ЯҢАЛЫКЛАР
ТР төзелеш, архитектура һәм ТКХ министры Марат Айзатуллин ТР Хөкүмәте йортында узган киңәшмәдә республикада торак төзелеше темплары турында сөйләде.
Киңәшмәне барлык муниципаль районнар белән видеоконференцэлемтә режимында ТР Премьер-министры Алексей Песошин уздырды.
Марат Айзатуллин хәбәр иткәнчә, бүгенге көнгә республикада 1 млн 596 мең квадрат метр торак төзелгән, бу узган елгы дәрәҗәгә карата 103%тан артыграк. Еллык план 60%ка үтәлгән.
Еллык планның яртысына якыны коммерцияле торакка туры килә. Күп фатирлы 164 йортның 77се (планда каралганның 42%ы) файдалануга тапшырылган инде, аларның мәйданы 531 мең квадрат метр тәшкил итә. Калган 87 йортның 87се - югары, 22се - уртача (30 %тан 70 %ка кадәр) әзерлек дәрәҗәсендә, 17се 30%ка әзер.
Социаль ипотека программасы буенча 107 мең квадрат метр мәйданлы 86 йорт төзелгән. Ел ахырына кадәр гомуми мәйданы 280 мең квадрат метр тәшкил иткән барлыгы 161 социаль ипотека йорты сафка бастырырга кирәк. Тагын 42 йорт файдалануга тапшыру алдында.
Республикада шәхси торак төзү темплары аеруча югары. “Агымдагы датага планлаштырылган күрсәткечләр 85%ка үтәлгән. 7 мең 99 йорт әзер.
Киңәшмә азагында Марат Айзатуллин төзелештә хезмәт саклау турында сөйләде. Дәүләт төзелеш күзәтчелеге ел башыннан 966 тикшерү уздырган. 84 карар буенча 5 млн сумлык штраф салынган.
Хөрмәтле төзелеш тармагы хезмәткәрләре һәм ветераннары!
Сезне чын күңелдән һөнәри бәйрәмегез – Төзүчеләр көне белән котлыйм.
Төзелеш тармагы бердәм организм булып тора, анда һәр кешенең эшенә һәм шәхси өлешенә уртак нәтиҗә – илебез халкының иминлеге бәйле. Тормыш өчен сыйфатлы, уңайлы һәм куркынычсыз мохит булдыру өчен җаваплылык безнең җилкәләргә төшә. Без Төзүче исемен лаеклы тотып, аны үзенең көндәлек хезмәте белән расларга тиешбез.
Кадерле хезмәттәшләр! Быел республиканың төзелеш тармагына 100 ел тула. Аның очышы 1921 елның 22 октябреннән, Дәүләт корылмалары комитеты боерыгы белән Беренче дәүләт универсаль төзелеш конторасы булдырылгач, алып барыла. Без озак һәм катлаулы юл үттек, әмма аны лаеклы үттек. Берничә еллар дәвамында без күп буыннар белән бәяләп бетергесез тәҗрибә тупладык. Безнең мөһим бурыч - бу уникаль мирасны саклап калу һәм шул ук вакытта заман белән бергә атлау. Ышанам, безгә теләсә нинди бурычларны, иң катлаулы иҗади һәм масштаблы проектларны хәл итү көчтән килә. Мондый команда һәм эшкә шундый караш белән без теләсә нинди кыенлыкларны хәл итә алабыз. Бүген республиканың төзелеш тармагында эшләүчеләргә, югары профессиональлек, иҗади энергия һәм зур җаваплылык өчен чын күңелдән рәхмәтемне белдерәм. Сезнең хезмәтегез һәрвакыт кирәкле булсын һәм лаеклы бәяләнсен. Ветераннарыбызга аерым рәхмәт сүзләре һәм котлау сүзләре. Фидакарь хезмәтегез белән Сез мактаулы һәм ихтирамга лаек.
Барыгызга да нык сәламәтлек, яңа казанышлар һәм җиңүләр телим! Бәхет һәм иминлек!
