ЯҢАЛЫКЛАР
Бүген Татарстан Республикасы Президенты Рөстәм Миңнеханов Иннополиста эш сәфәрендә булды, ул анда шәһәрнең берничә объектын төзү барышы белән танышты. ТР Президентын Татарстан Премьер-министры Алексей Песошин, ТР Премьер-министры урынбасары Роман Шәйхетдинов, «Иннополис» МИЗ вәкилләре, республика министрлыклары һәм ведомстволары җитәкчеләре озата йөрде.
Программаның беренче пункты «Иннополис» МИЗның локаль-чистарту корылмалары (ЛЧК) төзелеше мәйданчыгын карау булды. Махсус зона территориясендә өч локаль-чистарту корылмасы төзү каралган. Су җыюның мәйданы – 157,9 га, һәр локаль-чистарту корылмасына су асты челтәрләре, насос төркеме белән тоташтырылган тимер/бетон резервуар, 40 л/сек егәрлекле катнаш ком-нефть тоткычлар тибындагы чистарту корылмалары, борылу камералары һ.б. керә. Төзелешне тәмамлау 2021 елның уртасына планлаштырылган.
Аннары Татарстан Республикасы Президенты ноябрь аенда файдалануга тапшырылган җитештерү базасын карады. Объект «Иннополис» МИЗның нормаль эшләвен тәэмин итү өчен билгеләнгән: инженерлык челтәрләре белән мониторинг һәм идарә итү, инженерлык системалары җиһазларының торышы һәм параметрлары турында оператив мәгълүмат алу, башка бурычлар. Базаның буш мәйданнары арендага тапшырылачак. Потенциаль арендаторлар арасында – робот техникасы һәм мехатроника компонентлары технологияләре үзәге. Рөстәм Миңнехановка үзәкнең берничә проектын тәкъдир иттеләр, шул исәптән - вагоннарны автомат рәвештә аеру системасы, торбаүткәргечләргә техник диагностика ясау, пилотсыз локомотив проекты, машина йөртү таныклыгын алу өчен имтихан тапшыру өчен программа-аппарат комплексы.
Шулай ук Рөстәм Миңнеханов Н.И. Лобачевский ис. төзелеп килүче технопаркта булды. Объект 1,5 мең эш урынына исәпләнгән. Төзелеш эшләрен тәмамлау бу ел ахырына планлаштырылган. Технопарк территориясендә офислар, административ-хуҗалык биналары һәм ял итү зоналары урнашачак. Бүгенге көндә яңа технопарк инфраструктурасын куллану буенча сөйләшүләр алып барыла. Кайбер компанияләрнең тәкъдимнәре карала.
Эшлекле сәфәр ахырында Рөстәм Миңнехановка электромобильләрне электр белән тулылындыру өчен мобиль кушымта эшен күрсәттеләр. «Электрифлай» компаниясе (Иннополис стартапы – 2015 елда) электромобильне зарядка станциясе белән тоташтыручы болытлы карар чыгарды. Мобиль кушымта электромобилистка туры килә торган станциягә кадәр барлык юлларда маршрут сайларга һәм салырга, станцияне кертергә, сүндерергә һәм зарядканы түләргә ярдәм итә. Киләчәктә Россиянең барлык төбәкләрендә зарядка станцияләренең бердәм челтәрен булдыру планлаштырыла.
«Бу юнәлешне үстерергә кирәк. Станцияләрне яңа йортларда, АЗСларда, паркингларда урнаштырырга кирәк. Безнең шәһәрләр өчен бердәм стандарт эшләргә кирәк. Бу эшне хупларга кирәк дип саныйм», - дип бәя бирде Рөстәм Миңнеханов.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов инженерлык системаларын капиталь ремонтлау һәм модернизацияләү буенча республика программаларын гамәлгә ашыру турында хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Алексей Фролов хәбәр иткәнчә, агымдагы елда Татарстанда инженерлык системаларын капиталь ремонтлау һәм модернизацияләү буенча 31 программа гамәлгә ашырыла, шул исәптән социаль-мәдәни өлкә объектларын, күп фатирлы торак йортларны капиталь ремонтлау программалары да.
