ЯҢАЛЫКЛАР

Агымдагы ел ахырына кадәр Казанның «Салават күпере» торак комплексында 1224 укучыга исәпләнгән яңа мәктәп төзелеп бетәчәк. Бу ике бассейны, ике спорт-залы, зур спорт мәйданчыгы, хоккей тартмасы һәм яңача җиһазландырылган уку кабинетлары булган заманча мәгариф учреждениесе булачак.

«Торак һәм шәһәр мохите» милли проекты буенча өч катлы мәктәп бинасы узган елның көзендә төзелә башлады, подрядчы оешма – «Ак таш» җаваплылыгы чикләнгән җәмгыяте. Хәзерге вакытта объектта төзелешнең соңгы этаплары – штукатурлау эшләре, стяжка урнаштыру, плитәләр салу, бизәкләү һәм буяу эшләре башкарыла. «Ак таш» компаниясенең баш инженеры Равил Әхмәтвәлиев сүзләренә караганда, төзелеш 70%-ка башкарылган.

«Бүгенге көндә түбәне монтажлау буенча эшләр тәмам, фасадны төзекләндерү эшләре тәмамланган диярлек, барлык тышкы челтәрләр: җылылык, канализация, су белән тәэмин итү челтәрләре сузылган, – дип хәбәр итте Р.Әхмәтвәлиев. – Тәрәзәләрне ясап бетерәсе, сыйныф ишекләренең һәм янгынга каршы чыгу юлларының фрамугаларын урнаштырасы, янәшәдәге территорияне төзекләндерәсе кала». Хәзергә объектта 250-гә якын төзүче һәм 13 берәмлек техника эшли, дип өстәде баш инженер. Мәктәп төзелешен агымдагы ел ахырына кадәр тәмамлау планлаштырыла.

Булачак мәгариф учреждениесенең дизайн-проекты белән шәһәр башлыгын «Татинвестгражданпроект» дизайны бүлеге башлыгы Дарья Иванова таныштырды. Бу мондый типтагы проект буенча төзелә торган Казанның тугызынчы мәктәбе булуга карамастан, һәр белем бирү учреждениесендә иҗади команда үз үзенчәлеген тудыра, дип билгеләде ул. Әлеге мәктәпнең 500 урынга исәпләнгән актлар залында тамашачылар өчен җыела торган кәнәфиләр урнаштырырга тәкъдим ителә. «Бу балаларга репетицияләр өчен, яңа ел бәйрәмнәре һәм башка чаралар оештырганда өстәмә мәйданчык була алачак, – дип аңлатты Д.Иванова. – Урындыклар бер-берсе өстенә куеп җыела, аларны башкалар ярдәменнән башка балалар, укытучылар үзләре дә күчерә алачак». Мондый идея Алабуга мәктәпләрендә тормышка ашырылган иде, дип өстәде дизайнер.

Исегезгә төшерәбез, Татарстан башкаласы мәгариф учреждениеләре төзелеше темплары буенча Россиянең күп кенә эре шәһәрләрен узып китте – 5 ел эчендә шәһәрдә 13 мәктәп төзелде. Быел Казанда тагын ике мәктәп – Бичурин урамында 800 урынга исәпләнгән өстәмә корпус белән Бондаренко урамында 1224 урынга исәпләнгән «Адымнар» полилингваль белем бирү комплексы, шулай ук Н.Җиһанов урамындагы яңа 187-нче номерлы лицей файдалануга тапшырылды. «Салават күпере»ннән тыш, яңа мәктәп «Арт-сити» торак комплексында да төзелә – аның буенча эшләрне киләсе елның июнендә тәмамлау планлаштырыла.