Видеоконференцэлемтә режимында бүген 2021/2022 елларның җылыту чорына әзерләнү буенча республика штабы утырышы булды. Татарстан Төзелеш, архитектура һәм торак-коммуналь хуҗалык министры Марат Айзатуллин рәислегендә торак фондын, ягулык-энергетика комплексын һәм җылылык белән тәэмин итү объектларын киләсе ягу чорына әзерләү мәсьәләләре буенча фикер алыштылар. Үз чыгышында ул хәбәр иткәнчә, ягып җылыту чоры башланганчы бик күп вакыт калмый, көзге-кышкы чорның сыйфатлы үтүен тәэмин итү өчен бөтен көчне мобилизацияләргә кирәк. «Әйтик, бүгенге көндә сәламәтлек саклау объектлары 74%ка, мәдәният объектлары 65%ка әзер. 61%ка - социаль яклау объектлары һәм 46%ка мәгариф объектлары әзер», - дип билгеләп үтте Марат Айзатуллин. Аннары доклад белән ТР Төзелеш, архитектура һәм торак-коммуналь хуҗалык министры урынбасары Илдус Насыров чыгыш ясады. Ул хәбәр иткәнчә, әзерлек паспортлары 12 797 КФЙга яисә чагыштырмача 73%ка рәсмиләштерелгән. Күп фатирлы торак йортларны үзәкләштерелгән җылылык белән тәэмин итү системалары 81%ка әзерләнгән, бу - 9 816 КФЙ. Йорт эчендәге вентиляция каналларының 87% һәм йорт эчендәге җылыту системаларының вентиляцион каналларының 87% тикшерелде. Моннан тыш, штаб эше барышында Татарстан Республикасы Мәдәният министрлыгы вәкиленең мәдәният учреждениеләренең тормыш-көнкүрешен тәэмин итү системаларының ягып җылыту чорына әзерлеге турындагы доклады тыңланды. Чарада шулай ук Коммуналь комплекс оешмаларының табигый газ өчен срогы чыккан бурычларын түләү мәсьәләләре дә каралды. Министр торак фондын һәм социаль-мәдәни объектларны җылылык чорына әзерләү мәсьәләләрен даими контрольдә тотарга чакырды. Киңәшмәдә ресурс һәм тармак оешмалары, ведомстволар һәм муниципаль берәмлекләр вәкилләре катнашты.
ТР Төзелеш, архитектура һәм торак-коммуналь хуҗалык министры Марат Айзатуллин Казан шәһәренең төзелә торган торак йортларын һәм социаль объектларны карап чыкты. Беренче булып Академик Губкин урамында урнашкан «МЧС» торак комплексының 3 нче һәм 4 нче проблемалы торак йортлары булды. Төзелеш эшләренең барышы турында «Ак таш» компаниясе генераль директоры Газинур Әхмәтов аңлатма бирде. Аның сүзләренә караганда, «МЧС» торак комплексының 3 нче номерлы йортында, территорияне төзекләндерү эшләре тәмамланганда, ТР Дәүләт төзелешен күзәтү инспекциясе тикшерүе үткәрелә. 4 торак комплекс йортында төзү-монтаж эшләре шулай ук ахырына якынлаша. Җир асты парковкасы зонасында бизәкләү эшләре бара, электр белән тәэмин итү челтәрләрен салу тәмамлана, шулай ук территорияне төзекләндерү эшләре башланган. Аннары Марат Айзатуллин Казанның Дәрвишләр бистәсендәге Стадион урамында социаль ипотека программасы буенча төзелә торган 9 катлы торак йорт төзелеше барышы белән танышты. Хәзерге вакытта объектта инженер-техник тәэмин итү челтәрләрен монтажлау, эчке отделка эшләре, фасадны бизәү һәм территорияне төзекләндерү эшләре бара. Киләсе объект «Салават Күпере» торак комплексында 1224 укучыга исәпләнгән мәктәп булды. Эшлекле сәфәр ахырында Министрлык вәкилләре 260 урынга исәпләнгән «Салават Күпере» торак комплексында төзелүче балалар бакчасын карадылар. Объектларны карау вакытында Марат Айзатуллин, аларны вакытында файдалануга тапшыру максатыннан, объектларда эшләрне тәмамлау буенча тиешле күрсәтмәләр бирде.
