ЯҢАЛЫКЛАР
2017 елның 12 апрелендә « Уңайлы йорт ИК » идарәсе астындагы Ямашев урамы, 74 өй адресы буенча йортына тантаналы рәвештә үрнәкле тоту йорты исеме бирелде, анда «Казан шәһәре муниципаль берәмлеге Башкарма комитетының торак-коммуналь хуҗалыгы Комитеты» Муниципаль казна учреждениесе рәисе урынбасары Корбанов Альмир Әхәт улы, ТР төзелеш, архитектура һәм торак-коммуналь хуҗалык министрлыгы идарәсе башлыгы Насыйров Илдус Наил улы, РФ Торак-коммуналь хуҗалыгы Министрлыгы департаменты директоры Солнцева Елена Павел кызы, «ТКХ Контроле» ФП башкарма директоры Разворотнева Светлана Павел кызы, « Татарстан Республикасы ТКХ өлкәсендәге иҗтимагый контроль Төбәк Үзәге» ФП башкарма директоры Романов Дмитрий Сергеевич һәм « Уңайлы йорт ИК » директоры Нуриев Марат Габделхәй улы катнаштылар.
Татарстан Республикасы Премьер-министры Алексей Песошин һәм Татарстан Республикасы төзелеш, архитектура һәм ТКХ министры Ирек Фәйзуллин бүген “Татарстан Республикасы төзүчеләре берләшмәсе” әгъзаларының IX еллык гомуми җыелышында катнашты.
Бу чара “Корстон” мәйданчыгында (Казан) узды.
“Татарстан Республикасы төзүчеләре берләшмәсе”нең эше турында төп докладны оешманың президенты Рим Халитов ясады.
Ревизия комиссиясе хисабын бу комиссиянең рәисе Илдар Галиев тәкъдим итте - 2017 елда эш нәтиҗәләре канәгатьләнерлек дип табылды.
2017 ел өчен еллык бухгалтерлык хисабын оешманың баш бухгалтер урынбасары Резедә Гайфетдинова тәкъдим итте. Ул, аерым алганда, 2017 елда оешманың табышы 95,298 млн сум тәшкил итте, дип хәбәр итте.
Үз чиратында, Алексей Песошин ассызыклаганча, “Татарстан Республикасы төзүчеләре берләшмәсе” Россия Федерациясендәге зур төбәк үзеннән-үзе көйләнә торган оешмалар исәбенә керә.
“Төзелеш комплексы Татарстан Республикасы икътисадының иң мөһим секторларының берсе булып тора, - дип белдерде Алексей Песошин. -Төзелеш индустриясенә бюджет акчасын кертү аркасында, дәүләт республика халкының торак проблемасын киметүгә ярдәм итте, өстәмә эш урыннары булдырылды, Татарстанның төзелеш берлеге икътисадтагы тискәре нәтиҗәләрне азайта алды”.
Татарстан Республикасының төзүчеләре берләшмәсе 1000нән артык төзелеш оешмасын берләштерә ( 2018 елның 1 апреленә 1025 оешма).
2017 елда Татарстан Республикасында 37 дәүләт программасы гамәлгә ашырылды, аларның финанслау күләме 44 млрд сумнан артык тәшкил итте, дип искә алды Алексей Песошин. Ул шулай ук 2018 елда шундый ук финанслау күләме белән 38 программаны гамәлгә ашыру планлаштырыла, дип искә төшерде.
Алексей Песошин барысына да эшләре өчен рәхмәт әйтте һәм төзүчеләр алга таба да республиканың киләчәктәге үсеше өчен төрле проектларны актив башкарырлар дигән ышаныч белдерде.
Аннары ТР Премьер-министры Татарстан Республикасы дәүләт бүләкләрен тапшырды (“Фидакарь хезмәт өчен” медале, “ТРның атказанган төзүчесе”, ТРның атказанган ТКХ хезмәткәре” дигән мактаулы исемнәр).
2018 ел 24-27 апрель көннәрендә «Казан ярминкәсе» күргәзмә үзәгендә ВолгаСтройЭкспо 23-нче халыкара махсуслаштырылган күргәзмәсе һәм 22-нче Куркынычсызлык һәм элемтә Форумы үтәчәкләр.
