ЯҢАЛЫКЛАР

Үзәк урамда нибары биш яктырткыч бар иде, дәүләт программасы ярдәмендә алар урынына ун светодиодлы лампа урнаштырылды. Әлки районының Каргалы авылында Дәүләт программасы буенча Үзәк урамны яктырту системасын яхшырттылар. Элек Үзәк урамда нибары биш яктырткыч бар иде. Дәүләт программасы ярдәмендә алар урынына ун светодиод лампа урнаштырылды. Каргалы авыл җирлеге башлыгы Рамил Минһаҗев аныклап үткәнчә, алар экономияле һәм электр энергиясен азрак куллана. Моннан тыш, биредә 500 метр электр үткәргеч алмаштырылган.

Татарстан Республикасында 2020 елның 14 августына 1 млн 650,2 мең кв.м торак гамәлгә кертелгән, бу планның 55,4%ы. Бүген бу хакта Татарстан Республикасы Хөкүмәте йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты. 

Татарстан Республикасы Төзелеш министрлыгы башлыгы хәбәр иткәнчә, Татарстан Республикасы Дәүләт төзелеш күзәтчелеге инспекциясе тарафыннан 777 тикшерү уздырылган. Хезмәтне саклау кагыйдәләрен һәм нормаларын бозган өчен 3 млн. 625 мең сумлык 91 карар чыгарылган.  

Татарстан Республикасы Президенты каршындагы Дәүләт торак фондының (ТР ДТФ) 2020 елга инвестицион программасы буенча – мәйданы 83,6 мең кв. метр булган 439 фатирлык 53 торак йорт буенча статистика органнарына хисаплар тапшырылган. 2 атна эчендә 9,0 мең кв.м. 1 объект тапшырылган (Әлмәт ш.).     

Үтәлеше: 133,5 мең кв.метр мәйданда 46 объект – әзер диярлек, уртача әзерлектә - 55,2 мең кв.метрда 20 объект, 1,3 мең кв.метр мәйданда 11 объектта эшләр күп әле.

2020 елда күп фатирлы инвестицион торак программасы буенча 1 млн 317,2 мең кв. м мәйданда 177 күп фатирлы йортны эксплуатациягә кертү каралган. Бүгенгә 1 млн 317,2 мең кв. м мәйданда 76 йорт файдалануга тапшырылган, планның 42,8%ы. 73 йорт әзер диярлек (70%-100%), 28 йорт уртача әзерлектә (30%-70%), 4 йортта эшләр күп әле (0%-30%).

2020 елда индивидуаль торак төзелеше буенча 1 млн 388,2 мең кв. м мәйданда 10 мең 680 йорт төзү планлаштырыла. 14 августка 1 млн. 2,9 мең кв. м мәйданда 7 мең 714  индивидуаль торак йорт файдалануга тапшырылган, бу – планның 72,2%ы. Ике атна эчендә динамика – 85,5 мең кв. м.

Гражданнарга торак төзелешендә дәүләт ярдәме күрсәтү программасы буенча 1 млрд 193,4 млн сум күләмендә 728 гаиләнең торак шартларын яхшырту карала.

2020 елда барлыгы 600 ятим һәм ата-ана каравыннан мәхрүм калган балаларны, шулар арасыннан булган затларны торак белән тәэмин итү планлаштырыла.

205 торак урынына республика хокукы теркәлгән, ятим балалар белән торак яллау шартнамәләре төзелгән; 36 торак урынына Татарстан Республикасы Җир һәм мөлкәт мөнәсәбәтләре министрлыгына кабул итү-тапшыру акты тапшырылган; 42 торак урынына ТР ДТФ хокукы теркәлгән; 25 торак урыны буенча сатып алу әзерлеге бара; 41 торак урыны тапшырылмаган йортларда урнашкан (әзерлекләре 85%тан артык).

Фәрит Хәнифов хәбәр иткәнчә, барлык 46 күп гаиләгә дә торак алу сертификатлары рәсмиләштерелгән.

Моннан тыш, 14 августка торак алуга субсидияләр 35 яшь гаиләгә күчерелгән.  

35 мәҗбүри күченүчедән Ерак Төньяктан күченүче һәм чернобыльчены торак белән тәэмин итү кысаларында 15 сертификат гамәлгә ашырылган.

