ЯҢАЛЫКЛАР
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин торак төзелеше һәм социаль билгеләнештәге объектлар төзелеше буенча республика программаларын гамәлгә ашыруның барышы турында хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.
Татарстанда «Экология» илкүләм проектының «Иделне савыктыру» федераль проекты кысаларында 10 муниципаль берәмлектә, шул исәптән Казанда, Чаллыда, Алабугада һ.б., 11 чистарту корылмасы төзелде һәм реконструкцияләнде.
Чара Хөкүмәт тарафыннан «Төзелеш, торак-коммуналь хуҗалык, шәһәр мохите» юнәлеше буенча Дәүләт Советы комиссиясе белән берлектә, Президент куйган милли максатларга ирешү өчен карарлар эшләү максатыннан оештырылды. Семинар-киңәшмәдә катнашучылар алдында кереш доклад белән Марат Хөснуллин чыгыш ясады. Ул Хөкүмәт һәм губернаторлар алдында торган төп бурычларны билгеләде: уңайлы шәһәрләр булдыру, кичектергесез һәм уңайлы транспорт челтәре булдыру, тормыш дәрәҗәсен яхшырту һәм куркынычсызлыкны арттыру. Илнең пространстволы үсешендә өстенлекләр буларак, вице-премьер торак алу мөмкинлеген арттыруны, шул исәптән ташламалы ипотека хисабына, шәхси төзелешне үстерү, территорияләрне комплекслы үстерү, авария хәлендәге торактан күчерү буенча яңа программаны гамәлгә кертү, яңа җәлеп итү нокталарын булдыруны атады. Торак төзелеше үсеше турында сөйләгәндә, вице-премьер барлык территория һәм киңлек элемтәләре өчен аның терәк челтәрен дә кертеп, транспорт инфраструктурасын үстерү зарурлыгына басым ясады. Докладның аерым өлешен Марат Хөснуллин төзүчеләргә административ йөкләнешкә яңа, яхшыртылган алымнарга һәм төзелештә мәҗбүри таләпләрне киметүгә, шулай ук дәүләт заказчыларының финанслар белән идарә итү сыйфатын күтәрү һәм алдынгы субъектларның тәҗрибәсен куллануга багышлады.
Бүген ТР Төзелеш, архитектура һәм торак-коммуналь хуҗалык министры урынбасары Илдус Насыров рәислегендә 2021/2022 елларда ягулык чорына әзерләнү буенча республика штабының икенче утырышы булды. Киңәшмә республиканың барлык муниципаль берәмлекләре, башка министрлыклар һәм ведомстволар, тармак оешмалары вәкилләре катнашында видеоконференция режимында узды.
2021 елның 16 июненнән урбанистика өлкәсендә беренче Бөтенрәссәй медиапроектлар конкурсына гаризалар кабул ителә башлады. Конкурс кысаларында Рәссәйнең барлык төбәкләреннән килгән югары һәм урта махсус уку йортлары 18-35 яшьләрдәге студентларына шәһәр тирәлеге темасын үстерүгә һәм популярлаштыруга ярдәм итүче медиапроектлар әзерләргә тәкъдим ителә. Оештыручылар - Рәссәй Төзелеш министрлыгы һәм «Шәһәр инновацияләре» гомумрәссәй оешмасы, конкурсның мәгълүмати партнеры - «Милли приоритетлар» АКБО. Конкурсның максаты - яңа урбанмедиа булдыру һәм алга этәрү буенча яшьләр инициативаларын яклау аша Рәссәйнең урта һәм кече шәһәрләрен үстерү, алар, үз чиратында, шәһәр тормышын «җанландырырга» һәм халыкның игътибарын үз шәһәрләренә, аларның проблемаларына һәм җиңүләренә җәлеп итәргә тиеш. Җиңүчеләрне Рәссәйнең эре оешмаларында стажировка көтә. Катнашу өчен гаризалар 2021 елның 23 июленә кадәр кабул ителә. Финалистлар 26 июльдә игълан ителәчәк. Алар Түбән Новгород шәһәрендә Рәссәй Төзелеш министрлыгы һәм ЙОРТ.РФ «Тормыш өчен мохит» форумы кысаларында үткәрелгән конкурсның финал өлешендә катнашачаклар. Тулырак мәгълүматны белергә, конкурс турында нигезләмә белән танышырга һәм катнашу өчен гаризаны проектның рәсми сайтында калдырырга мөмкин: https://urbanintonations.ru