2018 елның 3 апрельдән 6 апреленә кадәр, Мәскәүнең иң зур «КРОКУС-ЭКСПО» күргәзмә үзәгендә үткәрелгән, «BATIMAT RUSSIA» Халыкара төзелеш-интерьер күргәзмәсе кысаларында Worldskills Russia оештырган сантехника һәм җылыту өлкәсендә монтажчылар арасында Plumbing Star 2018 1-нче халыкара конкурс узды. Бәйгедә 16 кеше катнашкан: илнең иң яхшы монтажчылары, көллият һәм югары уку йортлары укучылары, «Сантехника һәм җылылык» компетенциясе буенча "Worldskills Russia" җыелма командасы әгъзалары. Конкурста катнашу өчен сайлап алу ярышы - тестлар үткәрү этабы иде, аның нәтиҗәләре буенча сайланды КДАТУ студенты, төркем 6ТВ03, Малинов Дмитрий Олег улы (тренерлары - Җиһаншин А. М., Кареева Р. Ю.). Катнашучыларга 4 сәгать эчендә сантехник җайланмаларын куерга, аларны су белән тәэмин итү һәм канализация системалары белән тоташтырырга, һәм шулай ук заказчыга эшне күрсәтергә кирәк иде. Чемпионат нәтиҗәләре буенча Малинов Дмитрий Олег улына«Сантехника һәм җылылык» компетенциясе буенча "Worldskills Russia" җыелма командасының киңәйтелгән составында урын тәкъдим ителде. КДАТУ студентын Дмитрий Малиновны уңышлы чыгышы белән котлыйбыз һәм алга таба да уңышлар телибез!
Татарстан Республикасы Төзелештә квалификация бәяләү үзәге "Татарстан Республикасының архитектура һәм төзелеш буенча дәүләт экспертизасы һәм бәя хасил итү идарәсе" дәүләт автоном учреждениесе, дәүләт автономияле һөнәри белем бирү учреждениесе «Казан төзелеш көллияте» имтиханнар үзәге белән берлектә, законга бәйсез квалификация бәясен түбәндәге һөнәрләр буенча үткәрә: ташчы квалификациясе (3,4 дәрәҗәдә) буенча 350 номерлы һөнәр «Ташчы»; биналар һәм корылмалар эчке һәм тышкы якларын бизәкләү буенча штукатур (3,4 дәрәҗәдә), агызган идән оештыру буенча штукатур (3,4 дәрәҗәдә), җылы тоту композицион фасад системаларын оештыру буенча штукатур (3,4 дәрәҗәдә) квалификацияләре буенча 418 номерлы һөнәр «Штукатур». Законга бәйсез квалификация бәясен хезмәткәрнең мөстәкыйль рәвешендә (хезмәткәр хисабына), яки эш бирүче юнәлеше буенча(эш бирүче хисабына) узарга була. Законга бәйсез квалификация бәясен ничек узарга һәм квалификациясе турында таныклык алу. Квалификацияне бәйсез бәяләү турында мәгълүмат алу өчен, "Татарстан Республикасының архитектура һәм төзелеш буенча дәүләт экспертизасы һәм бәя хасил итү идарәсе" дәүләт автоном учреждениесенә түбәндәге адрес буенча шәхсән мөрәҗәгать итү: Татарстан Республикасы, Казан шәһәре, Габдулла Тукай ур., 125 йорт, 309 нче каб., телефон аша: + 7 (843) 520-70-50 (өстәмә 481) яки электрон почта аша: expertiza-rt@tatar.ru. Тулырак мәгълүмат gosekspertiza-rt.ru сайтында.
ТР төзелеш, архитектура һәм торак-коммуналь хуҗалык министрлыгы мәйданчыгында калдыкларны аерым-аерым җыю өчен уңайлы инфраструктураны җайга салу һәм халык арасында табигатьне саклау идеяләрен тарату мәсьәләсе буенча дискуссия җәелде. Чарада каты көнкүреш калдыкларын аерым-аерым җыю, утильләштерү һәм эшкәртү проблемасы белән кызыксынучы төрле яклар катнашты. Очрашуны ачканда, министрның беренче урынбасары Алексей Фролов фикер алышына торган теманың актуальлеген һәм аеруча әһәмиятен, шулай ук бу мәсьәләгә мөнәсәбәтләр философиясен үзгәртергә кирәклеген турында билгеләп үтте: «Башларга кирәк үзеңнән, үз гаиләңнән, моңа мәктәпләрдә өйрәтергә, студентларны җәлеп итәргә, эш урыннарында аерым җыю оештырырга. Моның өчен, әлбәттә, заманча инфраструктура кирәк: калдыкларны кабул итү нокталарыннан эшкәртүгә кадәр, - дип ассызыклады Алексей Фролов. Без калдыклар белән эш итү территориаль схемасын расладык, аның кысаларында Татарстан ике зонага бүленгән – көнбатыш һәм көнчыгыш. Күздә тотыла ике төбәк операторы, аларга, яңа законнар нигезендә, зоналарга хезмәт күрсәтү багышлана. Аларның компетенцияләре өлкәсе бик киң: калдыкларын җыю һәм эшкәртүдән алып, чүплекләрне бетерүгә кадәр. Законнар һәм әзерләнгән калдыклар белән эш итү территориаль схемасы нигезендә, киләсе төбәк операторы муниципаль түгел, ә межмуниципаль дәрәҗәдә эшли башлаячак».
