ЯҢАЛЫКЛАР

Бу аның халкы өчен зур һәм шатлыклы вакыйга. Элек фельдшер-акушерлык пункты җайлаштырылган бинада иде бит, яшьтәше аның мөдире Марина Гришина дисәк тә була. Хәзер аның пациентлары яхшы заманча шартларда һәм яңа җиһазларда беренче медицина ярдәмен алачаклар. Ә алар аз түгел инде, мең ярымга якын авыл кешесе, шуларның 74е – 18 яшькә кадәрге балалар. Тиздән бу исәп артачак: бүгенге көндә Аксумлы бер хатын-кыз йөклелек буенча исәптә тора. Узган ел биредә 5 бала туган. Мондый демографик күрсәткечләр район башлыгы Алмаз Әхмәтшинны сөендерми кала алмады. Пунктны җиһазландыру белән танышканда, ул авыл кешеләренең игътибарын сабыйларны үлчәү өчен электрон үлчәүләргә юкка гына юнәлтмәде. «Алар эшсез тормасыннар, һәрвакыт эштә булсын»,- дип изге теләкләрен җиткерде ул. Алмаз Сәлим улы шулай ук биредә пациентлар булу һәм белгечләрнең эше өчен уңайлы шартлар тудырылуын билгеләп үтте. Барысы да вак-төяккә, кайнар су белән тәэмин итүдән, санитария бүлмәләреннән аз хәрәкәт итүче гражданнар өчен уңайлы мохит нормасына кадәр уйланылган һәм гамәлгә кертелгән.

Дәүләт төзелеш күзәтчелеге инспекциясе 2019 елның алты аенда 702 тикшерү үткәргән. Хокук һәм нормаларны бозу өчен 5 млн. 955 мең сумга 154 карар чыгарылган. Үзлегеннән җайга салынучы оешмалар тарафыннан 597 тикшерү үткәрелгән. 

Бүген бу хакта Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

Министр хәбәр иткәнчә, 28 июнь көненә республикада 1  млн. 408,4 мең квадрат метр торак сафка кертелгән, бу планның 58 % тәшкил итә.

ТР Дәүләт торак фондының инвестиция программасы буенча 2019 елда 7 мең 838 фатирлы 165 йорт сафка бастыру күздә тотыла, аларның гомуми мәйданы 438,3 мең квадрат метр тәшкил итә. 28 июньгә статистика органнарына 46 йорт (2 мең 494 фатир) буенча хисап тапшырганнар. Төзелә торган 119 йортның 59ы – югары, 23е – уртача, 37се түбән әзерлек дәрәҗәсендә.

Бүгенге көндә программада катнашкан 33 күпбалалы гаиләнең (алар биш һәм аннан да күбрәк бала тәрбияли) барысына да аерым категория гражданнарның торак шартларын яхшырту өчен сертификатлар рәсмиләштерелгән. Сертификат рәсмиләштерелгән гражданнар арасында шулай ук 21 чернобыльче, Ерак Төньяктан күчеп кайткан бер кеше һәм күченергә мәҗбүр булган 18 кеше бар.

Хәзерге вакытта төзелә торган 59 күпфатирлы инвестицион торак йортның 30ы – югары, 26сы – уртача, 3се түбән әзерлек дәрәҗәсендә.

Татарстанда шәхси торак төзелеше өлкәсендә 2019 елда планлаштырылган 7 мең 325 объектның 4 мең 723е файдалануга тапшырылган.

Авыл клубларын төзү программасы буенча эшләр 21 объектта алып барыла. Өчесендә нигез салына, бишесендә диварлары төзелә, җидесендә түбә корыла, алтысында эчке төзекләндерү эшләре алып барыла. 

Башкарма комитетлар (Советлар) биналарын төзү программасы буенча 10 объектта эшләр дәвам ителә. Бер объект сафка кертелгән. 

Фельдшер-акушерлык пунктларын төзү программасы буенча 45 объекттан берсе сафка кертелгән. 9 табиблар амбулаториясе төзелә. Казандагы Константиновка авылында гомуми практика табибы офисы төзелә. 31 универсаль спорт мәйданчыгы 20 муниципаль районда төзелгән. Алты объект блок-модуль чаңгы базаларын төзү программасы буенча алып барыла. 

Яслиле балалар бакчаларын төзү кысаларында 2 объектта эшләр тәмамланган - Арча һәм Тукай районнарында. 27 объектта эш дәвам итә. 

18 катлы яңа бинада социаль ипотека программасында катнашучылар һәм Татарстан Президенты грантын алган табиблар яшәячәк.

Иртән Казанның “Салават күпере” торак комплексында Әлфия Авзалова урамы, 15 йорт адресы буенча яңа йорт файдалануга тапшырылды. Социаль ипотека программасында катнашучылар, 500 мең сум күләмендә  махсус грант алган табиблар, шулай ук Бөек Ватан сугышы ветераннары үз фатирларыннан ачкычлар алды.

