ЯҢАЛЫКЛАР

Казанда рус, татар һәм инглиз телләрен тирәнтен өйрәнүле «Адымнар — белемгә һәм татулыкка юл» беренче полилингваль белем бирү комплексы ачылды. Татарстан Президенты Рөстәм Миңнеханов яңа уку үзәге ачылу уңаеннан үзенең сәламләү хатын юллады. Полилингваль белем бирү комплексын ачу тантанасында Татарстан Дәүләт Киңәшчесе Минтимер Шәймиев, ТР Премьер-министры Алексей Песошин, РФ төзелеш һәм ТКХ министрының беренче урынбасары Ирек Фәйзуллин, ТР Төзелеш, архитектура һәм ТКХ министры Фәрит Хәнифов, Казан мэры Илсур Метшин һ.б. катнашты. Рөстәм Миңнеханов билгеләп үткәнчә, Яңа мәгариф оешмасы бинасында күп функцияле спорт заллары, бассейннар, иҗади остаханәләр, фәнни лабораторияләр, видео - һәм тавыш яздыру студиясе, Заманча китапханә бар. «Болар барысы да сезгә, кадерле балалар, фән, сәнгать, мәдәният һәм спорт дөньясына кагылырга мөмкинлек бирәчәк, анда сезне сезнең укытучыларыгыз озатып йөриячәк»,-дип ассызыклады ул. Яңа белем бирү оешмасы Казанның 165-нче номерлы мәктәбе базасында оештырылган. Комплекс өч мәктәпне үз эченә ала: 480 урынга төзекләндерелгән башлангыч мәктәп, Бичурин урамындагы 800 урынга исәпләнгән билингваль һәм Бондаренко урамындагы 1224 урынга исәпләнгән яңа полилингваль мәктәп. Соңгысы составында чит шәһәрләрдән килгән балалар өчен 240 урынга исәпләнгән интернат эшләячәк. Моннан тыш, комплекс составына балалар бакчалары һәм 270 урынга исәпләнгән өстәмә белем бирү үзәге керәчәк, ул «Пламя» балалар лагере базасында оештырылачак. Татарстанда 2024 елга алты полилингваль белем бирү комплексы ачылачак. Аларның икесе — Казанда, берәмләп-Алабугада, Яр Чаллыда, Әлмәттә һәм Түбән Камада эшләячәк. Комплекслар составына мәктәпләр белән беррәттән балалар бакчалары һәм өстәмә белем бирү үзәкләре дә керәчәк. Киләчәктә полилингваль мәктәпләрне ЮНЕСКО ассоциацияләнгән мәктәпләренең халыкара системасына интеграцияләү планлаштырыла.

Бүген Татарстан Республикасы Президенты Рөстәм Миңнеханов Казанның Идел буе районындагы яңа «Авангард» скверында булды. Аны Татарстан Республикасы Президенты Аппараты җитәкчесе Әсгат Сәфәров һәм Казан мэры Илсур Метшин озата йөрде. 

Рөстәм Миңнеханов билгеләп үткәнчә, республикада ишегалларын төзекләндерү һәм уңайлы шәһәр тирәлеге булдыру буенча масштаблы программалар гамәлгә ашырыла. «Сезнең хәзер бик җайлы җәмәгать киңлегегез бар. Сезне шул шатлыклы вакыйга белән котлыйм», - диде Рөстәм Миңнеханов.

Ул балаларны Белем көне белән тәбрикләде һәм укуларында уңышлар теләде. Шулай ук Рөстәм Миңнеханов кешеләрне коронавирусны профилактикалау чараларын үтәргә өндәде. 

Сквер проектын эшләгәндә төп принцип җәяүлеләр сукмакларын үзара тоташтыру булган. Ике төп маршрут билгеләнгән: беренчесе – мәгариф һәм  социаль объектларга юл, икенчесе – җәмәгать транспорты тукталышларын тоташтыручы сукмак.   

Татарстан Республикасы Президенты яңа скверны карап чыкты, универсаль  спорт мәйданчыгында булды һәм кешеләр белән сөйләшеп торды. Шулай ук Рөстәм Миңнехановка капиталь ремонттан соң «Олимп» балалар иҗаты үзәген күрсәттеләр.

Бүген Татарстан Республикасы Президенты Рөстәм Миңнеханов Казанда Халыкара мәктәптә (Федосеевская ур., 52) булды, анда ул уку йортының яңа корпусын карады. Чарада шулай ук РФ Төзелеш һәм ТКХ министрының беренче урынбасары Ирек Фәйзуллин катнашты.

