Татарстан Республикасы Төзелеш министрлыгында күпфатирлы йортларга капиталь ремонт ясау буенча баланс комиссиясе утырышы узды
Бүген Татарстан Төзелеш министрлыгында алдагы елларга күпфатирлы йортларга капиталь ремонт ясау мәсьәләсе буенча баланс комиссиясенең йомгаклау утырышы узды.
Агымдагы елдан башлап, Премьер-министрның беренче урынбасары Рөстәм Нигъмәтуллин кушуы буенча комиссия киңәйтелгән форматта уздырылды – август дәвамында Азнакайда, Бөгелмәдә, Буада, Биектауда, Менделеевскида, Яр Чаллыда, Түбән Камада һәм Чистайда зона утырышлары узды.
Татарстан Төзелеш министрлыгы башлыгының беренче урынбасары Дамир Шәйдуллин сүзләренә караганда, баланс комиссиясе объектлар исемлеген генә түгел, якын киләчәктә территорияләрне үстерү стратегиясен дә билгеләргә тиеш.
Төп бурычлар арасында министрның беренче урынбасары, аерым алганда, күпфатирлы йортларны төбәк программасы белән колачлауны мониторинглау зарурлыгын билгеләп үтте. Әмма торак фонды объектларының торышын мониторинглауның дәүләт мәгълүмат системасында техник характеристикалар булмау сәбәпле, 245 йорт программага кертелмәгән. Шуңа бәйле рәвештә Д. Шәйдуллин район хакимиятләренең җаваплы вәкилләренә әлеге карарны җентекләп аңлатырга кушты.
Икенче бурыч – йортларның физик яктан тузганлыгын һәм соңгы капиталь ремонт үткәрелгән елны исәпкә алып, аларны планнан кертүнең яисә төшереп калдыруның нигезлелеге. Беренче чиратта өстенлекле объектларны билгеләргә кирәк – югары дәрәҗәдә тузган, ремонт тоткарлыгы кискен булган йортлар.
Министр башлыгының беренче урынбасары проект-смета документациясенең камил булмавына да игътибар итте.
«Без капиталь ремонт процессында проектлау этабында исәпкә алынмаган эш күләмнәре ачыкланганда берничә тапкыр очрашабыз. Бу төзелеш срокларының артуына, аның кыйммәтләнүенә һәм, нәтиҗә буларак, өстәмә финанслау кирәклегенә китерә», – дип билгеләде министрның беренче урынбасары.
Мондый хәлләрне булдырмау өчен проектлаучылар өчен техник биремнәр формалаштыру барышында эксплуатация оешмалары вәкилләренең катнашуы кирәк. Шулай ук минималь тариф буенча түгел, ә объектларның факттагы катлаулылыгыннан чыгып, проект эшләренең реаль бәясен салырга кирәк.
Утырыш барышында Дамир Шәйдуллин хәбәр иткәнчә, 2027 елда программа 43 муниципаль берәмлектә 1332 күп фатирлы йортны үз эченә ала. Шуларның 684ендә капиталь ремонт планлаштырылган, 2028 елга проектлау – 648. Финанслауның гомуми күләме 8,457 млрд сум тәшкил итә.