Социаль-мәдәни өлкәдә 2020 елда 25 капиталь ремонт программасы эшли. Дүрт программа "Мәгариф" тармагында тормышка ашырыла. Бу тармакта программаларның суммар күләме 4 млрд. сумнан артык. Балалар бакчаларын капиталь ремонтлау программасына 87 объект кертелгән. Хәзерге вакытта эшләрне бары тик берсендә генә тәмамларга калган.
Ике объект ресурс үзәкләренә капремонт программасы буенча ремонтлана. 15 бина ремонтланган.
15 декабрьгә уку корпусларын һәм тулай торакларны капиталь ремонтлау программасын тәмамлау планлаштырыла. Программага кертелгән өч объектның берсендә эшләр дәвам итә.
Җылы бәдрәфләрне ремонтлау программасы 25 декабрьдә тәмамланачак. Физик эшләр 95% ка башкарылган. 41 объект эштә кала. 245 объект файдалануга тапшырылган.
«Сәламәтлек саклау» тармагында 2020 елда финанслауның гомуми күләме 1 млрд. 800 млн. сум булган 2 программа гамәлгә ашырыла. Медицина стационарларын капиталь ремонтлау программасына 15 объект кертелгән. Шуларның тугызы төгәлләнгән. Декабрь ахырына калган 6 объектта эшләрне тәмамлау планлаштырыла.
Сәламәтлек саклау объектларын капиталь ремонтлау программасы кысаларында 7 объект ремонтланган. Берсе әлегә эштә кала.
«Авыл хуҗалыгында» 7 программа гамәлгә ашырыла. Аларны тормышка ашыру өчен бюджеттан 1 млрд. 400 млн. сум бүлеп бирелгән. Әлегә шуларның икесе генә төгәлләнгән, бу – ветеринария берләшмәләре һәм авыл хуҗалыгы идарәләре биналарына, шулай ук ат фермаларына капиталь ремонт программалары. Сыер абзарларын, ындыр табакларын, машина-трактор паркларын, яшелчә саклагычларын, кошчылык фермаларын ремонтлау программасы ахырына якынлаша.
«Яшьләр сәясәте» тармагында яшүсмерләр клубларын капиталь ремонтлау программасы гына эштә кала. 20 декабрьгә кадәр паспортта каралган 16 объектның калган икесе төгәлләнергә тиеш. Тармакта ике программа тәмамланган.
Агымдагы елда «Башка социаль программалар» блогында алты программа гамәлгә ашырыла. Шуларның өчесе төгәлләнгән. Тагын өчесен тормышка ашыру дәвам итә. Шулай итеп, ТР буенча Эчке эшләр министрлыгы карамагындагы биналарга капиталь ремонт ясау программасында өч объект билгеләнгән, эшләр бер объектта алып барыла. Милли гвардия гаскәрләренең федераль хезмәте идарәсе объектларын капиталь ремонтлау 14 объектның 6сында дәвам итә. Социаль хезмәт күрсәтү биналарына капиталь ремонт ясау программасына 37 объект кертелгән, шуларның 34е файдалануга тапшырылган, калган 3сендә эшләр дәвам итә.
Инженерлык системаларын модернизацияләү буенча 2020 елга планлаштырылган 5 программаның берсе генә калган, бу – су бүлү системаларын модернизацияләү программасы. Программа паспортында 27 объектны ремонтлау каралган. Шуларның 21е төгәлләнгән. Алты объект эштә, шуларның 2се буенча капиталь ремонт эшләре тәмамланып килә, 4се буенча проект эшләре бара.
Шулай ук Алексей Фролов күп фатирлы йортларны капиталь ремонтлау программасын гамәлгә ашыру турында да сөйләде. Агымдагы елда программага төзәтмәләр кертүне исәпкә алып, 1 мең 63 торак йорт кертелгән. Дәүләт торак инспекциясе мәгълүматларына караганда, 1007 йортта эшләр тәмамланган, ведомство тарафыннан 979 объект кабул ителгән.