Министр хәбәр иткәнчә, «Сәламәтлек саклау» илкүләм проекты буенча 3 юнәлеш гамәлгә ашырыла: ФАПлар төзү (43 объект); табиб амбулаторияләре төзү (7 объект); гомуми практика табибы офисы төзү.                             

«Спорт» тармагында универсаль спорт мәйданчыклары (84 объект); блоклы-модульле чаңгы базалары төзү дәвам итә (6 объект).

13 августка 70 муниципаль берәмлектә 70 универсаль спорт мәйданчыгы төзү тәмамланган. Калган объектларда эшләр дәвам итә.

Блоклы-модульле чаңгы базалары төзү барлык 6 объектта да бара.

«Мәдәният» илкүләм проекты буенча авыл клублары төзү дәвам итә. 13 августка барлык 12 объектта да эшләр оештырылган.

«Яшьләр сәясәте» программасы буенча балаларны савыктыру лагерьларын төзү һәм аларны яңарту эшләре бара. 8 объект төзү һәм 1сенә реконструкция каралган. Бүгенгә 5 объектта эшләр тәмамланган; 4 объектта эшләр дәвам итә.

Татарстанда шулай ук сыер һәм сарык фермаларын, силос-сенаж траншеяләрен төзү һәм аларга капиталь ремонт, җирлекләр советлары биналарын, халыкка хезмәт күрсәтүнең блоклы-модульле пунктларын төзү каралган.

2020 елга «Уңайлы мохит» программасы буенча быел гомуми суммасы 16,58  млн. сумга 12 гомуми белем оешмасын җайлаштыру каралган. 12 объектның берсендә эшләр тәмамланган, 11 объектта эшләр дәвам итә.

Рөстәм Миңнеханов сыйфатлы объектлар төзү өчен барлык төзелеш нормаларын катгый үтәүне җентекләп тикшереп торырга кушты.  

Бүген, капиталь ремонттан соң, Печище авылында яңартылган мәдәният йорты ишекләрен ачты. Ачылу тантанасында Югары Ослан районы башлыгы Марат Зиатдинов катнашты. Залга кергәндә, халык бу үзгәрешләрне шатланып кабул итә. Якты стеналар, матур пәрдәләр, сәхнә. Музей фойега бик гармонияле килеп керде. Ышанычлы әйтә алам, безнең район катнаша торган республика программалары тагын да булыр, бу чираттагы ремонтланган клуб, ишегалды территорияләрен төзекләндерү, мәктәпләрне ремонтлау, ФАП төзелеше һ.б. дигән сүз. 2020 елда без 26 программада катнашабыз, ә алар республика буенча 50, - дип дәвам итте Марат Галимҗанович. Чара районның иҗат коллективлары концерт программасы белән тәмамланды.

Татарстан Республикасы Президенты Рөстәм Миңнеханов бүген Алабугада эш сәфәрендә. Максаты – Татарстан Республикасы мәгариф һәм фән хезмәткәрләренең республика август киңәшәмсендә катнашу. 

Эш сәфәре кысаларында Татарстан Республикасы Президенты һәм Татарстан Республикасы Дәүләт Киңәшчесе Минтимер Шәймиев берничә мәгариф учреждениесендә булдылар. Беренчесе – Алабуга политехника колледжы. Хәзерге вакытта колледж шәһәрнең сәнәгать предприятиеләре һәм «Алабуга» МИЗ резидент предприятиеләре өчен эшчеләр һәм белгечләр әзерли.

2014 елда Алабуга политехника колледжы базасында машина төзелеше тармагы өчен белгечләр әзерләү буенча ресурс үзәге булдырылган.  Татарстан Республикасы Президенты һәм Татарстан Республикасы Дәүләт Киңәшчесе лабораторияләрне һәм остаханәләрне карап чыктылар, Алабуга политехника колледжы вәкилләренең Ворлдскиллз стандартлары буенча ярышлардагы чыгышлары нәтиҗәләре белән таныштылар. Цехларның берсендә җитештерелгән автомобиль капотында Татарстан Республикасы Президенты истәлекле язма калдырды.    

Тагын Рөстәм Миңнеханов һәм Минтимер Шәймиев авыл хуҗалыгы техникасы күргәзмәсен карадылар, бу техника Алабуга районының «МТЗ-Татарстан» предприятиесендә җитештерелә. 

