ЯҢАЛЫКЛАР
Бүген Татарстан Республикасы Төзелеш, архитектура һәм ТКХ министрлыгында ТБИ һәм товар бетоны заводлары җитәкчеләре белән киңәшмә узды. Ел саен үткәрелә торган традицион очрашуны министр урынбасары Илшат Гыймаев уздырды.
ТР Төзелеш, архитектура һәм ТКХ министрлыгында төзүчеләр һәм дәүләт заказчылары катнашында Татарстанның төзелеш тармагының актуаль мәсьәләләре буенча киңәшмә узды.
Киңәшмәне үткәргән ТР Төзелеш, архитектура һәм ТКХ министры урынбасары Илшат Гыймаев җыелучыларга 2025 елның 1 мартыннан «Эскроу счетларын кулланып төзелеш подряды шартнамәләре буенча торак йортлар төзү турында»гы 186-ФЗ номерлы Федераль законның үз көченә керүен искәртте. Ул хосусый торак төзелешендә эскроу счетларын куллану турындагы федераль законның төп нигезләмәләренә һәм өстенлекләренә игътибар итте.
Бүген Татарстан Республикасы Төзелеш, архитектура һәм ТКХ министрлыгында видеоконференцэлемтә режимында Татарстан төзелеш мәйданчыкларында хезмәт иминлеге кагыйдәләрен һәм нормаларын үтәү мәсьәләсе буенча киңәшмә узды.
Киңәшмәдә төзелеш тармагында хезмәт иминлеге буенча ведомствоара эш төркеме әгъзалары, төзүчеләр һәм дәүләт заказчылары, профильле уку оешмалары җитәкчеләре, республиканың 45 муниципаль берәмлеге вәкилләре катнашты.
Татарстанда мәгариф өлкәсендә капиталь ремонт программасы буенча 213 объект ремонтланачак. 33 мәктәп, интернат-мәктәп, балалар йортлары һәм мәктәптән тыш эшләр үзәгеннән – 8шәр дәүләт контракты төзелгән, 11шәр аукцион уздырылган, дәүләт контрактлары 11 мартка кадәр төзеләчәк, калган 14 объект буенча аукцион һәм дәүләт контрактлары бәяләмәсе март аена планлаштырылган.
Бу хакта ТР Хөкүмәте Йортында узган традицион киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте. Барлык муниципаль районнарны тоташтырып киңәшмәне Татарстан Рәисе Рөстәм Миңнеханов үткәрде.
Капиталь ремонт программасы буенча, өстәмә лимитны исәпкә алып, 42 муниципалитетта 911 күпфатирлы йорт исемлеге төзелде. Шул исәптән 222 йортта лифтларны алыштыру, 677 йортта гомуми төзелеш эшләре һәм 11 йортта бу эшләрнең ике төре дә башкарылачак.
Алабуга үзәк район хастаханәсендә стационарны капиталь ремонтлауның беренче этабы төгәлләнде. Хәзер биналарда мебель урнаштыралар.
Капиталь ремонт барышында стационарның дүрт катлы бинасында эчке бизәү эшләре башкарылган, тәрәзәләр һәм ишекләр алыштырылган, аз агымлы челтәрләр ремонтланган һәм яңа медицина җиһазлары урнаштырылган. Шулай ук эчке инженерлык челтәрләре – җылылык, җилләтү, су, электр белән тәэмин итү, канализация тулысынча модернизацияләнгән.
Бүген Татарстан Республикасы Төзелеш, архитектура һәм ТКХ министрлыгында республиканың кирпеч заводлары җитәкчеләре катнашында киңәшмә узды. Очрашуны министр урынбасары Илшат Гыймаев үткәрде.
Киңәшмә барышында оешмаларның 2024 елда кирпеч җитештерү буенча эшчәнлегенә йомгаклар ясалды, әлеге тармактагы агымдагы вәзгыять анализланды. Катнашучылар шулай ук 2025-2026 елларга төп бурычларны билгеләделәр.
Татарстанның Алексеевск районында Биләр дәүләт тарих-археология һәм табигать музей-тыюлыгы бинасына капиталь ремонт ясау төгәлләнеп килә.
Хәзерге вакытта объектның оператив әзерлеге 87% тәшкил итә.
Төзүчеләр Чишмә павильонын һәм тау башына баскыч салуны, брусчатка җәюне төгәллиләр. Фонтанны ремонтлау һәм түбәнге чишмәне төзекләндерү эшләре дә төгәлләнә.
2025 елда Татарстанда халыкны эш белән тәэмин итүнең 49 үзәгенә капиталь ремонт ясалачак.
Капремонт исемлегенә республиканың 44 муниципаль берәмлегендәге мәшгульлек үзәкләре керә. Мәсәлән, Казан, Әлмәт, Бөгелмә, Яшел Үзән, Яр Чаллы, Түбән Кама, Алабуга, Баулы, Буа, Зәй, Лениногорск, Чистай, Мамадыш һәм башка шәһәрләрдә.
Татарстанның Яшел Үзән муниципаль районында өлкәннәр һәм инвалидлар өчен интернат-йорт төзелеше дәвам итә. Бу подваллы ике катлы бина булачак, гомуми мәйданы 8 620 квадрат метр. Ул 120 урынга исәпләнгән.
Хәзерге вакытта объектның оператив әзерлеге 40% тәшкил итә. Белгечләр фасад һәм түбә ябу эшләренә керештеләр. Шулай ук барлык инженерлык челтәрләре – су белән тәэмин итү, канализация, аз агымлы челтәрләр һәм җылылык монтажлана.