2020 елның 14 декабрендә 12.00 сәгатьтән 20.00 сәгатькә кадәр, Россия Федерациясе Президенты йөкләмәсе буенча, Россия Федерациясе дәүләт хакимияте органнарында һәм җирле үзидарә органнарында Гомумроссия гражданнарны кабул итү көне үткәрелә.
Татарстан Республикасы Төзелеш, архитектура һәм торак-коммуналь хуҗалык Министрлыгында гражданнарны кабул итү түбәндәге адрес буенча үткәреләчәк: Казан шәһәре, Дзержинский ур., 10 йорт.
ТР төзелеш, архитектура һәм торак-коммуналь хуҗалык министрлык компетенциясенә түбәндәге мәсьәләләрне хәл итү керә:
1. Архитектура эше белән идарә итү;
2. Шәһәр төзелеше белән вәкаләтләре кысаларында идарә итү;
3.Татарстан Республикасы территориясендә гидротехник корылмалары (ГТК) куркынычсызлыгы белән идарә итү, муниципаль милектә булган ГТС куркынычсызлык мәсьәләләреннән башка;
4. Төзелеш материаллары сәнәгате белән идарә итү;
5. Төзелеш белән идарә итү;
6. Гражданнарның торакка хокукларын һәм кулланучыларны сыйфатлы торак-коммуналь хезмәтләр белән тәэмин итү белән идарә итү;
7. Торак, торак-коммуналь хезмәтләр күрсәтү базарларын формалашуы өчен шартлар тудыру;
8. Гражданнарның торакка хокукын тәэмин итү белән идарә итү;
9. Капиталь төзелеш объектларын төзелешен, үзгәртеп корылышын, капиталь ремонтын күзәтү;
10. Халыкка торак һәм коммуналь хезмәтләр күрсәтү күрсәткәндә гражданнарның һәм дәүләтнең хокукларын һәм законлы мәнфәгатьләрен тәэмин итүбуенча контроль;
11. Татарстан Республикасы дәүләт милкендә булган торак фонды белән идарә итү.
12. Татарстан Республикасы территориясендә җирле үзидарә органнарының шәһәр төзелеше эшчәнлеге турындагы законны үтәү өлкәсендә Россия Федерациясе тикшерү органнары вәкаләтләрен гамәлгә ашыра.
13. Татарстан Республикасында төзелеш, реконструкция һәм ремонт буенча сметалы бәясен билгеләү өчен билгеләнгән смета нормативлары эшләүне һәм раслауны законнар нигезендә тәэмин итә.
Кабул итүгә алдан язылу телефон буенча башкарыла.
Кабул итүгә алдан язылу өчен телефон: +7 (843) 231-14-10.
Мәскәүдә НОПРИЗның («Эзләнүчеләрнең һәм проектчыларның Милли берләшмәсе») 2020 елның иң яхшы проектына 7 нче халыкара һөнәри конкурсына йомгак ясалды. «Территориаль планлаштыруның иң яхшы схемасы» номинациясендә Татарстан Республикасының территориаль планлаштыру схемасы җиңүче булды. Татарстан Республикасы Югары Ослан муниципаль районының «Иннополис шәһәре» муниципаль берәмлегенең генераль планы «Шәһәр округының (шәһәр җирлеге, авыл җирлеге) Генераль планының иң яхшы проекты» номинациясендә 2нче урынны алды. Шулай ук «Иң яхшы мәдәният һәм спорт объекты проекты» номинациясендә Яр Чаллы шәһәрендә «Мастеровые» рус драма театры төзелеше проектына 2нче урын бирелде. Проектларны эшләүче - «Татинвестгражданпроект» ДУП. Быел конкурста катнашуга 19 номинациядә 700 проект кертелгән, алар архитектура, шәһәр төзелеше һәм эзләнү эшчәнлегенең барлык аспектларын үз эченә ала. Шул исәптән 31 проект - чит ил катнашучыларыннан һәм 348 проект - 55 Рәссәй һәм 7 чит ил профильле югары уку йорты студентлары һәм аспирантлары булдырган. Катнашу географиясе Рәссәйнең барлык федераль округларын, шулай ук Әрмәнстан, Беларусь, Йемен, Казахстан, Кыргызстан, Приднестровье һәм Үзбәкстан кебек илләрне үз эченә ала.
