мәйданы 273,6 мең кв.м. булган 4 970 фатирлы 130 торак йортны файдалануга тапшыру планлаштырыла. Программа «Торак һәм шәһәр мохите» милли проекты кысаларында тормышка ашырыла. Бу хакта ТР Дәүләт Советы утырышы материалларында әйтелә. «Республикада социаль ипотека программасына яшь гаиләләрне, ятим балаларны; радиация йогынтысына дучар ителгән гражданнарны һәм аларга тиңләштерелгән затларны; ерак төньяк районнарыннан чыгып киткән һәм аларга тиңләштерелгән территорияләрне, күченеп китәргә мәҗбүр булган гражданнарны, Бөек Ватан сугышы ветераннарын, инвалидларын; запастагы хәрби хезмәткәрләрен торак белән тәэмин итү буенча федераль механизмнар кертелгән»,-дип билгеләп үтелә материалларда. «2019 елга торак белән тәэмин итүдә Татарстан Республикасы гражданнарына дәүләт ярдәме» программасы буенча узган ел гомуми мәйданы 358,1 мең кв. м. булган 6 214 фатирлы 119 торак йорт файдалануга тапшырылган.

Татарстанда агымдагы елда ятим балаларны торак белән тәэмин итүгә 840,7 млн сум акча бүленгән. 600 ятим баланы торак белән тәэмин итү планлаштырыла. Бу хакта Татарстан Дәүләт Советы утырышларына бирелгән материалларда әйтелә.

«2019 елда 309 ятим бала торак белән тәэмин ителгән, финанслау күләме 373,2 млн сум тәшкил иткән, шул исәптән республика бюджеты хисабына — 328,5 млн сум, федераль — 44,7 млн сум», диелгән материалларда.

Гомумән алганда, 2013 елдан 2018 елга кадәр «Ятим балаларны һәм ата-ана тәрбиясеннән мәхрүм калган балаларны, ятим балалар һәм ата-ана тәрбиясеннән мәхрүм калган балалар исәбендәге затларны торак белән тәэмин итү» программасы буенча 1818 ятим бала торак алган.

Агымдагы елда республикада 30 артезиан скважинасы бораулау, 35 суэтем манарасы урнаштыру һәм 220 км суүткәргеч челтәр салу планлаштырыла. Баулы, Читай, Апас, Чүпрәле, Тәтеш, Мамадыш районнарында эшкә керешкәннәр. Бюджет учреждениеләре котельныйларында казаннарны алмаштыру буенча республика программасы кысаларында 65 объектта 113 казанны алмаштыру планлаштырыла. Индивидуаль җылыту системасына күчү программасы буенча 1 547 фатирны индивидуаль җылыту системасына күчерү планлаштырылган. Шулай ук 2020 елда социаль-мәдәни көнкүреш объектларында 24 казан урнаштыру һәм 18 км газүткәргечен төзү планлаштырыла. Урамнарны яктыртуны торгызу программасы буенча-Газлаштыру фонды тарафыннан 12 177 урам яктырткычы урнаштыру планлаштырылган. Моннан тыш, республикада су бүлү системаларын модернизацияләү программасы кысаларында объектларны техник тикшерү буенча эш алып барыла.

Татарстан халкының торак-коммуналь хезмәт күрсәтүләр өчен түләүләр дисциплинасын мониторинглау күрсәткәнчә, 2020 елның 1 апреленә бу түләүләр 95,2% тәшкил иткән. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

Министр хәбәр иткәнчә, 1 апрельгә коммуналь комплекс оешмаларының газ өчен түләү вакыты узган бурычлары 529,9 млн сум тәшкил иткән. Үткән елның шушы чорына карата бурыч 25,8 млн сумга арткан.

Республиканың барлык торак-коммуналь комплексы оешмаларының электр энергиясе өчен җыелма бурычы 147,4 млн сум. Бер ел эчендә бурыч 5,9 млн сумга кимегән. Коммуналь комплекс оешмаларының электр энергиясе өчен түләү вакыты узган бурычлары үткән елның шушы чорына карата  22,4 млн сумга арткан.

Коммуналь хезмәт күрсәтүләрне башкаручыларның электр энергиясе өчен түләү вакыты узган бурычлары 18 муниципаль берәмлектә күзәтелә һәм 81,2 млн сум тәшкил итә, үткән елның шушы чорына карата 28,3 млн сумга ким.

Коммуналь хезмәт күрсәтүләрне башкаручыларның «Татэнерго» АҖгә җылылык энергиясе өчен түләү вакыты узган бурычлары үткән елның шушы чорына карата 123,6 млн сумга кимегән һәм 445,1 млн сум тәшкил итә.

Министр искәрткәнчә, 2020 елда 6,5 млн квадрат метр мәйданда 1 мең 64 күп фатирлы йортка ремонт ясау карала. Бу программада 41 муниципаль берәмлек катнаша. Бүгенгә проект-смета документациясен эшләү дәвам итә һәм смета хакларының дөреслеге тикшерелә.  

Быел Газлаштыру фонды 5 программаны гамәлгә ашырачак. «Татарстан Республикасы торак пунктларында халыкны су белән тәэмин итү» программасы кысаларында проект-смета документациясе әзерлеге 100% тәшкил итә. Баулы, Чистай, Апас, Чүпрәле, Тәтеш, Мамадыш районнары эшкә кереште. «Татарстан Республикасы бюджет учреждениеләрендә казаннарны алмаштыру» программасы буенча проект-смета документациясе әзерлеге – 58 %. «Татарстан Республикасы шәһәрләрендә һәм районнарында индивидуаль җылыту системаларына күчү, БМК кую» программасы буенча әзерлек – 56%. «Татарстан Республикасы торак пунктларында урамнарны яктыртуны торгызу» программасы буенча республика торак пунктларында тикшерү уздырылган һәм барлык объектлар буенча да дефект ведомостьлар рәсмиләштерелгән. «Су җибәрү системаларын яңарту» программасы буенча объектларны техник тикшерү эше бара.

Шулай ук ТР Төзелеш министрлыгы, республика тармак министрлыклары һәм ведомстволары белән берлектә, 2021 елга төзелеш һәм капиталь ремонт программаларының исемлеген формалаштыру эшен башкарган.