Заманча балалар бакчасы торак комплексның икенче кварталында урнашкан. Ул 260 балага исәпләнгән. Ике катлы мәктәпкәчә учреждениенең гомуми мәйданы 3975,9 кв. метр тәшкил итә. Бина мәгариф учреждениеләренең барлык яңа таләпләренә дә туры килә. Проект буенча бинада уен, йокы, киенү-чишенү, буфет һәм бәдрәфле төркем ячейкалары бар. Шулай ук музыка һәм физкультура дәресләре өчен заллар, методик кабинет, шәфкать туташы кабинеты, психолог һәм логопед кабинетлары җиһазландырылган. Якын-тирәдә күләгә өемнәре белән йөрү мәйданчыклары, физкультура мәйданчыгы булдырылган. Төзекләндерү кысаларында агачлар һәм куаклар утыртылды, газон ясалды. Татарстан Республикасы – яңа балалар бакчалары төзү нәтиҗәсендә мәктәпкәчә белем бирү учреждениеләрендә урыннар җитмәү проблемасын хәл иткән илнең беренче төбәкләреннән берсе. 10 ел эчендә президент программаларын тормышка ашыру кысаларында 37,5 мең урынга 239 балалар бакчасы төзелде.

ТР Төзелеш, архитектура һәм ТКХ министрлыгы, КДАТУ белән берлектә, ШТТ үсеше программасы буенча муниципаль хезмәткәрләрне комплекслы онлайн-укытуны тәмамлады. Йорт төзелеше өлкәсендә хосусый секторны үстерү «Торак һәм шәһәр мохите» милли проектын тормышка ашыруның бер өлеше булып тора. Илкүләм проект буенча 2024 елда Рәссәйдә торак тапшыру күләме 120 млн.кв. метр тәшкил итәргә тиеш, шуларның 40 млн. кв. метры — шәхси йортлар. Татарстанда быел 2 млн. 979 мең кв. метр торак файдалануга тапшырылган, шул исәптән 1 млн. 388,2 мең кв. метр - ШТТ. Соңгы 10 елда Татарстанда индивидуаль йорт төзелеше өлеше 40-45 % тәшкил итте, 2024 елга 50% ка кадәр арттыру планлаштырыла. Әлеге максатларга ирешү өчен, Татарстанның Төзелеш министрлыгы, КДАТУ белән берлектә, Индивидуаль торак төзелешен үстерүгә ярдәм итү программасын эшләде. Укулар Татарстан республикасының 45 муниципаль берәмлегеннән 300 дән артык кеше үтте: Дәүләт һәм техник заказ бирүчеләр, төзүчеләр, генераль проектлаучылар, предприятие һәм оешма хезмәткәрләре. Чарада шулай ук Татарстан Республикасы төзелеш, архитектура һәм торак-коммуналь хуҗалык министры һәм аның урынбасарлары, ТР Төзелеш министрлыгы белгечләре, «Дәүләт экспертизасының баш идарәсе» Федераль автоном учреждениесе Казан филиалы, кадастр палатасы, төзелеш һәм архитектура буенча Татарстан Республикасы дәүләт экспертизасы һәм бәя кую идарәсе хезмәткәрләре катнашты.

Торак төзелеше программалары буенча Татарстан Республикасында 11 сентябрьгә 1 млн. 945 мең квадрат метр торак файдалануга тапшырылган, бу – планның 65,3%ы. 2 атна эчендә үсеш 212 мең. квадрат метр. Үткән елның шушы чорына карата 113,8%. Бүген Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов шул хакта хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

Министр хәбәр иткәнчә, Татарстан Республикасы Дәүләт төзелеш күзәтчелеге инспекциясе тарафыннан 854 тикшерү уздырылган. Хезмәтне саклау кагыйдәләрен һәм нормаларын бозган өчен 4 млн. 286 мең сумлык 106 карар чыгарылган. Үзлегеннән җайга салынучы оешма тарафыннан 1 мең 106 оешма әгъзасына тикшерү уздырылган.

Татарстан Республикасы Президенты каршындагы Дәүләт торак фондының (ТР ДТФ) 2020 елга инвестицион программасы буенча – мәйданы 98,6 мең кв. метр булган 1 мең 686 фатирлык 75 торак йорт буенча статистика органнарына хисаплар тапшырылган (планның 36,1%ы). 2 атна эчендә 12,9 мең кв.м. 13 объект тапшырылган

Калган 55 объект буенча үтәлеш: 26 объект – әзер диярлек, уртача әзерлектә - 26 объект, 5 объектта эшләр күп әле.