Ел башланганнан бирле Татарстанда 2 млн. 367 мең квадрат метр торак файдалануга тапшырылган. Шуларның 117 мең кв. метры – соңгы айларда. Еллык планны үтәү 80%ка якын. Биш муниципаль район еллык планны тулысынча үтәгән. Бу – республиканың Биектау, Тукай, Питрәч, Апас һәм Лаеш районнары. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Марат Айзатуллин хәбәр иткәнчә, 2020 елда республикада социаль-мәдәни объектлар төзү һәм җәмәгать киңлекләрен төзекләндерү 9 программа кысаларында алып барыла. Хәзерге вакытта шуларның берсе «Спорт» тармагында төгәлләнгән инде, аның кысаларында 86 универсаль спорт мәйданчыгы, 7 чаңгы базасы һәм Зеленодольскта ябык футбол манежы төзелгән.
Балалар бакчаларын төзү программасы буенча 22 объект төзү каралган. 21 йортта эшләр тәмамланган. Тагын бер объект төзелеп бетү стадиясендә.
«Сәламәтлек саклау» тармагы буенча агымдагы елда 51 башлангыч медик-санитар ярдәм объекты төзелә. 30 ноябрьгә фельдшер-акушерлык пунктлары төзелеше тулысынча тәмамланырга тиеш. Шундый 43 объект бар, 37 ФАПта эшләр тәмамланган. 25 декабрьгә 7 амбулаториядән калган 3 амбулаторияне һәм гомуми практика табибының бер офисын файдалануга тапшыру планлаштырыла.
«Сыер абзарлары һәм сарык фермалары төзү» программасы буенча 7 объектның 3сендә эшләр тәмамланмаган әле. 4 райондагы биш объект "Силос-сенаж траншеяларын төзү" программасы буенча төгәлләнеп килә. Агымдагы елда барлыгы 79 шундый объектлар төзелә.
Уңайлы шәһәр мохитен формалаштыру кысаларында программага 62 объект кергән, шуларның 36сы инде файдалануга тапшырылган. 25 объектта эшләр тәмамланып килә. Моннан тыш, эшләр Кече шәһәрләр конкурсында җиңгән 3 объектта да алып барыла. Әлеге юнәлеш кысаларында Мамадыш шәһәрендә бер объект файдалануга тапшырылган.
«Мәдәният» тармагында 12 авыл клубы төзү планлаштырыла. Программа паспорты нигезендә эшне август ахырында төгәлләргә кирәк иде. Әмма әлегә кадәр 4 объект тапшырылмаган. Министр срокларын өзгән муниципаль берәмлекләр башлыкларын эшләр барышын контрольдә тотарга һәм кыска вакыт эчендә аларны тәмамларга чакырды.
Авыл җирлекләре советларының 11 бинасының 7сен төзү дәвам итә.
Халыкка комплекслы хезмәт күрсәтүнең блок-модульле пунктларын төзү кысаларында программаның паспортында каралган барлык объектлар да - 21 объект та эшли.
Министр Татарстанда торак төзелеше барышы турында аерым сөйләде. Хәзерге вакытта социаль ипотека программасы кысаларында 2 мең 631 фатирлы 90 йорт файдалануга тапшырылган. 40 йорт төзелеше дәвам итә. Шулардан 35 объект әзер диярлек, 5се уртача әзерлектә.
2020 елда инвестицион торак төзелеше программасы буенча, план нигезендә, 177 күп фатирлы йортны файдалануга тапшырырга кирәк иде. Бүгенге көндә 133 күп фатирлы йорт тапшырылган, ягъни еллык планның 70%ы. Калган 44 йорт әзер диярлек.
Шәхси торак төзелеше өлешендә еллык планның 93% ы үтәлгән яки 9,9 мең йорт файдалануга тапшырылган.
Дәүләт ярдәме программалары буенча гражданнарның аерым категорияләрен торак белән тәэмин итүгә килгәндә, министр сүзләренчә, күп балалы гаиләләргә торак бирү буенча еллык план тулысынча үтәлгән. Барлык 46 гариза бирүче торак өчен сертификатлар алган.
