ЯҢАЛЫКЛАР

"Алабуга" МИЗ инфраструктурасы өстенлекле объектларының төзелү сораулары бүген ТР төзелеш, архитектура һәм торак-коммуналь хуҗалык министры урынбасары Ю. Л. Аляшев киңәшмәсендә каралды, анда шулай ук Заказ бирүчесе "АҖ СҖТ МИЗ "Алабуга", проект институт "Тигп" һәм "Камгэсэнергострой" ҖАҖ һәм "Гидропромжилстрой" ҖЧҖ подряд оешмалары вәкилләре катнашты. "Автокомпонентлар җитештерүче "Синергия" Индустриаль-технологик паркы. Беренче корпус (СМЦ урнаштыру өчен)" объектыдна "Гидропромжилстрой" ҖЧҖ җиһазлар астына фундамент оештыру буенча эшләр тәмамлый, баш металл конструкцияләре, койма конструкцияләре һәм тышкы инженерлык челтәрләре монтажлау буенча эшләр алып бара. "6 автомашинага янгын сүндерү депосы " объектында субподрядчы оешмалар "ПЭС" ҖЧҖ, "Техвент" ҖЧҖ эчке инженерлык челтәрләрен оештыру буенча эшләрне төгәлләделәр.

Республиканың барлык муниципаль берәмлекләре җылыту сезонына әзер. Бу хакта Татарстан Республикасы төзелеш, архитектура һәм ТКХ министрының беренче урынбасары Алексей Фролов җиткерде.

Мәгълүмат-консультация төркеме Татарстан Республикасының Питрәч муниципаль районының Кощаковское һәм Иске Шигалеево авыл җирлекләрендә түләүсез юридик ярдәм күрсәтте.Чарада ТР Төзелеш,архитектура һәм торак-коммуналь хуҗалыгы министрлык юридик бүлеге белгече Л.А.Әхмәтҗанова катнашты.

"Мираж" отеле конференц-залында төзелеш материалларының импортын алмаштыруга һәм Татарстан Республикасы төзелеш комплексының эш күрсәткечләренә багышланган пресс-конференция үтте. Чара Татарстанда таш вата ясаган беренче завод "Завод ТЕХНО" 10 ел тулуын бәйрәм итүенә багышланган. ТР төзелеш, архитектура һәм ТКХ министрының беренче урынбасары Алексей Фролов билгеләп үткәнче, бүгенге көндә төзелеш материаллары сәнәгате предприятиеләре, төзелеш тармагын төп төзелеш материаллары белән гомумән тәэмин итәләр. Алексей Фролов шулай ук торак төзелеше буенча әйдәп баручы чит ил компанияләренең тәҗрибәсе турында сөйләде. "Без торак төзи торган эре компанияләрнең тәҗрибәсен өйрәнәбез, нинди технологияләр куллану өчен артык нәтиҗәле булганнарын өйрәнәбез, ул барысы яшәү өчен максималь уңай шартлар булдырыр өчен, ихтыяҗ булган һәркем алырлык торак төзү өчен, - дип ассызыклады А. М. Фролов.

Бүген "Архитектура күпере: Казан – Мәскәү. Урта катлы торак төзелешнең заманча архитектурасы" өченче архитектура-шәһәр төзелеше конференциясе узды. Чараны ТР төзелеш, архитектура һәм торак-коммуналь хуҗалык министрлыгы белән төзелеш, архитектура һәм шәһәр төзелеше милли агентлыгы (автоном коммерцияле булмаган оешма) оештырдылар. Быел конференциянең төп темасы буларак урта катлы торак төзелешнең заманча архитектурасын формалаштыру сораулары сайланганнар иде. "Соңгы еллар дәвамында Татарстанда 2,4 млн. кв. м. торак кертелә һәм бу күрсәткеч буенча республика Рәсәй Федерациясе төбәкләре арасында җан башына туры килгән торак тапшыру буенча лидерлар рәтенә тотрыклы керә ", -дип билгеләп үтте министр урынбасары Владимир Кудряшев."Бу арасына биек объект булган да, аз катлы торак та керә. Әлеге торак төзелеше төренең потенциалы әле ачылмаган. Шуңа күрә тәҗрибә уртаклашу монда бик мөһим",-диде Владимир Кудряшев. Архитектура күперенең икенче өлеше " Тарихи җирлекләрнең шәһәр төзелеше һәм проект документлары өчен система: проектлау үзенчәлекләре, закон һәм архитектура проблемалары" темасына багышланган иде.

