ЯҢАЛЫКЛАР
«Ак Барс йорт» компанияләр төркеменә керүче Казан ЙТК «Иң яхшы проект — 2019» номинациясендә «Хезмәт җитештерүчәнлеге һәм эш белән тәэмин итүгә ярдәм» федераль компетенцияләр үзәге проектында катнашу нәтиҗәләре буенча җиңү яулады. КЙТК лаеклы бүләген Sommer линиясенең тимер-бетон дивар панельләрен ясау агымында иң яхшы нәтиҗәләр өчен алды. Илкүләм проектта катнашу нәтиҗәләре буенча: завод буенча төп продукция (йортлар өчен панельләр) җитештерүчәнлекне елына 60 меңнән 90 мең куб.м га кадәр арттыра алдык; проект барышында бушатылган кешеләрдән (9 кеше) яңа участок төзү нәтиҗәсендә завод өчен елына 12 млн. га өстәмә табыш; җитештерү күләмен арттырга - бу елына дүрт йорт төзү мөмкинлеге бирә. Шулай ук пилот участогында тәмамланмаган җитештерүне киметүгә һәм завод буенча эшләнмәләрне арттыруга ирешкәннәр. Мондый нәтиҗә заводның 8 ел эшләү дәверендә беренче тапкыр EBITDA3 уңай нәтиҗә бирде.
Бүген Татарстан Республикасы Президенты Рөстәм Миңнеханов эш сәфәре белән Яр Чаллы шәһәренә килде. Сәфәр барышында Президентны ТР Төзелеш, архитектура һәм ТКХ министры Фәрит Хәнифов, ТР сәламәтлек саклау министры Марат Садыйков, Роспотребнадзорның ТР буенча идарәсе җитәкчесе Марина Патяшина озатып йөрде. Рөстәм Миңнеханов җитәкчелегендәге Делегация «Яр Чаллы йогышлы авырулар хастаханәсе» ДАССОсын карап чыкты (Мәскәү пр., 85). 2018 елның маенда биредә йогышлы авырулар хастаханәсенең «В» корпусына (В1 һәм В2 блокларына) капиталь ремонт башланды. Бүгенге көндә В2 блогында эшләр тәмамланган, медицина җиһазлары, мебель, В2 блогы өчен башка җайланмалар сатып алынган. Йогышлы, диагностик һәм дезинфекция-стерилизация бүлекләренең ике каты файдаланыла. В1 блогын ремонтлау дәвам итә. Рөстәм Миңнехановка хәбәр ителгәнчә, тәмамлау 15 майга планлаштырыла. Татарстан Президенты, объектны планлаштырылган вакытка тапшыру өчен, ялларсыз эш оештырырга кушты.
Татарстан Республикасында быел «Демография» милли проекты ярдәмендә 22 балалар бакчасы барлыкка киләчәк. Бүген Татарстан Президенты Рөстәм Миңнеханов Тукай районында яңа балалар бакчасы төзелешенең барышы белән танышты. Сәфәр барышында Президентны ТР Төзелеш, архитектура һәм ТКХ министры Фәрит Хәнифов, ТР сәламәтлек саклау министры Марат Садыйков озатып йөрде. Балалар бакчасы Тукай районының Әҗмәкәй авылында урнашкан, объектны ачу июль аена планлаштырылган. Яңа балалар бакчасы 140 балага исәпләнгән (1,5-3 яшькә кадәр-70, 3-7 яшькә кадәр-70 бала). Музыка һәм спорт заллары, азык-төлек блогы, кер юу блогы, медицина блогы, белгечләр кабинеты, төрле яшьтәге балалар өчен 6 уен мәйданчыгы, спорт мәйданчыгы, кече архитектура формалары каралган.
Бүген бөтен дөньяда Хезмәтне саклау көнен билгеләп үтәләр. Бу көн беренче тапкыр 2003 елда билгеләп үтелде. Халыкара хезмәт оешмасы 28 апрельне Бөтендөнья хезмәтне саклау көне дип игълан итте, ул дөнья җәмәгатьчелегенең игътибарын проблеманың масштабларына җәлеп итү, шулай ук хезмәтне саклау культурасын булдыру һәм алга җибәрү эш урынында ел саен үлем санын киметүгә ярдәм итә ала. Бөтендөнья хезмәтне саклау көне-барлык хезмәткәрләргә һәр кешенең, барыннан да элек, профессиональ эшләргә тиешлеген искәртү өчен өстәмә мөмкинлек. Ә бу исә барлык нормаларны һәм куркынычсызлык кагыйдәләрен үтәү дигән сүз. Барыгызга да сәламәтлек һәм имин хезмәт телибез!