Агымдагы елда торак өчен 47 яшь гаилә субсидия алырга тиеш. 21 ноябрьгә аларның 46сына субсидия бирелгән.
Мәҗбүри күченүчеләр, чернобыльчеләр һәм Ерак Төньяктан күченүчеләр тарафыннан 23 сертификат рәсмиләштерелгән, шуларның 19ы тормышка ашырылган инде. Барлыгы 24 кеше.
Ятим балаларга торак бирү программасы буенча 2020 елда 600 гражданның торак шартларын яхшырту планлаштырыла. Дәүләт торак фонды һәм ТР Җир һәм мөлкәт мөнәсәбәтләре министрлыгы арасында 584 бина килештерелгән. Шулардан 304 сатып алучы белән наем килешүе төзелгән, 104 торак бинага Дәүләт торак фонды тарафыннан милек хокукы теркәлгән, 92 торак бина сату алды әзерлеге уза, төзелеп килүче йортларда 84 торак урын бар.
Азакта Марат Айзатуллин төзелештә хезмәтне саклау вәзгыяте турында хәбәр итте. Дәүләт программалары кысаларында төзелә торган объектларда ТР Баш инвестиция-төзелеш идарәсе тарафыннан ел башыннан 2 мең 337 тикшерү уздырылган. 566 тәртип бозу ачыкланган, шуларның 529ы бетерелгән. Дәүләт төзелеш күзәтчелеге инспекциясе белгечләре бу чорда 1 мең 227 тикшерү үткәргән. 128 карар буенча штрафларның гомуми суммасы 5 млн. 538 мең сум тәшкил иткән. Тагын 1 мең 521 оешма – үзлегеннән оешучы оешма тарафыннан тикшерелгән.
Йорт социаль ипотека программасында катнашучылар, предприятие хезмәткәрләре, яшь гаиләләр һәм ятим балалар өчен төзелгән. ТР Президенты каршындагы Дәүләт торак фонды «Салават Күпере»микрорайонында 340 фатирлы торак йорт төзелешен тәмамлады. Ул «Торак һәм шәһәр мохите» милли проекты ярдәмендә төзелгән. Торак йортта 17 кат, ике подъезд, фатирларның гомуми торак мәйданы 15 мең квадрат метр тәшкил итә. Барлык фатирлар да чиста бизәкләү эшләренә тапшырыла, сантехника, электр плитәләре, янгын сигнализациясе датчиклары, су, электр энергиясен исәпкә алу счетчигы, җылылык регуляторлары һәм мәгълүматларны ерактан торып санауның автомат системасы белән җиһазландырылган. Быел Дәүләт торак фонды республика шәһәрләрендә һәм районнарында 273,6 мең квадрат метр мәйданлы 4,9 мең фатирлык 130 йорт төзүне инвестицияли. Рәссәйдә 2019 елдан башлап Рәссәй Президенты Владимир Путинның «май Указлары» нигезендә эшләнгән «Торак һәм шәһәр мохите» милли проекты тормышка ашырыла. Илкүләм проект бурычларының берсе-торак төзелеше күләмен елына 120 млн.кв. метрдан да ким булмаган күләмдә арттыру.
Бүген Казан энергетика көллияте мәйданчыгында «Электромонтаж»компетенциясе буенча WorldSkills региональ чемпионатын ачу тантанасы узды. ТР Төзелеш, архитектура һәм торак-коммуналь хуҗалык министры урынбасары Илдус Насыров конкурста катнашучыларга сәламләү сүзе белән чыгыш ясады. Ул билгеләп үткәнчә, чемпионат һөнәри белем бирүнең сыйфатын күтәрергә ярдәм итә. «Бу әһәмиятле вакыйга яшьләргә үзләренең белгешләрен, белемнәрен күрсәтү, тәҗрибә һәм яңа танышулар алу мөмкинлеге бирә. Сезгә ярышларда уңышлы чыгыш ясавыгызны, уңай эмоцияләр алуыгызны һәм, әлбәттә, иң югары бүләкләргә ия булуыгызны телим», - диде Илдус Насыйров. Исегезгә төшерәбез, «Яшь профессионаллар» (WorldSkills Russia) төбәк чемпионаты Татарстанда 13 ноябрьдән 7 декабрьгә кадәр уза. 1000нән артык катнашучы WorldSkills Russia 143 компетенциясе һәм WorldSkills Russia Juniors 95 компетенциясе буенча ярышачак. Конкурсның төбәк этабында җиңүчеләр «Яшь профессионаллар» (WorldSkills Russia) милли чемпионаты финалында катнашачаклар.