2020 елда күп фатирлы инвестицион торак программасы буенча 1 млн 317,2 мең кв. м мәйданда 177 күп фатирлы йортны эксплуатациягә кертү каралган. Бүгенгә 735,1 мең кв. м мәйданда 93 күп фатирлы йорт файдалануга тапшырылган, планның 55,8%ы.

2020 елда индивидуаль торак төзелеше буенча 1 млн 388,2 мең кв. м мәйданда 10 мең 680 йорт төзү планлаштырыла. 11 сентябрьгә 1 млн. 112 мең кв. м мәйданда 8 мең 554  индивидуаль торак йорт файдалануга тапшырылган, бу – планның 80,1%ы.

Гражданнарга торак төзелешендә дәүләт ярдәме күрсәтү программасы буенча 1 млрд 193,4 млн сум күләмендә 728 гаиләнең торак шартларын яхшырту карала.

2020 елда барлыгы 600 ятим һәм ата-ана каравыннан мәхрүм калган балаларны, шулар арасыннан булган затларны торак белән тәэмин итү планлаштырыла. 205 торак урынына республика хокукы теркәлгән, ятим балалар белән торак яллау шартнамәләре төзелгән; 36 торак урынына Татарстан Республикасы Җир һәм мөлкәт мөнәсәбәтләре министрлыгына кабул итү-тапшыру акты тапшырылган; 42 торак урынына ТР ДТФ хокукы теркәлгән; 25 торак урыны буенча сатып алу әзерлеге бара; 41 торак урыны тапшырылмаган йортларда урнашкан (әзерлекләре 85%тан артык).

10 сентябрьгә 251 торак урыны буенча Сатып алулар буенча Татарстан Республикасы дәүләт комитеты Татарстан Республикасы Җир һәм мөлкәт мөнәсәбәтләре министрлыгында электрон рәвештә аукцион игълан ителгән.

Фәрит Хәнифов хәбәр иткәнчә, барлык 46 күп гаиләгә дә торак алу сертификатлары рәсмиләштерелгән. Моннан тыш, 11 сентябрьгә торак алуга субсидияләр 35 яшь гаиләгә күчерелгән. 35 мәҗбүри күченүчедән Ерак Төньяктан күченүче һәм чернобыльчены торак белән тәэмин итү кысаларында 20 сертификат гамәлгә ашырылган.

Шулай ук министр социаль-мәдәни объектларны төзелеш барышы турында хәбәр итте. «Сәламәтлек саклау» буенча 3 юнәлеш буенча 1 программа гамәлгә ашырыла: ФАПлар төзү (43 объект); табиб амбулаторияләрен төзү (7 объект); гомуми практика табибы офисын төзү. 11 сентябрьгә 7 ФАП төзү тәмамланды. Табиб амбулаторияләрен төзү буенча барлык 7 объектта да эшләр бара. Гомуми практика табибы офисын төзү буенча диварлар торгызыла (Биектау районының Бөреле җәнлек совхозы) (60%).

«Спорт» тармагы 3 юнәлеш буенча 1 программа гамәлгә ашырыла: универсаль спорт мәйданчыклары (84 объект); блоклы-модульле чаңгы базалары төзү дәвам итә (6 объект); ябык түбәле футбол манежы төзү (1 объект).

11 сентябрьгә 44 муниципаль берәмлектә 84 универсаль спорт мәйданчыгы төзү тәмамланган. Калган объектларда эшләр дәвам итә. Блоклы-модульле чаңгы базалары төзү барлык 4 объектта да бара.

«Мәдәният» илкүләм проекты буенча авыл клублары төзү дәвам итә. 11 сентябрьгә 4 объектта да эшләр тәмамланган.