Республикада мәктәп азык-төлек блокларына капиталь ремонт ясау буенча яңа программаны гамәлгә ашыру тулы куәтенә бара. Агымдагы елда Татарстан Республикасының 44 муниципаль берәмлегендә 198 объектны ремонтлау планлаштырылган. Бу хакта Казанның 91 нче мәктәбенә пресс-тур барышында билгеле булды. Учреждениедә ремонт эшләренең барышын ТР Төзелеш, архитектура һәм торак-коммуналь хуҗалык министры урынбасары Илдус Насыров һәм ТР Мәгариф һәм фән министры урынбасары Алсу Әсәдуллина бәяләде. «Әлеге программа кысаларында азык-төлек блогы биналарында ремонт һәм бизәү эшләре бара, эчке инженерлык челтәрләрен ремонтлау, шулай ук яңа заманча җиһазлар урнаштыру каралган. Хәзерге вакытта башкарылган эшләр күләме 53% тәшкил итә», - дип хәбәр итте Илдус Насыйров. «Узган елдан башлап 1-4 сыйныф укучылары бушлай кайнар ризык белән тәэмин ителәләр. Бу азык-төлек блогларына йөкләнешне көчәйтте. Быел аны 211 мең бала алачак», - дип өстәде Алсу Әсәдуллина. 91-нче номерлы мәктәп директоры Илнур Гаффаров әлеге программа ярдәмендә ашханә танымаслык булып үзгәрде, дип билгеләп үтте: «Балаларны яңа ашханә белән таныштыру өчен, тиздән ачылыш көтәбез. Биредә барысы да үзгәрде, өйдәгечә уңайлы булды. Безнең өчен иң мөһиме - балалар монда үзләрен өйдәге кебек уңайлы хис итә алсын». Чарада, шулай ук, Казан шәһәре Башкарма комитеты һәм подрядчы оешма вәкилләре катнашты.
2021 елда ТР Төзелеш, архитектура һәм ТКХ министрлыгы алты милли проектны тормышка ашыруда катнаша: «Демография», «Торак һәм шәһәр мохите», «Экология», «Мәгариф», «Сәламәтлекне саклау» һәм «Мәдәният». Югарыда күрсәтелгән 6 милли проект кысаларында 12 федераль проект гамәлгә ашырыла. Татарстанның Төзелеш Министрлыгына илкүләм проектларны гамәлгә ашыру өчен 11 млрд. сумнан артык акча бүлеп бирелгән. Бу хакта «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм ТКХ министрының беренче урынбасары Алексей Фролов сөйләде. «Быел 95 объект һәм 3,8 мең кв.метр авария хәлендәге торак капиталь ремонтлана, төзелә һәм төзекләндерелә», — диде Фролов. Министр урынбасары билгеләп үткәнчә, агымдагы елда «Торак һәм шәһәр мохите» илкүләм проекты буенча 65 объектта эшләр алып барыла һәм 3,8 мең кв.м. аварияле торактан гражданнарны күчерү башкарыла, гомуми суммасы - 3,3 млрд. сум. Әлеге проект кысаларында «Стимул» программасы да тормышка ашырыла, ул эре төзүчеләр тарафыннан торак төзелешен активлаштыруга юнәлдерелгән. Аның буенча «Арт-Сити» торак комплексы мәктәбендә, Казанның өч балалар бакчасында, «Җәй» торак комплексы өчен ике тышкы инженер челтәрендә һәм «Якты Үзән» ТК чистарту корылмаларында эшләр финансланачак. Милли проектлар Рәссәйдә 2019 елдан башлап РФ Президенты Владимир Путин Указы буенча гамәлгә ашырыла.