11-13 ноябрьдә Мәскәүдә узган XXVIII «Төзелеш сәнгате 2020» Халыкара архитектура фестивалендә (Кунак ишегалды күргәзмә комплексы) Татарстан Республикасы проектлары «Рәссәй Төбәкләре» смотр-конкурсының «Шәһәр мохите һәм комплекслы шәһәр проектлары» номинациясендә югары бүләккә-алтын билгегә лаек булды. Фестивальне Рәссәй Архитекторлар берлеге оештырды. Фестивальнең темасы - архитектура һәм шәһәр төзелешендә заманча тенденцияләрне эзләүгә һәм ачыклауга юнәлдерелгән, «Мәңгелек». «Рәссәй Төбәкләре» Смотр-конкурсы Рәссәй төбәкләрендә һәм шәһәрләрендә архитектура-шәһәр төзелеше сәясәтенең һәм практикасының иң яхшы мисалларын ачыклау, яшәеш мохитен булдыруга яңа алымнар, Рәссәйдә шәһәр төзелеше эшчәнлеген активлаштыру һәм үстерү, архитектура практикаларын, оригиналь концепцияләрне, инновацион чишелешләрне популярлаштыру һәм тормыш-көнкүреш мохитен системалы үстерү максатыннан үткәрелде. Күргәзмәдә Татарстан экспозициясе «Йөз еллар аша Татарстан архитектурасы» дигән исем астында ТАССР төзелүнең 100 еллыгына багышланган иде. Республика экспозициясен әзерләүдә ТР Төзелеш, архитектура һәм торак-коммуналь хуҗалык министрлыгы җитәкчелеге астында ТР Президенты ярдәмчесе Олеся Балтусова, ТР Инвестицион үсеш агентлыгы, Казан шәһәренең Архитектура идарәсе, Казан дәүләт архитектура-төзелеш университеты, «Татинвестгражданпроект» ДУП, ТР тарих һәм мәдәният һәйкәлләрен торгызу фонды катнашты.
Татарстан Республикасында күп фатирлы торак йортларга капиталь ремонт барышы турында бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.
Әйтик, агымдагы 2020 елда республикада капиталь ремонт программасына 1 066 күп фатирлы торак йорт кертелгән. ТР Дәүләт торак инспекциясе мәгълүматлары буенча, хәзерге вакытта 765 йортта эшләр тәмамланган. Шуларның 424е Дәүләт торак инспекциясе тарафыннан кабул ителгән.
Бүгенге көндә социаль-мәдәни өлкә объектларын ремонтлау буенча берничә программа төгәлләнгән инде. Мәдәни билгеләнештәге объектларга капиталь ремонт ясау программасы (37 объект ремонтланган), мәдәният тармагы мәгариф учреждениеләренә капиталь ремонт ясау (8 объектта эшләр тәмамланган), 21 спорт объекты, 7 балалар сәламәтләндерү лагеры, 5 яшьләр үзәге, 7 муниципаль архив бинасы капиталь ремонтландган. Шулай ук урманчылыклар биналарына (14 объект) капиталь ремонт тәмамланган.
«Мәгариф» тармагында гамәлдәге дүрт программа буенча 478 объект ремонтлана.
Балалар бакчаларын капиталь ремонтлау программасы буенча бары тик 2 объект буенча гына эшләрне тәмамларга калган. Программага барлыгы 87 балалар бакчасы кертелгән.
17 ресурс үзәгенең 4се эшләнеп бетмәгән әле.
Уку корпусларын һәм тулай торакларны капиталь ремонтлау программасы кысаларында ике объект тәмамланган; бер объектта эшләр әле дәвам итә.