Авыл хуҗалыгы тармагы буенча Татарстанда 2 программа (97 объект) гамәлгә ашырыла: сыер һәм сарык фермаларын (7 объект), силос-сенаж траншеяләрен (85 объект) төзү һәм аларга капиталь ремонт, сыер һәм сарык фермалары төзү буенча 3 объектта эшләр тәмамланган. Шулай ук 45 силос-сенаж траншеяләре төзү тәмамланган.

Бүтән социаль программалар буенча 2 программа (32 объект) гамәлгә ашырыла: җирлекләр советларын төзү һәм аларга капиталь ремонт (11 объект) һәм халыкка хезмәт комплекслы күрсәтү буенча блоклы-модульле пунктларын төзү (21 объект). Җирлекләр советлары биналарын төзү программасы буенча эшләр 1 объектта тәмамланган. Халыкка хезмәт комплекслы күрсәтү буенча блоклы-модульле пунктларын төзү буенча 20 объектта эшләр бара.

«Уңайлы мохит» программасы буенча 2020 елга 12 гомуми белем оешмасын җайлаштыру планлаштырылды. Эшләр 5 объектта тәмамланган.

Шулай ук Фәрит Хәнифов җылылык бирү чорына әзерлек турында мәгълүмат бирде. 2020 елның 11 сентябренә 17 мең 270 күп фатирлы йорттан 16 мең 369 күп фатирлы йорт җылылык бирүгә әзер, бу 94,8% тәшкил итә.  

Бүген Татарстанга ике көнлек визит кысаларында «ВсеИнструменты.ру» Рәссәйнең иң зур DIY онлайн-гипермаркеты делегациясе компаниянең генераль директоры һәм аңа нигез салучы Виктор Кузнецов җитәкчелегендәге ТР бизнес-омбудсманы, ТР Президенты ярдәмчесе Фәрит Габделганиев һәм ТР Төзелеш, архитектура һәм торак-коммуналь хуҗалык министры Фәрит Хәнифов белән очрашу үткәрде. Очрашуда, шулай ук, «ТР Баш инвестицион-төзелеш идарәсе» ДКУ, проект һәм эксперт оешмалары, шулай ук ТР Дәүләт заказы агентлыгы җитәкчеләре катнашты. Очрашу барышында онлайн-гипермаркетның республиканың төзелеш тармагы вәкилләре белән хезмәттәшлеген киңәйтү, китерелә торган продукциянең сыйфатын һәм тизлеген тәэмин итү, шулай ук аның төзелеш ресурслары классификаторына туры килү мәсьәләләре буенча фикер алыштылар. «Татарстанның төзелеш тармагы вәкилләре буларак, без «ВсеИнструменты.ру» компаниясенә хезмәттәшлек темаларын киңәйтергә тәкъдим иттек. Без аларга төзелеш җитештерүен оештыруны һәм компания үз өстенә ала торган рольне ничек күрәбез дип сөйләдек. Безнең бурыч – төзелеш материаллары, инструментлары һәм кече механикалаштыру чараларының төгәл вакытында һәм кирәкле вакытта килүен тәэмин итү. Бу төзелә торган объектларның сыйфатына һәм срокларына уңай йогынты ясар иде», - дип шәрехләде очрашу нәтиҗәләрен министр Фәрит Хәнифов. Шул ук вакытта ул билгеләп үткәнчә, «ВсеИнструменты.ру» компаниесенең яңа йогышлы авырулар корпусын төзегәндә Татарстан «Акташ» компаниясе белән андый хезмәттәшлек тәҗрибәсе бар инде. Очрашу тәмамланганнан соң ТР Төзелеш Министрлыгында «ВсеИнструменты.ру» делегациясе Татарстанның эре төзүче компанияләре җитәкчеләре белән берничә сөйләшү уздырды.

