ЯҢАЛЫКЛАР
Татарстанда 226 медицина учреждениесендә зур темплар белән капиталь ремонт бара. Шуларның 151е – «Дәвамлы һәм актив тормыш» яңа илкүләм проекты буенча. Бүлеп бирелгән акчаларның гомуми суммасы 3 млрд 424 млн сумнан артып киткән. Бу хакта Татарстан Республикасының Төзелеш, архитектура һәм торак-коммуналь хуҗалык министры урынбасары Дамир Шәйдуллин хәбәр итте.
Бүген Төзүчеләр көне алдыннан ТР Төзелеш, архитектура һәм ТКХ министры Марат Айзатуллинның традицион матбугат конференциясе узды.
Үз чыгышында министр билгеләп үткәнчә, агымдагы елда министрлык 48 республика программасын, 6 илкүләм проектны, 4 дәүләт программасын һәм программадан тыш чараларны гамәлгә ашыруда катнаша. Аларга 140 млрд 67 млн сумлык 3677 объект кертелгән.
Татарстанда күп фатирлы йортларга капиталь ремонт ясау дәвам итә. Программага 42 муниципалитетта 911 йорт кертелгән. Узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин шундый мәгълүмат китерде.
Уку елы башына барлык 213 мәгариф объектын ремонтларга кирәк. Эшләр 4 республика һәм 4 федераль программа буенча алып барыла. Бу хакта узган шимбәдә ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.
Бүген ТР Төзелеш министрлыгында 2024 елдагы эш нәтиҗәләре буенча төзелеш тармагында бөтенроссия конкурсларында җиңүчеләрне һәм призерларны бүләкләү тантанасы узды.
Сәламләү сүзе белән Татарстан Республикасы Төзелеш, архитектура һәм торак-коммуналь хуҗалык министры урынбасары, Татарстан Республикасы Төзүчеләр берлеге президенты Илшат Гыймаев чыгыш ясады. Ул билгеләп үткәнчә, республиканың төзелеш комплексы Россия Федерациясе субъектлары арасында алдынгы урыннарның берсен алып тора.
Яр Чаллыда Шлюзовая урамындагы 579 метр озынлыктагы суүткәргеч челтәр участогына капиталь ремонт ясалган. Объект «Яшәү өчен инфраструктура» илкүләм проекты программасына кертелгән, бу максатларга 20 млн 445 мең сум акча бүлеп бирелгән.
Арчада Арча муниципаль районы җәмәгать судьялары эшли торган бинага капиталь ремонт ясалган. Эшләр Татарстан Рәисе Рөстәм Миңнеханов инициативасы белән җәмәгать судьяларының суд участоклары биналарын капиталь ремонтлау республика программасы буенча башкарылды.
Ел саен бирелә торган илкүләм премия Россия төбәкләрендә эшче һөнәрләренең абруен ныгытуга һәм хезмәт казанышларын популярлаштыруга юнәлдерелгән.
Җиңүчеләрне сайлап алу түбәндәге критерийлар буенча уза: «Технологик лидер», «Иң яхшы остаз», «Яшь белгеч», «Гаилә хезмәт династияләре», «Ветераннар советы» һәм «Хезмәт патриотик тәрбиясе».
Сөт ризыкларын өләшү пунктларына капиталь ремонт Татарстан Рәисе Рөстәм Миңнеханов контролендә. Агымдагы елда капремонт буенча республика программасына 27 муниципаль берәмлектә 56 объект кертелгән, гомуми финанслау 116 млн 279 мең сум тәшкил итә. Хәзерге вакытка төзүчеләр барлык объектларда да эшләрне төгәлләгәннәр.
Шәһәрләрне һәм торак-җирләрне төзекләндерүгә багышланган I Бөтенроссия медиаконтент конкурсына гаризалар кабул итү башланды. Конкурс иң яхшы төзекләндерү практикаларын популярлаштыруга һәм шәһәр мохите үсешен яктыртуга һөнәри һәм яшьләр медиа бергәлеген җәлеп итүгә юнәлдерелгән.