Яңа корпус төзелеше 2018 елда башланды. Универсаль уку аудиторияләреннән тыш, мәктәптә иҗади остаханәләр, фәнни лабораторияләр, видео - һәм тавыш яздыру студиясе, заманча китапханә, бассейн, тренажер залы бар.

Рөстәм Миңнеханов уку корпусын төзүдә катнашучыларга рәхмәт белдерде. "Бик катлаулы проект - тарихи үзәктә мондый объектны урнаштыра алу. Бик матур заманча корпус барлыкка килде", - дип билгеләп үтте ул.

Татарстан Президенты ассызыклаганча, мәгариф системасын үстерү өстенлекле юнәлешләрнең берсе. «Без яшь татарстанлыларның иң яхшы белем алуын телибез. Республика көндәшлеккә сәләтле булырга тиеш. Заманча халыкара мәктәп булу моңа ярдәм итә. Барлык балаларны да уку елы башлану белән котлыйм», - дип өстәде ул.

Аннары Рөстәм Миңнеханов һәм Ирек Фәйзуллин яңа корпусның уку бүлмәләрен карадылар, спорт залын һәм лабораторияләрне карадылар.

Бу хакта Рәссәй Федерациясендә региональ үсеш буенча Хөкүмәт комиссиясе Президиумы (штаб) рәисе урынбасары - Рәссәй Федерациясе Төзелеш һәм ТКХ министрының беренче урынбасары Ирек Фәйзуллин 28 августында «Киләчәк экспертизасы – 3.0» ачылышында белдерде. Рәссәй Төзелеш министры урынбасары ассызыклаганча, белем бирү курсы стратегик максатларга ирешергә һәм бөтен төзелеш комплексы бурычларын хәл итәргә ярдәм итәргә тиеш. Проектның өченче агымында беренче тапкыр региональ дәүләт эксперт оешмалары вәкилләре катнашты. Сайлап алу туры нәтиҗәләре буенча «Киләчәк экспертизасы 3.0»нда 10 дәүләт экспертизасы командасы - Красноярск, Приморье крае, Чуваш Республикасы һәм Карелия Республикасы, Новгород, Чиләбе, Новосибирск, Самара һәм Калининград өлкәләре, Рәссәйнең баш дәүләт экспертизасы командалары укыячак. Илнең бөтен төзелеш тармагына экспертиза институтын үстерүгә юнәлдерелгән уртак проектлар өстендә якындагы өч айда йөздән артык кеше эшләячәк. Проектларның кураторлары булып дәүләт экспертизалары җитәкчеләре дә, «Киләчәк экспертизасы»ның алдагы этапларын тәмамлаучылар да торачак.

Бүген Татарстан Республикасы Президенты Рөстәм Миңнеханов Советлар Союзы Герое Галимҗан Камалиев исемендәге күп юнәлешле яңа мәктәп ачты. Мәктәп Питрәч муниципаль районының «Царево Village» торак комплексында төзелгән һәм 1224 укучыга исәпләнә.

Мәгариф оешмасы «Мәгариф» илкүләм проекты кысаларында корылган.

«Әлегә кадәр авыл районнарында мондый дәрәҗәдәге мәктәпләр төзелмәде, - диде Рөстәм Миңнеханов. – Бу – үрнәк проект. Янәшәдә балалар бакчасы булу, торак комплексы төзелү икеләтә күркәм. Балалар өчен бөтен шартлар да тудырыла. Мәктәпнең Советлар Союзы Герое Галимҗан Камалиев исемен йөртүе дә сөенечле. Ата-бабаларыбыз салган традицияләр, аларның Бөек Ватан сугышы чорындагы каһарманлыкларын без һәрвакыт истә тотарга тиеш. Яңа буынны безнең геройлар мисалында тәрбияләргә кирәк».

Рөстәм Миңнеханов ассызыклаганча, яңа микрорайоннарда торак төзүне тиешле социаль инфраструктураны үстерү һәм бу территорияләрдә бизнес булдыру программалары белән ныгытырга кирәк.

Питрәч районы башлыгы Илһам Кашапов яңа мәктәп ачуны муниципалитет өчен мөһим вакыйга дип атады.  

Мәктәп бинасы дүрт блокка бүленгән. Башлангыч сыйныфлар блогында озайтылган көн төркемнәре өчен уен бүлмәләре дә бар.  

Лицей территориясендә баскетбол, волейбол, хоккей һәм футбол спорт мәйданчыклары урнашкан.