Алабуга районының Костенеево авылында Президент программасы буенча футбол мәйданчыгы салына башлады. Бу хакта Костенеево авыл җирлеге башлыгы Антон Соловьев хәбәр итте.

"Мәгариф объектларының (мәктәпләр, балалар бакчалары) капиталь ремонты" республика программасының финанслау күләмнәрен саклап калу планлаштырыла. Бу хакта "Татар-информ" мәгълүмат агентлыгы хәбәрчесенә Татарстан Республикасы төзелеш, архитектура һәм торак-коммуналь хуҗалыгының ТКХ программаларын эксплуатация һәм гамәлгә ашыру идарәсе начальнигы, Илдус Насыйров 17-нче номерлы гимназиясенә пресс-тур вакытында сөйләде. "Киләсе елга программа күләме якынча шундый ук дәрәҗәгә, 2,5 миллиард сум, планлаштырыла. Аның сүзләренә караганда, 2017 елда Татарстанда капиталь ремонт 110 балалар бакчаларында, 36 гомуми белем бирү учреждениеләрендә узды, алар арасында җиде коррекцион, – барлыгы 146 объект, аларга 2 млрд. 576 млн. сум сарыф ителгән. " Казандагы өч объектта өстәмә эшләр алып барыла – бу 28 номерлы гимназия, 40 номерлы гимназия, 97 номерлы гимназия. Капремонт үткәргәндә өстәмә эшләр ачыкланды, алар октябрь аенда тәмамланачак", – дип билгеләп үтте министрлык вәкиле.

Ютазы районының Урыссу ш.т.п. буенча 2017 елгы капиталь ремонт программасында 14 күпфатирлы торак йортта төзекләндерү эшләре планлаштырылган иде. Программа кысаларында 2 йортта салкын су белән тәэмин итү, 2 йортта су бүлү, 2 йортта электр белән тәэмин итү системаларын алмаштыру, 14 йортта түбә ремонтлау эшләре башкарылды. Барлык эшләр дә төгәлләнде, ЭТИС буенча сатып алуларны чагыштыру актлары, капиталь ремонт эшләре төгәлләнгәннән соң милекчеләрнең җыелышларының эшләрне кабул итеп алу турындагы беркетмәләре тапшырылды. Капиталь ремонт төгәлләнү уңаеннан күпфатирлы торак йортларны файдалануга тапшыру актлары имзаланды.

Бүген Татарстан Республикасы Президенты Рөстәм Миңнеханов Казанның ремонт-торгызу эшләре алып барылучы берничә социаль һәм мәдәни объектында булды. 

Татарстан Республикасы Президенты белән бергә күчмә эшче киңәшмәдә Татарстан Республикасы Премьер-министры Алексей Песошин, ТР  Президенты Аппараты Җитәкчесе Әсгать Сәфәров, Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы мәдәният министры Айрат Сибәгатуллин, Татарстан Республикасы Президенты ярдәмчесе Олеся Балтусова, Казан мэры Илсур Метшин, Казан районнары администрацияләре башлыклары һәм башкалар катнашты.

Ел башланганнан бирле Татарстанда 1 589,2 мең квадрат метр торак файдалануга тапшырылган. Боларны бүген Татарстан Республикасы Хөкүмәте Йортында узган республика киңәшмәсендә хәбәр иттеләр. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.