Шуннан соң Татарстан Республикасы Президенты һәм Татарстан Республикасы Дәүләт Киңәшчесе КФУның Университет мәктәбенә юнәлделәр, анда аларга яңа уку йортын тәкъдир иттеләр. Ул 5 нче гомуми белем оешмасы базасында эшләячәк.

Мәктәптә төрле юнәлештә һөнәргә өйрәтү буенча сыйныфлар ачылган: ИТ, химия-биология һәм социаль-икътисад тармаклары. Беренче сентябрь көнне Университет мәктәбе 465 укучы кабул итәчәк. 

Видеоконференцияэлемтә аша Татарстан Республикасы Президенты  КФУның «Буревестник» шәһәр яны савыктыру лагеры базасындагы җәйге физика-математика мәктәбе укучылары белән аралашты . 

Рөстәм Миңнеханов билгеләп үткәнчә, республика өчен мондый заманча мәгариф үзәкләре булу бик мөһим. «Безгә физика-математика юнәлешендәге һәм цифрлаштыру тармагындагы белгечләр бик кирәк. Сез – бу юнәлешләр лидерлары. Казан Федераль университеты кураторлыгы сезгә конкуренциягә сәләтле булырга ярдәм итәчәк», - диде Татарстан Президенты. 

Аннары Рөстәм Миңнеханов һәм Минтимер Шәймиев яңа «Адымнар-Алабуга» полилингваль комплексына юнәлделәр. Аның территориясендә республиканың муниципаль берәмлекләренә мәктәп автобусларын тапшыру тантанасы узды. Барысы 200 автомобиль. 

«Мәгариф системасы – безнең өчен беренче урындагы мәсьәлә. Бу –  конкуренция, бу – безнең киләчәгебез. Бүген республикада мәгариф өлкәсендә күп эшләр башкарыла. Безнең бурыч –белем алуда барлык балалар өчен бертигез мөмкинлекләр тәэмин итү», - дип белдерде Рөстәм Миңнеханов. 

Рөстәм Миңнеханов ассызыклаганча, 1 сентябрьдән мәктәп маршрутлары буенча 800 автобус йөриячәк. «Без балаларны мәариф учреждениеләреләренә имин һәм уңайлы илтеп җиткерү өчен барысын да тәэмин итәчәкбез», - диде ТР Президенты.

Апас шәһәр тибындагы бистәсендә яңа янгын сүндерү-коткару частен төзү мәсьәләсе күптән өлгерде. Янгын депосының иске бинасы 40 ел элек төзелгән. Һәм менә, янгын сүндерүчеләрнең шатлыгына, яңа янгын частен төзү мәсьәләсе уңай хәл ителде. Бу Татарстан Республикасы Президенты Рөстәм Миңнеханов ярдәме белән мөмкин булды. Бүген көтеп алынган объектка техник документация таләпләренә туры килү-килмәү турында бәяләмә бирелде. Яңа янгын сагы объекты өч урынга янгын депосын, техникага хезмәт күрсәтү һәм җиһазларны саклау өчен өстәмә бүлмәләрне, блок-модульле котельныйны, җир асты янгын резервуарын, канализация насос станциясен, каты көнкүреш калдыклары өчен мәйданчыкны үз эченә ала. Хәрби һәм спорт әзерлеге өчен теплодымокамера, спорт мәйданчыгы, укыту-тренировка янгын сүндерү манарасы булдырылган.

ТР Төзелеш, архитектура һәм торак-коммуналь хуҗалык министры эш визиты белән Кубас мәктәбендә һәм 17 нче балалар бакчасында булды.

Чистай районы башлыгы Дмитрий Иванов, Фәрит Мөдәрис улы Кубас төп гомуми белем бирү мәктәбендә булды. Комиссия май ахырында башланган ремонт эшләренең барышын карады.

Комиссия әгъзалары ремонтның ахыргы этабына чыгуын билгеләп үттеләр. Төзүчеләр эшләрне уку елы башына тәмамларга тиеш.

Коридорлар, сыйныфлар, хуҗалык бүлмәләре ремонтланды. Эчке отделка эшләре тәмамланган диярлек.

Министр визиты программасында икенче объект 17-нче номерлы балалар бакчасы булды. Ул 6 төркемнән тора, шуларның берсе ясельная. Мәктәпкәчә учреждение мөдире билгеләп үткәнчә, төзүчеләрнең зур эш башкаруыннан канәгать. Капиталь ремонт 98% ка үтәлгән.