Бүген Татарстан Республикасы төзелеш, архитектура һәм торак-коммуналь хуҗалык министры Марат Айзатуллин Казанда татар телендә белем бирә торган 18 нче гимназияне реконструкцияләү мәсьәләсе буенча күчмә киңәшмә үткәрде. Биредә бинага өстәмә корпус төзү буенча эшләр планлаштырылган. Заказ бирүче - Татарстан Республикасының Төп инвестицион-төзелеш идарәсе. Хәзерге вакытта объектта төзү-монтаж эшләре бара. Объектның гомуми мәйданы 10 мең кв.метрдан артык. Киңәшмә барышында Төзелеш министрлыгы башлыгы төзелеш эшләренең барышы белән танышты һәм билгеләнгән график нигезендә процессны тизләтергә кушты.
Бүген Татарстан Республикасы төзелеш, архитектура һәм торак-коммуналь хуҗалык министры урынбасары Алексей Фролов Татарстан Республикасы Хөкүмәте Йортында узган республика киңәшмәсендә социаль билгеләнештәге объектларны капиталь ремонтлау һәм коммуналь түләүләр җыю буенча республика программаларын гамәлгә ашыру турында хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Чарада шулай ук Татарстан Республикасы Премьер-министры Алексей Песошин да катнашты.
Алексей Фролов хәбәр иткәнчә, 2021 елда социаль-мәдәни өлкә объектларын, инженерлык инфраструктурасын һәм күп фатирлы йортларны капиталь ремонтлау буенча республика программалары 69%ка үтәлгән. Быел Татарстан шундый 28 программаны гамәлгә ашыра. Аларга 3 меңнән артык объект керә. Программалар бюджеты 23 млрд. сумнан артык.
Хәзерге вакытта 266 млн. сумлык финанслау лимиты белән 4 программаны гамәлгә ашыру төгәлләнгән. Болар – авыл хуҗалыгы һәм азык-төлек идарәләре биналарына (13 объект), ветеринария идарәсенә караган учреждениеләргә (12 объект), авыл җирлекләре башкарма комитетлары (Советлар) биналарына (15 объект) һәм тулай торакларга капиталь ремонт программалары.
Иң масштаблысы – белем бирү учреждениеләрен ремонтлау республика программасы кысаларында тормышка ашырыла торган чаралар. Аның буенча барлыгы 213 мәгариф объекты ремонтланырга тиеш. Программаның күләме 2 млрд. сум тәшкил итә. Аны тормышка ашыруны, барыннан да элек, яңа уку елына өлгертү күздә тотыла. Шуңа күрә биредә үтәлеш уртача күрсәткечтән югарырак – 78%. Әйтик, әлеге программага 49 балалар бакчасы кертелгән. Аларда эшләр 73%ка башкарылган. Шул ук вакытта 15 объект әзер, ә 34се ремонтлана.
Гомуми белем бирү мәктәпләрен ремонтлау өлешендә эшләр 82%ка башкарылган. Бу ел программасына 33 гомуми белем бирү оешмасы кертелгән. Шуларның 22се подрядчылар эшендә. 11 мәктәп укучыларны кабул итәргә әзер.
3 коррекцион мәктәптә ремонт тәмамланган. Мондый 7 мәктәп әлегә ремонтлана. Тулаем алганда, әлеге объектлар буенча төзелеш эшләре 80%ка башкарылган.
Мәктәпләрдә функциональ зоналарны ремонтлау буенча эшләр күләме 95%ка ябылган. 90 объект тәмамланган, 26сы эшләнә.
Мәгариф объектларында уңайлы мохит булдыру буенча эшләр быел өч балалар бакчасында һәм бер мәктәптә бара. Биредә шулай ук эшләр ахырына якынлаша – төзелеш-монтаж эшләре 96%ка үтәлгән.
Мәктәпләрдә кайнар ризык белән тәэмин итүне оештыру программасын республика быел беренче тапкыр тормышка ашыра. 2021 елда шундый 198 объект ремонтланырга яки яңадан төзелергә тиеш. Алардан 196сы эшләнә.