Бөгелмә зонасы торак инспекциясенә беркетелгән Азнакай, Бөгелмә, Баулы, Лениногорск, Ютазы районнарында 2018 елның 1 кварталында инспекция инспекторлары тарафыннан торак фонды буенча уздырылган планнан тыш тикшерүләр барышында 552,09 мең кв. м. мәйданлы 110 торак йорт каралды. Тикшерүләр барышында торак фондын техник эксплуатацияләү һәм ремонтлау кагыйдәләре, халыкны коммуналь хезмәтләр белән тәэмин итү дәрәҗәсе һәм режимы бозылуның 156 очрагы ачыкланды. Үткәрелгән тикшерүләр нәтиҗәсендә идарәче компанияләргә һәм физик затлар адресына 101 күрсәтмә бирелде, административ хокук бозулар турында 14 беркетмә төзелде, шул исәптән: вазыйфаи затларга – 3, физик затларга – 11. Гомуми 32 000 сумлык штраф санкцияләре белдерелде. Фактта штрафларның 24 000 сумы түләнде.
2018 елның 18 май көнендә "Татарстан Республикасының архитектура һәм төзелеш буенча дәүләт экспертизасы һәм бәя хасил итү идарәсе" дәүләт автоном учреждениесе, ФАУ «РосКапСтрой» белән берлектә, «Төзүдә экспертиза реформасын гамәлгә ашыру: яңа кагыйдәләр» семинарын оештыралар. Чара проект документларына һәм инженерлык эзләнүләре нәтиҗәләренә экспертиза ясау базарында катнашучыларның законнарда яңалыклар белән бәйле яңа шартларга адаптация максатыннан үткәрелә. Семинарда спикерлар булып ФАУ «РосКапСтрой», Езләүчеләр һәм проектчылар Милли берләшмәсе, төзүдә эксперт оешмалары Ассоциациясенең, Рәсәй төзүчеләр Союзы, "Татарстан Республикасының архитектура һәм төзелеш буенча дәүләт экспертизасы һәм бәя хасил итү идарәсе" дәүләт автоном учреждениесе, СРО «ВОЛГА-КАМА» Берлеге белгечләре чыгыш ясый. Семинарны үткәрү урыны: ТР төзелеш, архитектура һәм торак-коммуналь хуҗалыгы министрлыгы, Казан шәһәре, Дзержинский ур., 10, ауд. 312. Тулырак proff-standart.ru сайтында.
Күп фатирлы йортларга капиталь ремонт программасы буенча электрон аукционнар нәтиҗәләре буенча подряд оешмалары билгеләнгән. Быел барлыгы 995 объектка ремонт ясау планлаштырыла, анда 224 мең граждан яши. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.
2018 елның мартында Чистай ЗТИ тарафыннан юридик затларга карата урынга чыгып 36 планнан тыш тикшерү үткәрелде, аларның 20се – элек бирелгән күрсәтмәләрнең үтәлешен тикшерү буенча; 14 тикшерү гражданнардан ЧЗТИ кергән мөрәҗәгатьләргә бәйле, 2 тикшерү – прокуратура таләбе буенча. Шулай ук 2018 елның мартында Чистай ЗТИ тарафыннан, юридик затлар белән бәйләнешкә кермичә контрольлек чараларын уздыру кысаларында, идарәче оешмаларның түбәләрне нормадан артык тупланган кардан вакытында чистартуы буенча таләпләрне, шулай ук су басуга каршы чаралар уздыру, йорт яны территорияләрен һәм күпфатирлы йорт нигезләрен кардан үз вакытында чистарту буенча таләпләрне үтәве предметына торак йортларга карата тикшерүләр уздырылды.