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Төзелеш тармагында хезмәтне саклау турында Татарстан Республикасы төзелеш министрлыгы башлыгы объекталардагы бәхетсезлек очраклары турында сөйләде. 2020 елның гынвар-апрель айларында 6 бәхетсезлек очрагы теркәлгән (2019 елда шул чорда -1), шул исәптән үлүчеләр – 4әү, нык имгәнүчеләр – 2әү.
Республикада 24 апрельгә 887,1 мең кв. м торак эксплуатациягә тапшырылган, ягъни планның 29,8%ы. Торакны гамәлгә кертү динамикасы 2 атнага 48,0 мең кв.м тәшкил итә.
Татарстан Республикасы Президенты каршындагы Дәүләт торак фондының (ТР ДТФ) 2020 елга инвестицион программасы буенча – мәйданы 20,5 мең кв. метр булган 363 фатирлык 11 торак йорт буенча статистика органнарына хисаплар тапшырылган (планның 7,5%ы).
2020 елда күп фатирлы инвестицион торак программасы буенча 1 млн 317,2 мең кв. м мәйданда 177 күп фатирлы йортны эксплуатациягә кертү каралган. Бүгенгә 348,0 мең кв. м мәйданда 49 йорт файдалануга тапшырылган. 68 йорт әзер диярлек (70%-100%), 51 йорт уртача әзерлектә (30%-70%), 9 йортта эшләр күп әле (0%-30%).
2020 елда индивидуаль торак төзелеше буенча 1 млн 388,2 мең кв. м мәйданда 10 мең 680 йорт төзү планлаштырыла. 24 апрельгә 518,6 мең кв. м мәйданда 3990 индивидуаль торак йорт файдалануга тапшырылган, бу – планның 37,4%ы. Ике атна эчендә динамика – 48,0 мең кв. м.
Торак белән тәэмин итү өлкәсендә гражданнарга дәүләт ярдәме күрсәтү программалары буенча 728 гаиләгә 1 млрд 193,4 млн сум күләмендә торак шартларын яхшырту каралган.
2020 елның 25 апреленә 46 күп балалы гаиләнең барысына да сертификатлар рәсмиләштерелгән. 6 млн. 933 мең сумлык 1 сертификат реализацияләнгән. (Казан).
12 муниципаль берәмлектә 47 яшь гаиләне торак белән тәэмин итү буенча Татарстан Республикасы Яшьләр эшләре министрлыгы тарафыннан муниципаль берәмлекләр белән финанслашу турында килешүләр төзү эше тәмамланган.
Моннан тыш, 35 мәҗбүри күченүче, Ерак Төньяктан күченүче һәм чернобыльчены торак белән тәэмин итү кысаларында 19 сертификат гамәлгә ашырылган, шулардан 8 чернобыльче, 9 мәҗбүри күченүче, 2 Ерак Төньяктан күченүче торак белән тәэмин ителәчәк. 25 апрельгә 2 сертификат реализацияләнгән.
2020 елга «Уңайлы мохит» программасы буенча быел гомуми суммасы 16,58 млн. сумга 12 гомуми белем оешмасын җайлаштыру каралган.
Фәрит Хәнифов искәрткәнчә, быел Татарстан Республикасы Төзелеш, архитектура һәм ТКХ министрлыгы 6 илкүләм проектын гамәлгә ашыруда катнашачак - Демография, Торак һәм шәһәр тирәлеге, Экология, Мәгариф, Сәламәтлек саклау һәм Мәдәният. Финанслау күләме – 15 млрд сумнан артык.
2020 елның 6 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык кысаларында «Чиста төзелеш» акциясе үткәрелә.
Исегезгә төшерәбез, төзүчеләр һәм подрядчы оешмалар төзелеш мәйданчыкларында төзелеш мәйданнарының чисталыгын саклауны тәэмин итү һәм территорияләрнең пычрануына юл куймау буенча чаралар үткәрергә тиеш.