Ресурс үзәкләрен капиталь ремонтлау программасына быел 5 объект керә. Подрядчыларның эшендә хәзер 4 белем бирү оешмасы бар. 1 объект тәмамланган. Башкарылган эшләр күләме – 70%.
Шулай ук 3 медицина стационарында, 1 балаларны савыктыру лагеренда, 5 яшүсмерләр клубында, 6 спорт объектында, 2 мәдәният тармагы белем бирү учреждениесендә, 22 социаль хезмәт күрсәтү оешмасында, 7 муниципаль архивта, Урман хуҗалыгы министрлыгына караган 27 бинада капиталь ремонт тәмамланган.
Эчке эшләр министрлыгы карамагындагы биналарга капиталь ремонт ясау программасына кертелгән 9 объектны ремонтлау дәвам итә. Аның буенча эшләр 31%ка башкарылган.
Милли гвардия гаскәрләренең федераль хезмәте идарәсе объектларын капиталь ремонтлау программасы 79%ка үтәлгән. 6 объект эшләнә, 5се төгәлләнгән.
"Чистарту корылмаларын модернизацияләү һәм канализация челтәрләрен капиталь ремонтлау" программасы буенча 2021 елның 8 объектыннан 3се тәмамланган. Төзелеш-монтаж эшләре 61% тәшкил итә.
13 муниципаль районда «Газ бүлү челтәрләрен, йорт эчендәге газ куллану челтәрләрен реконструкцияләү, төзү, блок-модуль котельныйларын һәм тышкы урнаштыру казаннарын урнаштыру» программасы тормышка ашырыла. Бер район гына – Бөгелмә районы эшләрнең тулы күләмдә башкарылуы турында хисап тоткан. Гомумән алганда, программа буенча төзү-монтаж эшләре 77%ка башкарылган.
«Су белән тәэмин итү һәм каты көнкүреш калдыклары мәйданчыкларын урнаштыру» программасы буенча бакчачылык ширкәтләрендә 61 скважина торгызыла һәм калдыкларны җыю өчен 38 мәйданчык төзелә. Программа кысаларында эшләр 49%ка һәм тиешенчщ 65%ка башкарылган.
«Халыкны эчәргә яраклы су белән тәэмин итү» программасы буенча башкарылган эшләр күләме 64% тәшкил итә. Бу атнада Чирмешән, Лаеш һәм Тәтеш районнары үз эшләрен төгәлләделәр. Шулай итеп, 7 район (Чирмешән, Лаеш, Тәтеш, Яңа Чишмә, Балык Бистәсе, Тукай, Әлки) программаны тормышка ашыруны тәмамлаган. Тагын 38 программа чараларын гамәлгә ашыру дәвам итә.
"Урам утларын торгызу" программасы буенча план 79%ка үтәлгән. 31 районда эшләр тәмамланган, шуларның 9ы бу атнада ахырына якынлаша. Тагын 14 муниципалитетта әлегә эшләр дәвам итщ.
"Бюджет учреждениеләре котельныйларында казаннарны алмаштыру" программасы кысаларында төзү-монтаж эшләрен башкару 87% тәшкил итә.
Шулай ук Алексей Фролов энергия ресурслары һәм торак-коммуналь хезмәтләр өчен түләүләр җыю турында да сөйләде. Июнь аенда торак-коммуналь хезмәтләр өчен түләүләр җыю дәрәҗәсе Татарстан буенча уртача 104% тәшкил иткән. Беренче яртыеллыкта түләүләр җыю 2020 елның гыйнвар-июнь айларына карата 1,4%ка арткан һәм 98 % тәшкил иткән. Уртача алганда, бер ел эчендә ул 99,4% дәрәҗәсендә теркәлгән. Бу узган елның шул ук чоры белән чагыштырганда 1,7%ка артыграк.