Бүген тагын Рөстәм Миңнеханов Питрәч районында «Росток» балалар бакчасында булды. Бүгенгә бинаның эчке эшләре бара. Бу балалар бакчасы 220 урынга исәпләнгән. Монда мәктәпкәчә балаларның танып-белү активлыгын арттыру өчен экологик тәрбия юнәлешендәге төп мәгариф программасын гамәлгә ашырырга җыеналар.    

Бүген безнең бурыч –хәзерге шартларда балаларга конкуренциягә сәләтле булырлык яхшы белем бирү. Бүген бу хакта Татарстан Республикасы Президенты Рөстәм Миңнеханов Чистайда 2 нче лицей ачылышында хәбәр итте.

Яңа лицей 800 урынга исәпләнгән. Мәктәп берничә функциональ зонага бүленгән. Башлалангыч сыйныфлар 1 нче һәм 2 нче катта урнашкан. Спорт зонасы мәктәп яны территориясенә чыгарлык итеп оештырылган. Киенү бүлмәләре, душлар, санузеллар тиешенчә корылган. Актлар залы 2 нче катта, 266 урынга исәпләнгән. Китапханә 3 нче катта.

Лицейның үзенчәлеге «мәктәп – югары уку йорты – шәһәр барлыкка китерүче предприятиеләр», коллаборациясендә, төп максаты – район икътисадының конкуренциягә сәләтен арттыру өчен киләчәк буынны укыту һәм тәрбияләү.  

Бүген Татарстан Республикасы Президенты Рөстәм Миңнеханов Казанның күп фатирлы торак йорты ишегалдында (Ямашев проспекты, 82) булды.

«Безнең ишегалды» республика программасы кысаларында төзекләндерелгән ишегалды бәйрәмендә Россия Хөкүмәте Рәисе урынбасары Марат Хөснуллин, Татарстан Республикасы Президенты Аппараты Җитәкчесе Әсгать Сәфәров, Казан мэры Илсур Метшин һәм башкалар катнашты.

Монда скейт-мәйданчык барлыкка килде, ул шунда ук самокат һәм скейтбордлардагы балаларның яраткан урынына әйләнде, эскәмияләр урнаштырылды, сабыйлар өчен уен зонасы төзекләндерелде. Биредә шулай ук төзекләндерү кысаларында оештырылган яңа сәхнәдә әдәби-музыкаль программа оештырдылар, шулай ук Татарстан артистлары да чыгыш ясады. Балалар һәм бәйрәм кунаклары өчен мастер-класслар һәм күңел ачу программасы әзерләде. Спорт мәйданчыгында яшүсмерләр волейбол һәм баскетбол уйный ала.

Рөстәм Миңнехановка ишегалдында нинди эшләр башкарылуы турында Татарстан Республикасы Президенты ярдәмчесе Наталия Фишман-Бекмамбетова хәбәр итте.

«Бу искиткеч ишегалды, - диде Рөстәм Миңнеханов, җыелган халыкка мөрәҗәгать итеп. - Безнең башкалада күп нәрсә эшләнә, һәм монда, бу ишегалдында, тормыш кайнавы һәм тәртип булуы мөһим. Без сезне Шәһәр көне һәм Республика көне, ТАССР 100 еллыгы белән котлыйбыз. Һәм бу искиткеч объектта сез уйный да, аралаша да аласыз».

Казан мэры Илсур Метшин шулай ук барысын да Республика көне һәм шәһәр көне белән котлады. 

Бәйрәм кунаклары өчен Татарстан халык артисты, Россия атказанган артисты Салават Фәтхетдинов чыгыш ясады.

Бүген Татарстан Республикасы Президенты Рөстәм Миңнеханов һәм Россия Федерациясе Хөкүмәте Рәисе урынбасары Марат Хөснуллин Казанның Юдино бисәсендә ремонтланган «Юлдаш» яшьләр үзәгендә булдылар. 

Бинаны карауда шулай ук Татарстан Республикасы Президенты Аппараты Җитәкчсе Әсгат Сәфәров, Горький тимер юлы - «РЖД» ААҖ филиалы башлыгы Анатолий Лесун, Татарстан Республикасы яшьләр эшләре министры Дамир Фәттахов һәм Казан мэры Илсур Метшин катнашты.

Кунаклар өчен яңартылган үзәк буйлап экскурсия оештырылды. Капремонтка кадәр бина берничә ел бөтенләй файдаланылмаган. Бүген монда эшчәнлекнең бик күп юнәлешләре буенча барлык шартлар да тудырылган.   