«Төзелештә нормалаштыру , стандартлаштыру һәм техник бәяләү Федераль үзәге» ФАУ төзелештә актуаль норматив документлар белән барлык теләүчеләрнең аңлаешлы һәм үтә күренмәле эшләве өчен кагыйдәләр җыелмасы Реестрын камилләштерә. Кагыйдәләр җыелмасы Реестры - төзелештә актуаль норматив документлар турында түләүсез мәгълүмат алу өчен бердәм керү ноктасы, дип ассызыклады «Төзелештә нормалаштыру , стандартлаштыру һәм техник бәяләү Федераль үзәге» ФАУ директоры Андрей Басов. 2020 елның 1 августыннан Рәссәй Федерациясе Хөкүмәтенең 2020 елның 4 июлендәге 985 номерлы карары үз көченә керде, аны куллану нәтиҗәсендә «Биналарның һәм корылмаларның куркынычсызлыгы турында Техник регламент» Федераль закон таләпләрен үтәү мәҗбүри нигездә тәэмин ителә. Эзләү җайлы булсын өчен реестрда 985 номерлы карарда күрсәтелгән кагыйдәләр җыелмасы, аларның өлешләре (бүлекләр, пунктлар, рәсемнәр, таблицалар, кушымталар) акцентланган. Хәзерге вакытта КҖ реестрында төзелештә 429 кагыйдәләр җыелмасы бар, шуларның 366сы гамәлдәге документлар һәм 63е гамәлдән чыгарылган. Мәйданчыкта Рәссәй Төзелеш Министрлыгының аларга карата кагыйдәләр һәм үзгәрешләр җыелмасын раслау турында боерыклары урнаштырылган. Шулай ук элек расланган кагыйдәләр җыелмасының актуаль редакцияләре дә басылып чыкты. Реестрдагы Документлар 5 төп бүлек һәм 29 бүлек буенча структуралаштырылган, алар аерым тематикаларга туры килә: инженерлык эзләнүләре, төзелеш, эксплуатацияләү һәм сүтү, механик һәм янгын куркынычсызлыгы, мәгълүмати модельләштерү технологияләре, шәһәр төзелеше һәм башкалар.

ДТИ мәгълүматларына караганда, 2020 елның 6 сентябренә, мониторинг системасына кертелгән 17 мең 270 КФЙ 16 мең 369ына әзерлек паспортлары рәсмиләштерелгән, бу 94,8% тәшкил итә. Муниципаль берәмлекләр мәгълүматларына караганда, 10 сентябрьгә түбәндәгеләр әзерләнде: - 2 мең 6 объекттан 1 996 сәламәтлек саклау объекты (99,5%);  - 3 мең 390 объекттан 3 356 мәгариф объекты (99%); - 1 мең 951 объекттан 1 943 мәдәният объекты (99,6%);  - 171 объекттан 171 социаль яклау объекты һәм халыкны эш белән тәэмин итү үзәге (100%);  - 221 объекттан 212 спорт объекты (96%); - 91 объекттан 88 яшьләр объекты (96%). Кайнар линия телефоны: 7 (843) 231-14-10.

Бүген Татарстан Республикасы Президенты Рөстәм Миңнеханов республика территориясендә берьюлы берничә спорт объектын ачу тантанасында катнашты.

Казанның Чуйков урамында «Искәндәр» футбол-регби манежы тантаналы төстә ачылды. Видеоконференция режимында тагын Танк урамында (Казан ш.) «Максат» футбол манежы, «Импульс» спорт комплексы (Буа ш.), «Тулпар» бассейнлы универсаль спорт комплексы (Нурлат муниципаль районының Урта Камышлы авылы), «Тамчы» (Мөслим авылы) ябык түбәле йөзү бассейны ачылды.

Чара башланганчы Татарстан Республикасы Президенты Рөстәм Миңнеханов, Татарстан Республикасы спорт министры Владимир Леонов, Казан мэры Илсур Метшин, шулай ук мәртәбәле кунаклар – Россия футбол берлеге президенты Александр Дюков һәм Россия Спорт министры Олег Матыцин «Искәндәр» футбол-регби манежын карап чыктылар. Бу спорт корылмасының футбол өчен зонасы һәм регби уйнау өчен зонасы, тренажер залы, медицина блогы һәм башкалар бар. Төзелеш 2020 елның гыйнварында башланган булган.

Россия Спорт министры Олег Матыцин барлык татарстанлыларны ТАССРның 100 еллыгы белән котлады.