Җылы бәдрәфләрне ремонтлау программасы буенча 193 объектта эшләр тәмамланган, программа 85%ка үтәлгән.
«Сәламәтлек саклау» тармагында 2 программа гамәлгә ашырыла. 23 объектта ремонт планлаштырылган.
Әйтик, сәламәтлек саклау объектларын капиталь ремонтлау буенча эшләрне сигез объектның берсендә тәмамларга калган. Медицина стационарларының 9сы ремонтланган, шул ук вакытта 6 объектта эшләр дәвам итә.
Авыл хуҗалыгында 7 программа гамәлгә ашырыла. Болар – сыер абзарларын, ындыр табакларын, машина-трактор паркларын, яшелчә саклагычларын, кошчылык фермаларын, ат фермаларын капиталь ремонтлау программалары, шулай ук ветеринария берләшмәләре һәм авыл хуҗалыгы идарәләре биналарын капиталь ремонтлау программасы. Соңгы программа төгәлләнгән. Башка 6сы буенча эш уртача 93% ка башкарылган.
Марат Айзатуллин социаль-мәдәни өлкәгә капиталь ремонт ясауның башка программалары турында да сөйләде. Аерым алганда, яшүсмерләр клубларын капиталь ремонтлау программасы тәмамланып килә. 13 объект ремонтланган инде, 3 объектта эшләрне тәмамларга калган.
Татарстан Республикасы буенча Эчке эшләр министрлыгы карамагындагы биналарны капиталь ремонтлау дәвам итә. Программада өч объект бар, эшләр 1 объектта бара. Илкүләм гвардия гаскәрләренең федераль хезмәте идарәсе объектларын капиталь ремонтлау 8 объектта тәмамланган, 6сы әлегә эштә.
Социаль хезмәт күрсәтү биналарын капиталь ремонтлау программасына 37 объект кертелгән. Программаның зур өлеше башкарылган – 5 объектта эшләр бара.
2020 елда Татарстанның коммуналь комплексында инженерлык системаларын модернизацияләү буенча берничә мөһим программа гамәлгә ашырыла. Хәзерге вакытта 4се – индивидуаль җылыту системасына күчү, урамнардагы утларны торгызу, республика бюджет учреждениеләрендә казаннарны алыштыру программалары, шулай ук халыкны чиста су белән тәэмин итү программасы тәмамланган.
Эштә бер программа калган – су бүлү системаларын модернизацияләү. Аңа 27 объект кертелгән, шуларның 21е буенча эшләр тәмамланган, 6 объектта эшләр график нигезендә бара.
Татарстан Республикасы Министрлар Кабинетында торак һәм коммуналь хезмәтләр күрсәткәндә гражданнарның хокукларын һәм законлы мәнфәгатьләрен тәэмин итү буенча республика ведомствоара комиссиясе утырышы булды. Утырышны Татарстан Республикасы Премьер-министрының беренче урынбасары Рөстәм Нигъмәтуллин җитәкләде. Утырышны башлап, Рөстәм Нигъмәтуллин билгеләп үткәнчә, бүгенге көндә торак-коммуналь хуҗалык өлкәсендә республика Хөкүмәтенең даими контролендә булган системалы мәсьәләләр дә, федераль дәрәҗәдә хәл ителергә тиешле мәсьәләләр дә бар. Татарстан Республикасы төзелеш, архитектура һәм торак-коммуналь хуҗалык министрының беренче урынбасары Алексей Фролов гамәлгә ашырыла торган программаларга, җылылык әзерләү һәм җибәрү, шулай ук торак-коммуналь хуҗалык өлкәсен норматив җайга салуга багышланган доклад белән чыгыш ясады. Алексей Фролов сүзләренә караганда, 12 ноябрьгә күпфатирлы йортларда гомуми милекне капиталь ремонтлау буенча эшләрнең фактик үтәлеше 99,5% тәшкил итә. Агымдагы елда гомуми мәйданы 6,4 млн.кв. метр булган 1 066 күп фатирлы йортка капиталь ремонт ясау планлаштырылган. Программада шулай ук 138 йортта 378 лифт алыштыру каралган.