ЯҢАЛЫКЛАР

2021 елда Татарстан Республикасында 2 млн. 670 мең кв. м. торак төзү планлаштырыла. Бүгенге көндә әлеге күләмнең 16,5% ы төзелгән инде. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә шулай ук ТР Премьер-министры Алексей Песошин да катнашты.

Аерым алганда, 280 мең кв. метрны социаль ипотека программасы буенча тапшыру планлаштырыла. Бүгенге көндә 1 353 фатирлы 17 йорт тапшырылган. 2021 елда социаль ипотека буенча барлыгы 161 йорт төзеләчәк. Аларның 69ы әзер диярлек. Коммерция төзелешенә килгәндә, агымдагы елда 1 млн кв. метрдан артык мәйданлы 164 күп фатирлы йортны гамәлгә кертү планлаштырыла.

Марат Айзатуллин калган 126 йортның әзерлек дәрәҗәсе турында мәгълүмат китерде. Мәсәлән, 43 йорт әзер диярлек (70%-100%), 48 йорт - уртачаәзерлектә (30% -70%), 35 йортта 30%ында эшләр күп әле (0% -30%).

Моннан тыш, 2021 елда 8 330 индивидуаль төзелеш йорты тапшырылырга тиеш. Хәзерге вакытта шуларның 1 505е файдалануга тапшырылган, ягъни планның 18,1% ы.

Татарстан Республикасы Төзелеш министрлыгы башлыгы шулай ук гражданнарның аерым категорияләрен торак белән тәэмин итү программасын гамәлгә ашыру турында да сөйләде. Аерым категория гражданнарны торак белән тәэмин итү чараларына 2021 елда 1 млрд.200 млн. сум бүлеп бирелгән. Алучыларның гомуми саны 739 гаилә.

Бу елны алучылар исемлегенә 636 ятим бала кертелгән. Беренче контракт 68 фатирга төзелергә тиеш. ТР Дәүләт торак фонды конкурс процедураларын үткәрү өчен торак урыннар исемлеген формалаштырган инде, хәзер аларны сайлап алу буенча эш алып барыла.

Яшь гаиләләрне торак белән тәэмин итү программасы буенча 2021 елда субсидияләрне 49 алучыга күчерү планлаштырыла. «Электрон бюджет» системасында 15 муниципаль берәмлек килешү төзегән.

Марат Айзатуллин сүзләренә караганда, күп балалы гаиләләрне торак белән тәэмин итү буенча да эш алып барыла. 20 февральгә 16 сертификат рәсмиләштерелгән, шул ук вакытта быел аларны 45 гаилә алган. Шундый гаиләләрнең берсендә берьюлы 10 бала тәрбияләнә.

Мәҗбүри күченүчеләр, чернобыльчеләр һәм Ерак Төньяктан күченүчеләр категориясе буенча хәзер исәпкә алу эшләре актуальләшә. Быел төбәктә шундый 9 кеше яши.

Дәүләт төзелешен күзәтү инспекциясе агымдагы елда объектларга 158 тапкыр тикшерү белән чыкты. Закон бозучыларга салынган штраф санкцияләренең гомуми суммасы 30 мең сум тәшкил итә. СРОда әгъза булган тагын 184 оешма үзлегеннән җайга салынучы оешмалар көче белән тикшерелгән.

Дәүләт программалары кысаларында төзелә торган объектлар берничә йорттан тора – аларны ТР Баш инвестицион-төзелеш идарәсе тикшерә. Ел башыннан ДТИИ шундый 337 тикшерү үткәргән. Контроль-күзәтчелек чаралары барышында 15 муниципаль районда 113 хокук бозу очрагы ачыкланган, шуларның 67се бетерелгән. Калган 30 муниципаль берәмлектә хокук бозулар ачыкланмаган.

Бүген Татарстан Республикасы Президенты Рөстәм Миңнеханов эш сәфәре белән Түбән Кама муниципаль районына барды. Чарада шулай ук ТР төзелеш, архитектура һәм ТКХ министры Марат Айзатуллин катнашты. Визит барышында ул күп профильле район үзәк хастаханәсендә булды, анда узган ел 3 нче дәвалау корпусына капиталь ремонт ясауның беренче этабы тәмамланган иде.

Дәвалау корпусы 1984 елда төзелгән. Биредә кабул итү-диагностика, анестезиология-реанимация, гинекология, хирургия һәм операция бүлекләре урнашкан. Беренче этап кысаларында бинаның бер өлеше ремонтланды. Төп операция бүлеген хастаханә эчендәге инфекцияләү һәм операциядән соң өзлегүләр куркынычын киметергә, авыр пациентларны дәвалауның нәтиҗәлелеген арттырырга мөмкинлек бирүче «чиста биналар» комплексы белән җиһазландырдылар.

Рөстәм Миңнеханов дәвалау корпусының бүлмәләрен карап чыкты һәм капиталь ремонтның киләсе этабы барышы белән танышты. Бинаның икенче яртысында электромонтаж һәм штукатурлау-буяу эшләре, тәрәзәләрне һәм вентиляция системаларын амаштыру эшләре бара. Ремонтны җәй көне тәмамлау планлаштырыла.

Шулай ук Рөстәм Миңнехановка ашыгыч һәм кичектергесез ярдәм үзәге белән яңа кабул итү-диагностика бүлеге проектын тәкъдим иттеләр. Объект тәүлек буе эшли торган стационарның 192 ятагын һәм сменага 200 кешегә исәпләнгән кабул итү-диагностика бүлеген үз эченә ала. Хәзерге вакытта проект-смета документациясе эшләнгән.

Соңрак Түбән Кама районының социаль-икътисадый үсеше мәсьәләләре буенча киңәшмә барышында Рөстәм Миңнеханов кабул итү-диагностика бүлеген төзүнең статик әһәмияткә ия булуын билгеләп үтте. Проектны гамәлгә ашыру өчен ТР Президенты федераль һәм төбәк программалары мөмкинлекләрен кулланырга, шулай ук шәһәрне барлыкка китерүче предприятиеләр ярдәменнән файдаланырга өндәде.

Бүген Чаллыга эш сәфәре кысаларында Татарстан Республикасы Президенты Рөстәм Миңнеханов капиталь ремонтланган Салих Сәйдәшев исемендәге 6 нчы балалар музыка мәктәбендә булды. Чарада шулай ук ТР төзелеш, архитектура һәм ТКХ министры Марат Айзатуллин катнашты.

Музыка мәктәбе 1981 елда ачыла. 1990 елда аңа татар профессиональ музыкасына нигез салучы Салих Сәйдәшев исеме бирелә. Музыка мәктәбен 2 меңнән артык укучы тәмамлаган.

Рөстәм Миңнеханов өчен мәктәптә экскурсия уздырдылар, уку сыйныфларын күрсәттеләр. Капиталь ремонт кысаларында бинада фасадны җылыту һәм тышлау, түбә кору эшләре башкарылды, инженер челтәрләре яңартылды, сәхнә җиһазлары монтажланды, яңа җиһазлар урнаштырылды.

Президентка хәбәр ителгәнчә, хәзер мәктәптә 573 бала шөгыльләнә. Укыту 17 белгечлек буенча алып барыла. Укучылар иҗат коллективлары составында актив эшчәнлек алып баралар, төрле дәрәҗәдәге конкурсларда югары нәтиҗәләргә ирешәләр. Актлар залында Рөстәм Миңнеханов мәктәп ансамбльләре иҗаты белән танышты һәм балалар белән истәлеккә фотога төште.