18 катлы яңа йорт 5 подъездлы, аларның һәркайсы пассажир һәм йөк лифты белән җиһазландырылган. Бу бик мөһим, чөнки йортта күпбалалы гаиләләр яшәячәк. Күп катлы йортларда барлыгы 425 фатир бар, шуларның йөздән артыгы — өч бүлмәле.

Йортта шулай ук кечерәк мәйданлы фатирлар бар. Аларның 150дән артыгы ике бүлмәле һәм 170 фатир - бер бүлмәле. Барлык фатирлар да яшәргә тулысынча әзер.

“Салават күпере” торак комплексында 32 йорт файдалануга тапшырылган, тагын 12 йорт төзелә. Аларның күп өлешен ел ахырына кадәр файдалануга тапшыру планлаштырыла.

Мәгълүмат-консультация төркеме Татарстан Республикасының Чистай муниципаль районына  түләүсез юридик ярдәм күрсәтте.Чарада ТР  Төзелеш,архитектура һәм торак-коммуналь хуҗалыгы министрлык юридик бүлеге белгече Л.А. Әхмәтҗанова катнашты.

2019 елда комплекслы ремонт 26 яшүсмерләр клубын колачлаячак. Төзүчеләр Әлмәт районының ике яшүсмерләр клубында эшләрне төгәлләделәр: Әлмәттә - «Импульс» һәм Түбән Мактама шәһәр тибындагы поселогында - «Аэронавт». Капиталь ремонт республика программасы кысаларында башкарылды. Ремонт барышында объектларда эчке бизәү эшләре башкарылган, фасад, керү төркемнәре, тәрәзәләр һәм эчке инженерлык челтәрләре ремонтланган. Төзелеш-монтаж эшләре шулай ук Түбән Кама яшүсмерләр клубларында тәмамланган. Татарстан Президенты Рөстәм Миңнеханов ассызыклавынча, республикада яшьләр белән эшләүгә зур игътибар бирелә. «Балалар һәм яшьләрнең интеллектуаль-иҗади потенциалын үстерү һәм гамәлгә ашыру турында кайгырту-бу безнең киләчәк көн турында кайгырту". Шулай итеп, 2015 елдан башлап Татарстанда яшүсмерләр клубларына капиталь ремонт ясау һәм матди базаны ныгыту программасы гамәлгә ашырыла. Дүрт ел эчендә 400 млн сумга 114 яшьләр үзәге ремонтланды. 2019 елда 26 объектны капиталь ремонтлау планлаштырылган, программаны гамәлгә ашыру өчен 100 млн.сум бүлеп бирелгән. Бүгенге көндә программа буенча гомуми эш күләменең 65% ы үтәлгән.

Казанда WorldSkills дөнья чемпионатында Россия җыелма командасының төп составына 14 татарстанлы керде. Ярышларда илне барлыгы 63 яшь белгеч тәкъдим итәчәк. 

Россия җыелма командасына 18 яшьтән 25 яшькә кадәрге 14 кыз һәм 49 егет кергән. Алар - Архангельск, Брянск, Волгоград, Воронеж, Кострома, Курган, Ленинград, Липецк, Новосибирск, Оренбург, Орлов, Рязань, Самара, Свердловск, Тула, Төмән, Ульяновск, Чиләбе һәм Ярославль өлкәләре, Краснодар һәм Красноярск крайлары, Башкортстан, Татарстан, Чувашия республикалары, шулай ук Мәскәү вәкилләре.

Яшь белгечләр хезмәт күрсәтү, транспорт һәм логистика, сәнәгать җитештерүе, мәгълүмати технологияләр, сәнгать һәм дизайн, төзелеш өлкәсендә WorldSkills International төп исемлегенең 56 компетенциясе буенча чыгыш ясаячак.

Россия катнашучыларын 56 халыкара эксперт озата барачак, алар дөньяның башка илләрендә катнашучыларны бәяләячәк. Дүрт ярыш көне дәвамында җыелма командага халыкара эксперт бергәлеге һәм индустриянең әйдәп баручы компанияләре тарафыннан һөнәри осталыкны бәяләү өчен эшләнгән биремнәрне үтәргә кирәк булачак.

WorldSkills Kazan 2019 дөнья чемпионаты финалистларын 27-нче августта «Казан Арена»да узачак ябылу тантанасында алтын, көмеш һәм бронза медальләр белән бүләкләячәкләр. 700 балл җыйган кешеләргә WorldSkills чемпионатларында катнашучыларның халыкара бергәлек тарафыннан һөнәри танылуын раслый торган медальон бүләк ителәчәк, дип хәбәр итә «Яшь профессионаллар (Ворлдскиллс Россия)» берлеге.

