ЯҢАЛЫКЛАР

“ТКХ реформалаштыруга ярдәм Фонды” дәүләт корпорациясе бүген РФ субъектлары белән селектор киңәшмә уздырды. Сүз “185-ФЗ буенча каралган финанс ярдәм алган РФ субъектларының еллык нәтиҗәләре” турында барды.  

Татарстан Республикасыннан Төзелеш, архитектура һәм торак-коммуналь хуҗалыгы министрының беренче урынбасары Фәрит Ханифов катнашты.  

Татарстан Республикасыннан күпфатирлы йортларда капиталь ремонт уздыру программасы, гражданнарны авария хәлендәге торактан күчеру программасы һәм өстәмә программалар буенча еллык отчет әзер, хәзерге вакытта Фонд карамагына җибәрелгән.

Түбән Кама муниципаль районы һәм Яр Чаллы шәһәре буенча Фонд хакыннан финанс ярдәм алу турында гариза Фондта теркәлгән.

Арендалы торак төзү һәм гражданнарны авария хәлендәге йортлардан күчерү турында бүген Төзелеш министрлыгында киңәшмә узды. Министрның беренче урынбасары Фәрит Ханифов ТКХ Фонды генераль директорының урынбасары Владимир Талалыкин һәм шул ук фондның регион программалары департаменты директоры Олег Рурин (Мәскәү ш.) катнашында татарстанлыларның торак сорауларын ни юллар белән чишеп булуы турында сүз алып бардылар. Сөйләшүдә шулай ук министрның ике урынбасары – Алексей Фролов, Равил Каримов, Казан Башкарма комитеты башлыгы Алексей Песошин, ААҖ “ТР Ипотека агентлыгы”ның генераль директоры Андрей Симаков катнаштылар.

ТР Төзелеш, архитектура һәм торак-коммуналь хуҗалык министрының беренче урынбасары Фәрит Ханифов сүзләренә килгәндә, федерация хөкүмәте 2020 елга барлык төзеләчәк торакның 20% арендага тапшырылачак дип өметләнә.

ТР Төзелеш, архитектура һәм торак-коммуналь хуҗалыгы хезмәткәрләре министрның беренче урынбасары Фәрит Ханифов башлыгы астында “Россия чаңгы юллары-2012”дә катнаштылар.

“Россия чаңгы юллары-2012” – иң зур бөтенроссия массакүләм чаңгы ярышы, ел саен 1982 елдан бирле үткәрелә.  Казанда бу ярыш сигезенче мәртәбә уздырыла. Барлыгы ярышта 21870 казан халкы катнашты, ә Татарстанда – 129153 кеше кышкы уеннар гадәтен хуплады.

Гыйнвар аенда Татарстанда 243 мең кв. м. торак тапшырылган, бу еллык бурычның 10 процентын тәшкил итә. Бу хакта бүген ТР Хөкүмәт йортында төзелеш һәм торакны файдалануга тапшыруга, Бөек Ватан сугышы ветераннарын торак белән тәэмин итүгә, гражданнарны авария хәлендәге торактан күчерү буенча адреслы программаны гамәлгә ашыруга багышланган киңәшмәдә ТР төзелеш, архитектура һәм торак- коммуналь хуҗалык министры Ирек Фәйзуллин белдерде.
ТР Хөкүмәт йортынlа узган киңәшмәне Татарстан Президенты Рөстәм Миңнеханов үткәрде. Бу чарада ТР Премьер-министры Илдар Халиков та катнашты.

Бүген узган семинарда күпфатирлы йортларның энергетик эффективлыгын арттыру турында сүз барда. Семинарны СРО РНП “ТР күпфатирлы йортлар белән идарә итүче оешмалар бердәмлеге”, ТР Төзелеш, архитектуры һәм торак-коммуналь минисрлыгы, ТР Энергетика министрлыгы һәм Казан шәһәре Башкарма комитетының Авиатөзелеш һәм Яңа Савин районнары администрациясе оештырды.

