ЯҢАЛЫКЛАР

Алексеевск районында өй туе узды. Хәзер Ялкын кешеләре “Гражданнарны авария хәлендәге торак фондыннан күчерү”  программасы буенча бер катлы дүрт фатирлы өйдә яшәячәкләр. Зур булмаган, ләкин җылы фатирларда ике контурлы казаннар, газ плитәләре, санузел  куелган, стеналарына обойлар ябыштырылган. Башкарма комитет җитәкчесе Дамир Гыйләҗев ачкычлар тапшырганда ялкынлыларны яңа өйгә күчүләре белән котлады һәм аларга яңа өйдә бәхетле яшәүләрен теләде.

Бүген ТР төзелеш, архитектура һәм торак-коммуналь хуҗалык министры Ирек Фәйзуллин кушуы буенча, ГЖФ инвестиция программасы кысаларында торак йортларны тәзү соравы буенча министр урынбасары Илшат Гимаев киңәйтелгән киңәшмә үткәрде, анда техник заказчы алдында 2017 нче ел өчен бурычлар да куелган иде.

Быел барлыгы 31 муниципаль районда 31 яңа клуб төзү күздә тотыла. Бу хакта бүген “Татар-информ” мәгълүмат агентлыгы уздырган матбугат конференциясендә республиканың төзелеш, архитектура һәм торак-коммуналь хуҗалык министры урынбасары Илшат Гыймаев хәбәр итте.

Төзелеш һәм архитектура буенча Татарстан Республикасының Дәүләт экспертизасы һәм бәя кую идарәсе" экспертлары 2017 елның 25 нчы гыйнварында уза торган смета-норвматив базасына багышланган семинар-брифингны уздыру  кысаларында 25 нче деакаберенең 2016 нчы елында РФ Хөкүмәте тарафыннан расланган яңа методикалар буенча смета бәясен билгеләү үзенчәлекләре буенча аңлатмалар белән чыгыш ясыячаклар. Семинарда 2017-нче елда мәҗбүри куллануга алыначак яңа методикалар җентекләп каралачак:

-материалларга, эшләнмәләргә, конструкцияләргә, төзелеш өчен йөк ташу хезмәтләре бәяләренә һәм җиһазларга сметалы бәяләрне билгеләү методикасы;

-машиналарны һәм механизмларны кулланштан алуга сметалы бәяләр билгеләү методикасы;

-төзелештә хезмәт чыгымнарына сметалы бәяләү методикасы;

-төзелеш ресурсларының бәяләренә мониторинг кагыйдәләре;

Семинарда һәр катнашкан кеше CD-дискларда раздаток материаллар комплектын алачак.

Бүген ТР Төзелеш министрылыгында Ирек Фәйзуллин  министры җитәкчелегендә Казан шәһәренең М-14 микрорайонының инженер челтәрләрен проектлау сораулары буенча киңәшмә узды.

Республика программасы кысаларында Әлки районының Югары Әлморзаның клубына быел капиталь ремонт ясалачак. Әлегә ремонт эшләре башлангыч стадиядә генә – документлар әзерләнә, проект төзелә. Ә менә Иске Камкада яңа клуб төзүгә керешкәннәр инде. Клубның фундаменты әзер, ташчылар цоколь чыгара. Шулай ук Чуаш Кичүендәге “Кыңгырау” исемле балалар бакчасында һәм күпфатирлы өч йортта ремонт эшләре көтелә. Бу күләмле эшне “Строитель и К” җәмгыятенә тапшырдылар.

Казанның 3 нче Оренбург тракты урамы буенча 306 фатирлы торак йорт төзеп бетерелгән һәм файдалануга тапшырылырга әзерләнә (Төзүче -"Ак Таш" ҖЧҖ). ТР Дәүләт төзелешен күзәтү инспекциясе исеменнән ярашлылык бәяләмәсе алынган.

«Ветераннарга – торак» федераль программасы нигезендә узган елны җиде ветераннар торак белән тәэмин иткәннәр. Әлеге программа кысаларында дүрт райондашыбыз Әлмәттән, Яр Чаллыдан, Лениногорскийдан һәм Чирмешәннән квартиралар алган. Өч кеше туган якта аерым йорт төзүгә өстенлек биргән. Сүз уңаеннан, бүген торак шартларын яхшыртуга тагын дүрт райондашыбыз чиратта тора. Программа гамәлгә кергәннән бирле 248 – ветераннар һәм аларның тол калган хатыннары тораклы булган.

Район башкарма комитеты җитәкчесенең инфраструктур үсеше буенча урынбасары Илдус Гыйззәтов сүзләренә караганда, быел шәһәрнең “Кояшкай” һәм Ырыңгы, Кыят авылларындагы балалар бакчаларына капиталь ремонт үткәрелә. Беренче икесендә төзекләндерү эшләре башланды да инде. Моннан тыш ике шәһәрдә ике спорт мәйданчыгы булдырылачак. Аларның берсе ветеринария техникумы тулай торагы, икенчесе Мәдәни үсеш үзәге территориясендә.

Яңа 2017 елда районда төрле программалар буенча 500 миллион сумга якын бәягә төзелеш һәм капиталь ремонт эшләре башкару планлаштырыла. Моңа торак, социаль объектлар: мәдәният йортлары, фельдшерлык-акушерлык пунктлары, спорт мәйданчыклары, балалар бакчалары, мәктәпләр төзү һәм аларга капиталь ремонт үткәрү керә.