Гыйнвар-июнь айларында торак-коммуналь комплекс оешмаларының электр энергиясе өчен 73 млн. сум бурычы бар. Бер ел эчендә бу күрсәткеч 82 млн. сумга кимегән, шул исәптән коммуналь комплекс оешмаларының электр энергиясе өчен бурычлары 42 млн.сумга кимегән. Хәзер ул 26 млн. сум тәшкил итә.
Җылылык энергиясе өчен бурычларга килгәндә, «Татэнерго» АҖ каршындагы коммуналь хезмәтләрне башкаручыларның бурычы 311 млн.сум тәшкил итә. Нотыкчы шулай ук муниципалитетларның яхшы эшләвен билгеләп үтте – барлык районнарда һәм шәһәрләрдә җылылык белән тәэмин итүчеләр алдында үтәлмәгән финанс йөкләмәләренең күләме кимегән. Гомумән 91 млн. сум тәшкил итә.
1 июльгә газ өчен срогы чыккан бурыч 320 млн. сум тәшкил иткән. Бер ел эчендә бурыч суммасы 134 млн. сумга кимегән.
Ахырда Алексей Фролов кыскача 2021-2022 елгы җылылык бирү чорына әзерлек турында хәбәр итте. Социаль-мәдәни объектлар буенча яшьләр һәм спорт объектларының – 62%ы, социаль яклау объектларының – 57%ы, мәдәният объектларының – 55%ы, сәламәтлек саклау объектларының – 50%ы һәм мәгариф объектларының 46%ы әзерләнгән. Коммуналь хуҗалыкта суүткәргеч насос станцияләренең – 91%ы, суүткәргеч челтәрләрнең – 72%ы, котельныйларның – 65%ы, су алу корылмаларының – 60%ы һәм җылылк челтәрләренең 56%ы сезонга әзер.
Торак фонд буенча күп фатирлы торак йортларның 76%ы үзәкләштерелгән җылылык белән тәэмин итү системалары әзерләнгән (юдырту һәм опрессовка). Абсолют чагылышта бу – 9 198 күп фатирлы йорт. Йорт эчендәге системаларның вентиляция каналларының 83%ы һәм йорт эчендәге җылыту системаларының вентиляция каналларының 84%ы тикшерелгән.
4 420 күп фатирлы йорт шәхси җылыту системаларының йорт эчендәге төтен юллары тикшерелгән. Бу аларның гомуми саныннан 82%.
Мониторинг системасына кертелгән 10 мең 924 күп фатирлы йортларка әзерлек паспортлары яисә чагыштырмача 63%ы рәсмиләштерелгән.
Казан һәм якын-тирә районнар арасында, әлеге территориядә яшәүче кешеләрне эш урыннары белән тәэмин итү өчен, куәтле сәнәгать зоналары булдырырга кирәк. Бүген бу хакта Татарстан Республикасы Президенты Рөстәм Миңнеханов Казан дәүләт архитектура-төзелеш университетында узган «Татарстан Республикасы агломерацияләрен һәм транспорт инфраструктурасын үстерү» фәнни-проект семинарында хәбәр итте.
Татарстанда капиталь ремонттан соң тиздән алты хастаханә ачылачак. Бу хакта «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм торак-коммуналь хуҗалык министры урынбасары Илдус Насыров сөйләде. «Түбән Кама шәһәрендәге Менделеевск урамы, 45 нче йортта балалар шәһәр хастаханәсендә, шулай ук Азнакай, Буа, Мөслим, Лениногорск, Түбән Кама үзәк район хастаханәләрендә эш ахырына якын», – дип билгеләде спикер. Быел барлыгы 18 стационар капиталь ремонтланачак, хәзер эшләр 73%ка үтәлгән. 2021 елда өч сәламәтлек саклау объектын, шул исәптән Казанның Сугыш ветераннары өчен госпитальнең 2 нче дәвалау корпусы бинасын капиталь ремонтлау төгәлләнде инде. Анда эшләр этаплап — катлар һәм бүлекләр буенча башкарылды. Алар бер елдан артык дәвам иткән. ФАПларны хәзер Татарстанның 42 районында төзиләр.