Семинарда катнашучылар – күпфатирлы йортлар белән идарә итүче һәм коммуналь хуҗалык өлкәсендәге оешмалар җитәкчеләре – эшне Казан шәһәре Яңа Савин районында урнашкан энергоэффектив торак комплексын караудан башладылар. Соңрак алар “Химград” технополисына юл тотып, анда “энергоэффектив “торак йорты” үрнәгендә бүгенге көндә инновацион саналган энергия саклаучы технологияләр белән танышып уздылар. Семинарның пленар өлеше Төзелеш министрлыгы бинасында узды, аны министр урынбасары Равил Каримов һәм СРО РНП «СОУ МКД РТ» директоры Назиф Фатыйхов ачып җибәрделәр.

Министрлык матбугат хезмәте “Күпфатирлы йортларда энергетик эффективлыкны күтәрү. Казанның Яңа Савин районында идарә итүче оешма ООО УК “Уютный дом” тәҗрибәсе” темалы семинарга журналистларны чакыра.

Семинар 8 февраль көнне 9дан 13 сәгатькә кадәр, Министрлык бинасында уздырыла (Казан ш., Дзержинский урамы, 10 йорт).

Татарстанда капиталь ремонт контрольгә алына. Хәзерге вакытта эш башкарачак подрядчы оешмаларны сайлыйлар. Узган ел ремонтны җиренә җиткереп башкармаган 3 оешманы быелгы исемлеккә кертелмәгән. Андый оешмаларның саны тагын да күбрәк булуы ихтимал.

Татарстанның 17 муниципаль берәмлегенең 145 йортында капиталь ремонт эшләре башланган.Бу хакта бүген ТР Хөкүмәт йортында Татарстан Президенты Рөстәм Миңнеханов үткәргән республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин белдерде.

Татарстанда торак-коммуналь тарифлар башка төбәкләргә караганда шактый арзан. Моңа карамастан, айлык түләүләр күп гаиләнең бюджетына суга. Шуңа тарифларны киметүнең төрле юллары карала.
Республикада коммуналь тарифларны йөгәнләү эше 2011 елда  башланды. Шуларның берсе — торак милекчеләре ширкәте, идарә компанияләре эшчәнлеген тикшерү. Халык коммуналь хезмәт күрсәтүчеләрнең түгәрәкләнгән бәяләреннән арган иде бит. Хәзер идарә компанияләр турында мәгълүматны интернетка, киң җәмәгатьчелек хозурына чыгару эше бара. Әлбәттә, бу иң беренче чиратта хезмәттән файдаланучыларның үзенә кирәк. Татарстан Президенты Рөстәм Миңнеханов та узган елның декабрендә район башлыкларына ай саен ким дигәндә биш кешенең коммуналь исәбен алып карарга кушкан иде.

Бүген Татарстан Республикасы Премьер-министры Илдар Халиков ТР Хөкүмәте йортында Сингапурның «RSP Architect planners&engineers ltd» компаниясе башлыгы, Сингапурның элеккеге баш архитекторы Лиу Тай Кер белән очрашты. Очрашуда шулай ук ТР Премьер-министры урынбасары – мәгълүматлаштыру һәм элемтә министры Николай Никифоров катнашты.

RSP башлыгы республика җитәкчелегенә Казан янында, Татарстанның Югары Ослан районында төзеләчәк “Иннополис” инновацион шәһәр-иярчененең мастер-планын эшләүнең барышы хакында хисап тәкъдим итте.

Очрашудан соң анда катнашучылар журналистларның сорауларына җавап бирде. Николай Никифоров белдергәнчә, “Иннополис” шәһәр-иярченен төзү эшләре киләсе елның язында башланачак.

“Без әлеге территориядә хезмәт күрсәтүче персонал, хезмәткәрләрнең гаиләләрен дә исәпкә алып, 20 меңгә якын белгеч урнашыр дип уйлыйбыз. Әлеге торак пунктта 50 мең чамасы кеше яшәячәк”, - дип хәбәр итте Н.Никифоров.

“Теләсә кайсы шәһәр территориясендә яхшы мастер-план эшләү өчен күптөрле параметрларны исәпкә алырга кирәк. Әлеге процесс бик озак вакытны ала”, - дип ассызыклады үз чиратында Лиу Тай Кер.