Казанда Серов урамындагы бульварны төзекләндерү дәвам итә

Казанда Серов урамындагы бульварны яшелләндерү башланды. Территориядә 175 төрле тал үсентесе, шулай ук каен, шомырт, алмагач, чикләвек, чыршы, зирек һәм миләш үсентеләре утыртылачак. Эшләр «Торак һәм шәһәр мохите» илкүләм проектының «Уңайлы шәһәр мохитен формалаштыру» Федераль проекты буенча башкарыла.

Брусчаткадан түшәлгән бетон нигезләр тулысынча әзер, инженерлык челтәрләре —канализация, электр, видеокүзәтү салынган, ә «Ярдәм» мәчете янындагы сөзәклекләрдә геотекстиль, георешетка һәм кара туфрак салынган.

Хәзер төзүчеләр парковка зоналарына асфальт, парк периметры буйлап брусчатка җәя һәм павильонны бизәү эшләрен алып бара, анда бәдрәфләр һәм персонал бүлмәләре булачак. Шулай ук өлешчә яшелләндерелгән  - 40 агач һәм 150 куак. Барысы 200 гә якын агач һәм 1600 куак утыртырга планлаштыралар.

Быел бульварны төзекләндерүнең икенче чираты кысаларында яктырту, газон, инклюзив балалар мәйданчыгы, җайлаштырылган спорт тренажерлары һәм гөмбәзле өстәлләр, уйнау мәйданчыгы, тактиль сукмаклы тернәкләндерү зонасы, урам сәхнәсе һәм Яңа ел чыршысы өчен урын барлыкка киләчәк. Ә бөтен парк маршруты буенча смартфон ярдәмендә навигация өчен датчиклар урнаштырачаклар.

Исегезгә төшерәбез, «Уңайлы шәһәр мохитен формалаштыру» Федераль программасы - «Торак һәм шәһәр мохите» илкүләм проектының төп юнәлешләренең берсе. Программа уңайлы шәһәр мохите булдыруга юнәлдерелгән.