Моннан тыш, Татарстан Республикасы территориясендә коронавирус йогышы таралуны булдырмау максатларында, дәвам итәргә кирәк:
- төзелеш объектларында һәм оешмалар территорияләрендә үз-үзеңне тикшереп тору, яңа коронавирус йогышы таралуны булдырмас өчен тәкъдим ителгән чаралар үтәргә;
- яңа коронавирус йогышы авыруының симптомнарын ачыклау буенча контрольне исәпкә алып, төзелеш объектларына һәм оешмалар территорияләренә эшчеләрнең үткәрү режимын тәэмин итәргә.
2019 елгы эш нәтиҗәләре буенча «Татэнергосбыт» АҖ «Базар советы» Коммерциячел булмаган партнерлыгы рейтингында Рәссәйнең гарантияле тәэмин итүчеләре арасында лидерлар бишлегенә керде. Рейтингның нигезенә компаниянең электр энергиясенең күпләп һәм ваклап сату базарларында исәп-хисап ясау сәләтен характерлаучы күрсәткечләр алына. Татарстан сату компаниясе инде 10 ел дәвамында Рәссәйнең гарантияле тәэмин итүчеләре арасында әлеге рейтингта алдынгы позицияләрне тота, шул рәвешле компания үсешенең сайланган курсының нәтиҗәлелеген раслый, ә иң мөһиме – Татарстан Республикасы кулланучыларын электр энергиясе белән тәэмин итүнең ышанычлылыгын һәм өзлексезлеген гарантияли.
Татарстанда 20 апрельдә дәүләт субсидияләренең яңа программасы кысаларында 6,5%лы ипотека кредиты белән беренче килешү узды. Беренче килешүне «Ак Барс йорт» ДК төзүчесе ВТБ банкы (ГАҖ) белән берлектә үткәрде. Түбән Камада яшәүче бер ир дәүләт программасы буенча ипотека кредиты кулланып, «Нобельевский» торак комплексында фатирның бәхетле иясе булды. Төзүчедән сатып алу онлайн режимында узды. Төгәлләштерелгән мәгълүматлар буенча программаның гамәлдә булу вакыты 20.04.2020дән 1.11.2020гә кадәр. Кредитны өлешләп катнашу килешүе буенча төзелеш этабында булган фатир сатып алуга да, сатып-алу килешүе буенча әзер торакка да рәсмиләштерергә була. Беренчел взнос кимендә 20%. Кредитның максималь вакыты 20 ел тәшкил итә.
Быел гражданнарның барлык категорияләренә ярдәм итүгә 1 млрд. сумнан артык акча юнәлдерү планлаштырыла. Аерым алганда, 600 ятим баланы торак белән тәэмин итү планлаштырыла. Шулай ук 46 күп балалы һәм 47 яшь гаилә ярдәм алыр дип көтелә. Федераль законнарда билгеләнгән гражданнарның категорияләрен торак белән тәэмин итү буенча Дәүләт йөкләмәләрен үтәү буенча төп чаралар кысаларында гомуми суммасы 78,24 млн сумлык 35 торак сертификаты бирү планлаштырыла.Шулай итеп, сертификатларны чернобыльчеләр, мәҗбүри күченүчеләр һәм ерак төньяк районнарыннан күчеп килгән гражданнар ала алачак.
Татарстанда агымдагы елда социаль ипотека программасы буенча гомуми мәйданы 273,6 мең кв.м. булган 4 970 фатирлы 130 торак йортны файдалануга тапшыру планлаштырыла. Программа «Торак һәм шәһәр мохите» милли проекты кысаларында тормышка ашырыла. Бу хакта ТР Дәүләт Советы утырышы материалларында әйтелә. «Республикада социаль ипотека программасына яшь гаиләләрне, ятим балаларны; радиация йогынтысына дучар ителгән гражданнарны һәм аларга тиңләштерелгән затларны; ерак төньяк районнарыннан чыгып киткән һәм аларга тиңләштерелгән территорияләрне, күченеп китәргә мәҗбүр булган гражданнарны, Бөек Ватан сугышы ветераннарын, инвалидларын; запастагы хәрби хезмәткәрләрен торак белән тәэмин итү буенча федераль механизмнар кертелгән»,-дип билгеләп үтелә материалларда. «2019 елга торак белән тәэмин итүдә Татарстан Республикасы гражданнарына дәүләт ярдәме» программасы буенча узган ел гомуми мәйданы 358,1 мең кв. м. булган 6 214 фатирлы 119 торак йорт файдалануга тапшырылган.