Татарстанда күчемсез милекне исәпкә алгандагы кичектерүләр саны кимеде
Агымдагы елның гыйнварыннан ноябренә кадәр Республиканың Росреестры 56 мең капиталь төзелеш объектын һәм 38,5 мең җир кишәрлеген кадастр исәбенә куйды. Шул ук вакытта күчемсез милекне кадастр учетына куйганда кичектерүләр саны узган ел белән чагыштырганда 2,4 тапкырга кимегән.
Татарстан Росреестры һәм кадастр инженерлары берләшмәсе арасында нәтиҗәле хезмәттәшлек тискәре карарлар санын киметергә мөмкинлек бирде. Исәп-хисапны туктату өчен нигезләр ачыкланган очракта, әлеге мәгълүмат оператив рәвештә конкрет кадастр инженерына җиткерелә, бу кадастр эшләрен башкаручыга документларны (техник һәм межалау планнарын, тикшерү актын, территория картасын) төзәтергә мөмкинлек бирә.
Моннан тыш, кичектерүләр санын киметү өчен Татарстан Росреестры Кадастр палатасы белән берлектә документларны әзерләгәндә җибәрелә торган типик хаталарны системалаштыра, шулай ук кадастр исәбендә туктатып тору һәм баш тарту сәбәпләрен анализлый.