ЯҢАЛЫКЛАР

Татарстан Республикасында күп фатирлы йортларга капремонт программасын гамәлгә ашыру уртача республика күрсәткечләреннән түбән булган мунициципаль районнарда 18 августан алып күчмә киңәшмәләр уздырыла. Киңәшмәләрне Казан, Чаллы шәһәрләрендә, Арча, Биектау, Лаеш, Балык бистәсе, Питрәч, Зеленодольск, Алабуга, Тукай, Менделеевск районнарында Татарстан Республикасы Төзелеш, архитектура һәм ТКХ министрлыгы, Капремонт фонды һәм ТР ДТИ уздыра. 

Бүген Татарстан Республикасы Хөкүмәте Йортында узган республика киңәшмәсендә бу хакта Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Бүген Казанда В.И.Ленин ис. Мәдәният йортында Төзүче көненә багышланган бәйрәм концерты уза. Тантанада Татарстан Республикасы Президенты Рөстәм Миңнеханов һәм Татарстан Республикасы төзелеш, архитектура һәм ТКХ министрының беренче урынбасары Леонид Ставицкий катнашты. 

ТР башкаласында гына «Салават Күпере», «Светлая Долина» микрорайоннарында һәм Казанда Минск урамында гына өч мәктәп ачылачак. Гомуми белем бирү учреждениеләре, шулай ук, Яр Чаллыда, Түбән Камада, Буа һәм Әгерҗе районнарында барлыкка чыгачаклар. «ТР Баш инвестиция-төзелеш идарәсе» программаларын тормышка ашыру идарәсе башлыгы Илдар Рашитов РБК-Татарстанга хәбәр иткәнче, Татарстанда җиде яңа мәктәп5,4 мең урынга исәпләнгән, төзүгә федераль һәм республика бюджетларыннан 4,3 млрд. сумнан артык инвестицияләнгән. Республикада иң көтеп алынган булып торган «Салават Күпере» яңа торак микрорайонында мәктәп 1224 укучыга исәпләнгән булачак. «Өч катлы мәктәп бинасы 4 блокка бүленү белән төзелде: башлангыч сыйныф укучылары, спорт, иҗтимагый һәм административ блоклар», - диде Рашитов. Мәктәпнең 1 катында саклау өчен аерым бүлмә, вестибюль, гардероб, медицина блогы, хезмәт тәрбиясе кабинетлары, ашханә каралган. 2 катында – кабинет-сыйныфлар, актлар залы, директорлар һәм урынбасырлар кабинетлары, китапханә һәм хореография залы. «Моннан тыш, мәктәптә китапханә, ике бассейн, тамашачылар өчен трибуналар белән ике спорт заллары бар. Мәктәп уку-укыту процессы өчен кирәкле яңа заманча җиһаз һәм югары технологияле җиһазлар белән җиһазландырылган булачак », - диде РБК-Татарстан әңгәмәдәше.

Төзелешкә инновацияләрне кертү,  бердәм заказчы, хезмәтенең эш тәҗрибәсе, күп фатирлы йортларны һәм социаль-мәдәни өлкә объектларны капиталь ремонтлау,– бу һәм башка мөһим темалар турында бүген ТР төзелеш, архитектура һәм торак-коммуналь хуҗалык министры Ирек Фәйзуллин һәм Әстерхан өлкәсе Хөкүмәте рәисе – вице-губернатор Рәсүл Солтанов фикер алыштылар. Татарстан чит ил партнерлары белән төбәкара элемтәләрне җайга салу генә түгел, ә барлык Россия Федерациясе субъектлары белән дә хезмәттәшлекне үстерү юнәлешендә актив рәвештә эшли. Шулай итеп, тәҗрибә алышу максаты белән Татарстан республикасына Әстерхан өлкәсе Хөкүмәте рәисе – вице-губернатор Рәсүл Солтанов, Әстерхан өлкәсе Губернаторы администрациясе җитәкчесе Канат Шантимиров, Әстерхан өлкәсе халыкара һәм тышкы икътисадый элемтәләр буенча министры Денис Афанасьев йөзендә Әстерхан өлкәсе делегациясе килде. Визит программасы нигезендә делегация әгъзалары Татарстанның инвестицион үсеш Агентлыгында булдылар, анда кунакларга республикасының икътисади һәм инвестицион потенциалын тәкъдим иттеләр, шулай ук татар милли мәдәният үзенчәлекләре белән таныштырдылар, дәүләт сәламәтлек саклау автоном учреждениесе «2 нче Шәһәр сырхауханәсе » быел ремонтланган бинасын күрсәттеләр, шулай ук студентлар сырхауханәсенең эшен оештыру белән таныштырдылар.