Үзәктә тау туризмы, скалодром зоналары, тир, универсаль зал һәм коворкинг бар. Һәркем җаны теләгән эш белән шөгыльләнә ала: альпинизм, велотриал, воркаут, кроссфит, бокс, дзюдо, хореография яисә брейк данс. Аена барлыгы 350 кеше үзенә шөгыль таба ала бу үзәктә. 

Бүген Казанда Татарстан Республикасы Президенты Рөстәм Миңнеханов капиталь ремонт ясалган ММҮ бинасына күчкән Татарстан Республикасы Милли китапханәсендә булды. 

Аның белән бергә бинаны Россия Федерациясе Хөкүмәте Рәисе урынбасары Марат Хөснуллин, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Россия Федерациясе Төзелеш һәм ТКХ министрының беренче урынбасары Ирек Фәйзуллин, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Президенты Аппараты Җитәкчсе Әсгат Сәфәров, Татарстан Республикасы Президенты ярдәмчесе Наталия Фишман-Бекмамбетова, Татарстан Республикасы мәдәният министры Ирада Әюпова һәм Казан мэры Илсур Метшин да карадылар. 

Рөстәм Миңнеханов яңартылган бинаны карап чыкты: татар язуы тарихына багышланган инсталляция белән танышты, «Татарстан 100: элек һәм хәзер» китабы күргәзмәсен карады, тавыш яздыру студиясендә булды. 

Татарстан Республикасы Милли китапханәсе бердәм мәдәни киңлекне тәшкил итә. Күргәзмә мәйданчыклары, коворкинг һәм һәркем өчен яраклы киңлекләр бар. Шулай ук сирәк һәм борынгы китап фондларын саклау һәм торгызу өчен шартлар тудырылган. 

Рөстәм Миңнехановка әлеге урынның техник мөмкинлекләре турында сөйләделәр. Трансформацияләнә торган зал кыска вакыт эчендә төрле форматта чаралар уздырырга мөмкинлек бирә. Төп юнәлеш – театр сәнгате. Мәйданчык «Угол» иҗат лабораториясе һәм «Әлиф» иҗат берләшмәсе резиденциясе булачак.   

Моннан тыш, Татарстан Республикасы Президентына борынгы китаплар, кулъязмалар һәм фотографияләр күргәзмәсен күрсәттеләр

Марат Хөснуллин капремонт нәтиҗәлрен югары бәяләде. «Бу – югары дәрәҗәдәге мәдәният һәм мәгариф объекты. Республика җитәкчелегенә эзлекле сәясәте өчен рәхмәт белдерәсем килә».

Рөстәм Миңнеханов билгеләп үткәнчә, Татарстан төзелүнең 100 еллыгы кысаларында республикада күп кенә социаль һәм мәдәни объектлар ачыла, шуларның берсе – ММҮ.    

Татарстан Республикасы Президенты татарстанлыларны Республика Көне белән котлады һәм аларга барлык башлангычларында да уңышлар теләде.   

Аннары Рөстәм Миңнеханов Татарстан Республикасы Милли китапханәсендә оештырылган чараларның берсендә – Габдулла Тукай исемендәге Татарстан Республикасы Дәүләт бүләген тапшыру тантанасында катнашты.

Бүген Татарстан Республикасы Президенты Рөстәм Миңнеханов һәм Россия Федерациясе Хөкүмәте Рәисе урынбасары Марат Хөснуллин Казанда яңа «Урам» экстрим-паркында булдылар.

Рөстәм Миңнеханов Россия вице-премьерына яшьләр өчен кирәкле бу мәйданчыкны төзү турында сөйләде.  

«Урам» экстрим-паркы бүгенгә Россиядә иң зур экстрим-парк санала, ул Казансу яр буенда, Миллениум күпереннән ерак түгел төзелгән.

«Урам» паркы территориясендә 8 төрле мәйданчык бар. Проектлау һәм төзелеш эшләрен Legato Sports Architecture компаниясе башкарган.  Бу компания спорт объектлары һәм җәмәгать киңлекләре кора.  

Төзелеш 2020 елның гыйнварында башланган. Дисциплинара синергия спортчыларның бөтен ихтыяҗларын канәгатьләндерерлек киңлек тудырырга мөмкинлек биргән.

Рөстәм Миңнеханов һәм Марат Хөснуллин мәйданчыкны карап чыктылар һәм спортчылар белән аралаштылар.