- Без балаларның балалар бакчасына йөри башлауларын бик көтәбез. Безгә барысын да алмаштырдык: суүткәргечтән алып түбәгә кадәр. Бина 1972 елда төзелгән һәм хәзерге вакытта үткәрелә торган капиталь ремонт – аның өчен беренче. Инженерлык системасын яңартуга бик шатбыз.

Визит нәтиҗәләре турында киңәшмәдә сөйләштеләр.

- Беренче сентябрьдә безнең балалар сыйфатлы уку йортларына керәчәк. Ике мәгариф учреждениесендә дә ремонтны бер подрядчы оешма башкара. Әле эшлисе эшләр бар, әмма төзүчеләр билгеләнгән вакытка сыешыр дип уйлыйм, - ди Фәрит Мөдәрисович.

Киңәшмәдә район башлыгы Дмитрий Иванов Чистай районында капиталь ремонт программасы гына актив тормышка ашырылмавын билгеләп үтте. Соңгы 5 елда 3 яңа балалар бакчасы, 19 ФАП, 20дән артык спорт мәйданчыгы, спорт комплексы, стадион, яңа мәктәп һәм башка объектлар төзелде.

Бүген Татарстан Республикасы Президенты Р.Н. Миңнеханов Биек Тау авылында яңа йөзү бассейнын ачты.

Бассейнда тәүлегенә 576 кеше йөзеп чыга алачак.

Татарстан Президенты яңа бассейн бинасын карап чыкты һәм башкарылган эшләрнең югары сыйфатлы булуын билгеләп үтте.   

Рөстәм Миңнеханов ассызыклаганча, Бүген Биектау районы актив үсештә, массакүләм спортны үстерүдә зур уңышларга ирешә. «Бу районда мин үзем эшләгән идем, мондагы уңай үзгәрешләрне күрәм. Яңа спорт объектлары төзелә, массакүләм спортны үстерүдә күп көч куела, – диде Татарстан Республикасы Президенты. - Бүген республикада 11 меңнән артык спорт объекты бар, шулардан 239сы ябык бассейн. Республика халкының яртысы спорт һәм физкультура белән шөгыльләнә».

Аннары Татарстан Республикасы Президенты йөзү буенча халыкара ярышларда җиңү яулаган Егор Куимовка Россия Федерациясе Президенты Рәхмәтен тапшырды.

Эш сәфәре барышында Биек Тауда Татарстан Республикасы Президенты яңа «Байгыш» балалар бакчасы төзелешенең барышы белән танышты. Объект 340 урынга исәпләнгән.

Төзекләндерү эшләре республиканың 41 районында һәм 2 шәһәр округында алып барыла. «Безнең ишегалды» Президент программасы буенча ремонт эшләре Татарстанның 515 ишегалдында башланган. Татарстанның тагын 213 ишегалдында асфальт һәм бордюрлар җәю тәмамланган инде, төзүчеләр яктырту баганаларын монтажлыйлар һәм кече архитектура формаларын урнаштыралар. Аксубай, Балтач, Яшел Үзән, Лаеш, Минзәлә, Түбән Кама һәм Чистай районнарында барлык төзү-монтаж эшләренең яртысыннан артыгы башкарылган инде. Казанда үтәлеш проценты тагын да югарырак — 226 ишегалдының 209ында эшләр ахырына якынлаша. Татарстан ишегалларын яңартуның соңгы этабы балалар өчен уен комплекслары һәм спорт җиһазлары урнаштыру булачак. Агымдагы елда «Безнең ишегалды» Президент программасы буенча комплекслы төзекләндерү 1084 ишегалдында башкарылачак. Быел төзекләндереләчәк барлык объектлар да «Төзекләндерү картасына» төшерелгән. Төзелеш эшләре башланырга өч көн калганда, һәр ишегалдында, төзекләндерүнең финал планы белән, объект паспорты урнаштырыла. Аның буенча йортларда яшәүчеләр ишегалдында эш барышын контрольдә тота ала. Программаны тормышка ашыру барышы турында хәбәрләр кайнар линия 8 (800) 27-520 номеры буенча, Instagram һәм ВКонтакте социаль челтәрләрендә кабул ителә. WhatsApp 7 (939) 302-2020 номеры буенча актив халык шулай ук үз ишегалдында үткәрелгән эшләр сурәтләнгән фото һәм видео җибәрә ала.