Бүген Татарстан Республикасы Президенты Рөстәм Миңнеханов Казанда  экорайон концепциясен һәм мастер-планын эшләүгә Ачык халыкара конкурс жюрие утырышында катнашты.  Утырыш Казан дәүләт архитектура-төзелеш университетында – КДАТУда узды (Зеленая ур., 1).

Бүген Көньяк Осетия Республикасы экологик, технологик һәм төзелеш күзәтчелеге Комитеты Көньяк Осетия Республикасы төзелеш, архитектура һәм торак-коммуналь хуҗалыгы министрылыгына  «К. Л. Хетагуров исеменәге Дәүләт драма театры» объекты буенча техник регламентлар һәм проект документлар таләпләренә ярашу турында бәяләмә бирелде. Исегезгә төшерәбез, 2013 елның ноябрендә Татарстан республикасыннан белгечләр–төзүчеләр төрле чорларда башланган, ләкин төгәлләнмәгән 2014 елгы Көньяк Осетия Республикасының социаль-икътисадый үсешенә ярдәм итү Инвестицион программасының 16 объектларын төзелешен тәмамлау өчен Көньяк Осетия Республикасына чакырылган иде. Шулай ук бу объектлар буенча актуаль проект-смета документларын эшләргә, дәүләт экспертизасы бәяләмәсен алырга, башкару-техник документларын ясарга һәм барлык объектларны файдалануга тапшырырга кирәк иде. К. Л. Хетагуров исеменәге Дәүләт драма театрын, сугыш вакытында җимерелгән иске театрны сүтеп, яңадан төзергә кирәк иде. Дәүләт драма театрының дүрт катлы бинасы ике төп функциональ төркемнән тора - тамашачылар һәм сәхнә өлешләреннән. Тамашачылар залы сыйдырышлыгы - 500 урын.

Татарстанда 2018 ел башланганнан бирле Татарстан Республикасы Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе хезмәтне саклау өлкәсендә 836 тикшерү уздырган. Хезмәтне саклау кагыйдәләрен һәм нормаларын бозган өчен барлыгы 10 млн. 135 мең сумга 269 карар чыгарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Бүген Татарстан Республикасы Президенты Рөстәм Миңнеханов «Яшь профессионаллар» (WorldSkills Russia) VI илкүләм чемпионаты - 2018 финалында җиңүчеләр һәм призерлар белән очрашты. Чара Казан Кремлендә узды. 

Искәртәбез, Татарстан Республикасы командасы гомуми медаль зачётында  икенче урынга чыкты. 

Галактионов урамында үзәк район хастаханәсе поликлиникасындада бинаның капиталь ремонты бара. Яңартуны гамәлгә ашыру республика «Амбулатор-поликлиника учреждениеләре биналарын капиталь ремонтлау» программасы нәтиҗәсендә мөмкин булды. Барысы да яңартылачак диярлек: түбәдән башлап, керү төркемнәренә кадәр. Барлыкка киләчәк: лифт, иркен якты холлар, уңайлы кабинетлар, заманча җиһазлар, пандуслар, логистика үзгәрәчәк, пациентларга кабинетлар арасында җиңелрәк йөрергә булачак. Моның өчен төзүчеләр бинада перепланировка ясадылар. Бүгенге көндә түбә, тәрәзәләр, барлык инженерлык коммуникацияләре алмаштырылган.

«Регионнар - тотрыклы үсеш» конкурсы РФ төбәкләре инвестицион җәлеп итүчәнлеген күтәрү өчен һәм инвестицион проектларны финанслау буенча яңа механизмнарын булдыру сәбәбендә РФ Хөкүмәте йөкләмәсен үтәү тәртибендә 2011 елдан башлап ел саен үткәрелә. 2018 елның 1 сентябреннән 30 октябрь көненә кадәр ташламалы кредит алырга хокукына ия инвестпроектлар гаризаларын сайлап алу көзге этабы үткәрелә. Конкурсны оештыручылар – «Рәсәй Саклык банкы» ҖАҖ , «ВТБ Банкы» ҖАҖ һәм «Россельхозбанк» АҖ.Конкурс, документлар кабул итү, катнашучыларга методик тәкъдимнәр турында мәгълүматны www.infra-konkurs.ru рәсми сайтында,  8-800-775-10-73 телефоны буенча,  infro@infra-konkurs.ru электрон почта аша белергә мөмкин.