Югары нәтиҗәләргә ирешкән Россия катнашучылары, шулай ук аларның экспертларына 1 млн. сумга кадәр акчалата премияләр биреләчәк. «Профессионаизм өчен медальон» өчен катнашучыларга – 300 мең, бронза медаль өчен – 400 мең сум, көмеш медаль өчен – 500 мең сум, алтын медаль өчен 1 млн сум бүләк каралган.

Исегезгә төшерәбез, WorldSkills Kazan 2019 Татарстан башкаласында 22-27 августта узачак. Анда дөньяның 69 иленнән 1500-гә якын конкурсант катнаша, алар 56 компетенциядә ярышачак. Чемпионат 2019 елда Россиядәге иң масштаблы халыкара чара булачак.

Казанның архитекторы Анна Будникова Нью-Йоркта иң яхшы фәнни проект өчен Biodesign Challenge премиясен алды. Халыкара берләшмәгә үзенең тикшеренүләре турында белдерү өчен, архитектор 36 университеттан һәм дөньяның югары мәктәпләреннән 500 катнашучы арасыннан сайлап алынган. Бүләге белән бергә ул тикшеренүләрен халыкара фәнни журналларда чыгарырга хокукын алган. Biodesign Challenge программасы глобаль проблемаларны хәл итү өчен биотехнологияләр эзләүче студентларга ярдәм итүгә юнәлдерелгән. Студентлар проектлары фәнни берләшмәгә 21 июньдә тәкъдим ителде, ә моңа кадәр (сайлап алганнан соң) алар биологлар-супервайзерлар ярдәмендә ярты ел дәвамында үз проектлары өстендә эшләделәр.

Ирек Фәйзуллин, Казан ш., Бондаренко ур., 1224 укучыга исәпләнгән йокы комплексы белән җиһазланган мәктәбенең, фасад чишелешләрен карап тикшерү, Казан шәһәренең А. Бичурин ур., 165 нче номерлы урта гомуми белем бирү мәктәбенең, «Адымнар» проекты - полилингваль белем бирү комплекслары брендбук типологиясе нигезендә эшләнгән фасад чишелешләрен карап тикшерү буенча киңәшмә үткәрде.

Киңәшмәдә министр урынбасары Владимир Кудряшев, «ТР Баш инвестицион-төзелеш идарәсе» дәүләт казна учреждениесе башлыгы Марат Айзатуллин, «Татинвестгражданпроект» Дәүләт Унитар Предприятиесе генераль директоры вазифаларын башкаручы Хәйдәр Хасьянов, «Грань» ҖЧҖ генераль директоры Леонид Анисимов, архитекторлар Елена Аралова, Марианна Саркисян, Алена Нестерова, Анна Хәкимова, Казан шәһәре Совет районы башкарма комитеты башлыгы урынбасары Алсу Хәмзина катнаштылар. 2019-2022 елда Татарстан Республикасында 6 полилингваль белем бирү комплексы төзү планлаштырыла. Белем бирү киңлекләрен, рекреацион зоналар һәм укучыларны социальләштерү зоналары, архитектура чишелешләре, технологияләре, җиһазлары буенча иң яхшы чит ил һәм Рәссәй тәҗрибәләре өйрәнелде. 2019-2022 елларда 6 мәктәп, 3 мәктәп янкорма, 1 Йокы корпусы һәм 4 балалар бакчасы төзү, Казанның 165-нче номерлы мәктәбенең гамәлдәге бинасын, 2 өстәмә белем бирү үзәген (шәһәр читендәге) реконструкцияләү, 2 мәктәпне ремонтлау, 21 балалар бакчасын ремонтлау планлаштырыла.

КДАТУда «Тукай Юлы — Путь Тукая» мәдәни-хаҗилар маршруты эшләнде. Әлеге сәяхәтнең яңа юлы татар шагыйре Габдулла Тукай хөрмәтенә үз исемен алды һәм аның тормыш юлы һәм иҗаты белән бәйле төп урыннарны үз эченә алачак. Маршрут Татарстан Республикасының төньяк районнарын колачлый: Арча, Әтнә, Балтач, Биектау. Тест режимында аны 29 июньдә узачаклар. «100гә якын казанлы үзәк тимер юл вокзалыннан Арчага кадәр электричкаларда барачак, ә аннан җәяү яки велосипедта бөтен маршрутны үтә алачак», — диелә хәбәрдә.

Татарстан Республикасы Дәүләт төзелеш күзәтчелеге инспекциясе тарафыннан 2019 ел башыннан алып тикшерүләр нәтиҗәләре буенча шәһәр төзелеше законнарын бозган өчен административ хокук бозулар турында 643 карар чыгарылган. Аларның 39 ы – Дәүләт торак фонды, ә 283 карар - коммерция йортлары буенча.

Бүгенге көнгә гомуми суммасы 18,2 млн сумнан артык штраф салынган.