Россия футбол берлеге президенты Александр Дюков, бу вакыйгаларның республиканың массакүләм спорт үсешенә системалы мөнәсәбәтен күрсәтә, диде.  

Татарстан Республикасы Президенты Рөстәм Миңнеханов: «Безнең Татарстанда ябык түбәле футбол манежлары төзү һәм анда балаларның ел әйләнәсендә уйный алулары турында хыялыбыз бар иде. Төзүчеләргә бик зур рәхмәт, кыска вакытларда объектларны төзеп тапшырдылар».

бүген ачылучы барлык спорт объектлары - Казан шәһәрендәге «Максат» футбол манежы, «Импульс» спорт комплексы (Буа ш.), «Тулпар» бассейнлы универсаль спорт комплексы (Нурлат муниципаль районының Урта Камышлы авылы), «Тамчы» (Мөслим авылы) ябык түбәле йөзү бассейны Рөстәм Миңнеханов белән видеоконференция режимында элемтәгә чыктылар.

Рөстәм Миңнеханов барлык объектларны да тантаналы төстә ачык дип белдерде.

Яңа «Искәндәр» футбол манежында Рөстәм Миңнеханов яшь футболчылар тупларында автограф калдырды.  

Бүген Татарстан Республикасы Президенты Рөстәм Миңнеханов Чаллыда эш сәфәрендә. Ул эш сәфәре барышында «Энергетик» мәдәният сараена ясалган капремонтны бәяләде. 

Шәһәрнең иң иске мәдәният сараена ремонт үткән елның язында башланып киткән иде. Төзүчеләр түбәне яңадан япканнар, искергән инженер коммуникацияләрен алмаштырганнар, концерт залын ремонтлаганнар. Шулай ук бинаны яңа сәхнә белән җиһазландырганнар.  

Рөстәм Миңнеханов ремонт эшләре нәтиҗәләре белән танышты, яңартылган мәдәният сараен карап чыкты һәм учреждение хезмәткәләре белән аралашты.   

МС директоры Гөлзадә Рзаева «Энергетик»та уздырылучы шәһәр һәм республика чаралары турында сөйләде: фестивальләр, күргәзмәләр, концертлар.  

Тамашачылар залы 634 урынлык, тантаналар өчен кече зал да бар.

Аннары кече залда ана (гаилә) капиталы сертификатлары тапшыру тантанасы узды. Рөстәм Миңнеханов ассызыклаганча, гаилә дәүләтебезнең таянычы булып тора. «Барыгызны да котлыйсым килә. Балалар – безнең киләчәгебез. Бүген яшь гаиләләргә ярдәм итү буенча зур эш алып барыла. Шуларның бер формасы – ана капиталы сертификатлары. Хәзер сертификатны беренче бала тугач та алып була. Балаларыгызның шатлык кына китерүләрен телим», - диде ТР Президенты.

Татарстан Республикасы төзелеш, архитектура һәм торак - коммуналь хуҗалык министрлыгында министр киңәшчесе Ленар Вәлиев рәислегендә Иҗтимагый советның чираттагы утырышы булды. Чарада Министрлык, проект һәм үз-үзен көйләүче оешмалар, бизнес һәм җәмәгатьчелек вәкилләре катнашты. Очрашуның төп темасы республика муниципалитетларында төзелеш һәм ремонт эшләренең барышына җәмәгать контролен оештыру һәм гамәлгә ашыру мәсьәләсе буенча фикер алышу булды. Министрлыкта 2020 елның сигез аенда коррупциягә каршы тору буенча башкарылган эш нәтиҗәләре турында дәүләт хезмәте һәм кадрлар бүлеге башлыгы Татьяна Титова сөйләде. Моннан тыш, «Безнең ишегалды» республика программасын гамәлгә ашыруның барышы турындагы доклад белән министр урынбасары Айназ Ярмиев чыгыш ясады. Очрашуда киләсе елга эш планнары да каралды. Сорауларны карау барышында комиссия үз тәкъдимнәрен әзерләде.