23 июньнән 26 июньгә кадәр Новосибирск шәһәрендә Рәссәй һәм БДБ илләре баш архитекторлары советының уртак утырышы уза. Очрашуда катнашучылар шәһәр төзелеше законнарындагы үзгәрешләр һәм милли проектларны гамәлгә ашыру турында фикер алышачак. Шулай ук территорияләрне комплекслы үстерү механизмын куллану, проектлауда һәм төзелештә инновацион алымнар куллану, тармакны цифрлаштыру мәсьәләләре каралачак. Татарстан Республикасыннан утырышта ТР Төзелеш, архитектура һәм торак-коммуналь хуҗалык министры урынбасары Владимир Кудряшев һәм Әлмәт шәһәренең баш архитекторы Антон Севастьянов катнашачаклар. Рәссәй һәм БДБ илләре баш архитекторлары советы 1998 елда оешкан һәм үз эшчәнлеген Рәссәй архитектура һәм төзелеш фәннәре академиясе һәм Рәссәй Архитекторлар берлеге эгидасы астында алып бара. Советның төп максатларының берсе-архитектура һәм шәһәр төзелеше өлкәсендә тәҗрибә уртаклашу, профессиональ бергәлек һәм төрле дәрәҗәдәге хакимият органнары белән нәтиҗәле диалог булдыру.
Татарстанда финанслау лимиты 50 млн. сумга якын булган 2 программа тулысынча тормышка ашырылган. Бу – ветеринария идарәсе карамагындагы учреждениеләрне, авыл хуҗалыгы һәм азык-төлек идарәләре биналарын капиталь ремонтлау программалары. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Медицина хезмәткәрләре бүген Казанның Оренбург тракты урамындагы 198 фатирлы торак йортта яңа фатирлар ачкычларын алдылар.
Яңа йортка күчүчеләргә ачкычларны тапшыру тантанасына Татарстан Республикасы Президенты Рөстәм Миңнеханов, Россия Сәламәтлек саклау министры урынбасары Олег Гриднев, ТР сәламәтлек саклау министрлыгы җитәкчелеге килделәр.
Кичә Алабугада милли проектларны тормышка ашыруда ярдәм итү мәсьәләләре буенча республика һәм район комиссияләренең уртак күчмә утырышы булды. Район башлыгы Рөстәм Нуриев һәм ТР Дәүләт Советы Рәисе урынбасары Татьяна Ларионова кунаклар озатуында реконструкциянең II этабы тәмамланган район чистарту корылмаларында булдылар. Ул «Иделне савыктыру»федераль проекты кысаларында алып барыла. Проектны тормышка ашыру Алабуга шәһәре һәм МИЗ резидентлары агымнарын тиешле күрсәткечләргә китерергә һәм, нәтиҗә буларак, Кама һәм Идел елгаларында суның тискәре йогынтысын киметергә мөмкинлек бирәчәк. Чарада шулай ук Татарстан Республикасы төзелеш, архитектура һәм торак-коммуналь хуҗалык министры урынбасары Илдус Насыров катнашты. Визитның тагын бер ноктасы «Йорт янындагы бакча» скверы булды. Ул «Уңайлы шәһәр тирәлеген формалаштыру» Федераль проекты буенча төзелгән. Быел Алабугада Георгий паркын төзекләндерү эшләре бара. Бүген «Мәдәни үсеш үзәге» төзелеше бара. Ул күп санлы яшьләр һәм балалар булган яңа микрорайонда урнашкан һәм аларның музыкаль һәм сәнгать үсеше өчен шартлар тудырачак. «Цифрлы культура» федераль проекты кысаларында 300 мең сумлык виртуаль концерт залы җиһазландырылган, «Иллюзион» кинотеатрында 5 млн.сумга Цифрлы зал яңартылды.