Документлар шәһәр системаларының функциональ ярашуы, шәһәр инфраструктурасының төрле элементларын планлаштыру, эксплуатацияләү һәм техник хезмәт күрсәтү методологиясе мәсьәләләрен, шәһәрдә интеллектуаль транспорт системаларын оештыру буенча тәкъдимнәрне җайга сала. Моннан тыш, шәһәр инфраструктурасы кысаларында төрле оешмалар тарафыннан ачыклык, алмашу һәм зур мәгълүматларны бергәләп куллану мәсьәләләренә аерым игътибар бирелә. Өч ел сынау һәм төрле дәрәҗәләрдә стандартларны апробацияләгәннән соң, катнашучылар кисәтүләре нигезендә төзәтмәләр кертү мәҗбүри булачак.

Бүген Лениногорск районына эш визиты белән төзелеш, архитектура һәм ТКХ министры Фәрит Хәнифов килде. Фәрит Хәнифовны Лениногорск районы Башлыгы, Лениногорск шәһәре мэры Рәгать Хөсәенов озатып йөрде.

Фәрит Хәнифов үзенең визиты башында ишегалды бәйрәмендә булды, ул бүген үз микрорайонында яшәүчеләр өчен 6 нчы ТОС оештырды.

Ишегалды бәйрәме Ленинград ур., 61 адресы буенча урнашкан ишегалды мәйданчыгында узды. Әлеге ишегалды «Безнең ишегалды»Президент программасы кысаларында төзекләндерелә.

Ишегалдында мәйданчыкны монтажлау һәм калдыкларны селектив җыюны җиһазлау эшләре тәмамланып килә, кече архитектура формаларын китерү һәм монтажлау көтелә, урам утларын ремонтлау эшләре бара, юл эшләре 100% ка төгәлләнгән.

Бүләкләү тантанасын министр Фәрит Хәнифов һәм район башлыгы Рәгать Хөсәенов үткәрде. ТР Төзелеш, архитектура һәм торак-коммуналь хуҗалык министрлыгының Рәхмәт хаты белән «ИСБ» ҖЧҖ генераль директоры Максим Мовляк, «АЛЕКСЕЕВСКДОРСТРОЙ» ААҖ генераль директоры Марат Саттаров һәм «СтройБарс» ҖЧҖ директоры Каридон Карапетян бүләкләнде. «Лениногорск муниципаль районы» муниципаль берәмлеге Советы аппаратының Рәхмәт хаты белән «СтройБарс» ҖЧҖ юл эшчеләре Романос Давтян һәм Григорий Косоян бүләкләнде, шулай ук микрорайонның актив кешесе Инна Кириченкога Рәхмәт хаты һәм истәлекле бүләк тапшырылды.

"Мәктәпкә җыенырга ярдәм ит" хәйрия акциясе кысаларында шәһәр Советы депутаты Алексей Никишин булачак беренче сыйныф укучыларына канцелярия кирәк-яраклары тутырылган 7 портфель тапшырды.

Аннары мэриянең утырышлар залында ТР Төзелеш, архитектура һәм торак-коммуналь хуҗалык министры Фәрит Хәнифов, шулай ук Лениногорск районы башлыгы Рәгать Хөсәенов рәислегендә төзелеш һәм ТКХ тармагы мәсьәләләре буенча эшлекле киңәшмә узды.

Киңәшмәдә программа һәм программадан тыш объектларны (төзелеш һәм капиталь ремонт) тормышка ашыру, подрядчы оешмалар тарафыннан тапшыру, 2020 елда торак тапшыру, шулай ук 2020-2021 җылыту сезонына әзерлек, шул исәптән ТКХ өчен түләүләр җыю һәм ягулык-энергетика ресурслары өчен бурычлар мәсьәләләре буенча фикер алыштылар.

Аннары төзелеш, архитектура һәм ТКХ министры Фәрит Хәнифов Лениногорск районы башлыгы Рәгать Хөсәенов белән бергә 1 нче балалар һәм яшүсмерләр спорт мәктәбендә, 23 нче балалар бакчасында, Ленин урамындагы скверда, М.Горький исемендәге паркта булды