ЯҢАЛЫКЛАР

Бүген Татарстан Республикасы Төзелеш, архитектура һәм торак-коммуналь хуҗалык министрлыгында «ЦТС» Биржасы» АҖ белән биржа сатулары механизмын һәм төзелештә бәя куюның Федераль дәүләт мәгълүмат системасы (ЦС ФГИС) төзелеш ресурсларының тулылануын сынау эшен оештыру буенча семинар-киңәшмә узды.  Анда ТР Финанс министрлыгының Казначылык департаменты, Ведомство буйсынуындагы һәм подрядчы оешма вәкилләре катнашты.

Кукмарада уникаль агач төзелеш сәнгате бинасын – Вахитов урамындагы 1870 елда төзелгән ике катлы йортны реставрацияләүгә керештеләр. Биредә шәһәрдә киез итек җитештерүгә нигез салган абыйлы-энеле Комаровлар фабрикасының конторасы урнашкан. Монда шулай ук бертуган абыйларының берсе Николай Васильевич яшәгән.

Ремонт-реставрация эшләре Казан дәүләт яшь тамашачы театры бинасында башланды. 

Театр бинасы Островский урамы, 10 адресы буенча урнашкан. Ул 19 йөз ахыры – 20 йөз башында төзелгән, анда сәүдәгәрләр клубы ачылган. 1917 елгы Октябрь инкыйлабыннан соң аны татар мәдәнияте йортына бирәләр, 1923 елда биредә Максим Горький чыгыш ясый. 1940 нчы еллардан башлап Көнчыгыш клубы бинасында яшь тамашачы театры урнаша.

Бүген Торак сәясәте һәм инфраструктура үсеше комитеты һәм аның каршындагы Эксперт советының уртак утырышында Татарстан Республикасы Хөкүмәтенең 2024 елдагы эшчәнлеге нәтиҗәләре турындагы хисап каралды. Утырыш эшендә ТР Дәүләт Советы Рәисе урынбасары Юрий Камалтынов, ТР Рәисенең Дәүләт Советындагы тулы вәкаләтле вәкиле Тимур Ногманов, профильле министрлыклар һәм ведомстволар, иҗтимагый оешмалар вәкилләре катнашты.

ТР Төзелеш, архитектура һәм ТКХ Министрлыгында Приморье крае делегациясе белән эшлекле очрашу булды. Катнашучылар Татарстанда каты коммуналь калдыклар белән эшләүне оештыру мәсьәләләрен карадылар.

Татарстанның Әлки муниципаль районының Борискино авылында яңа фельдшер-акушерлык пункты барлыкка киләчәк.

Аны төзүгә 12 млн сумнан артык акча бүленгән. Төзүчеләр инде типик модульле бина урнаштырганнар. Хәзер биналарның эчке бизәлешен төгәллиләр, эчке инженерлык челтәрләрен урнаштыралар.

Бүген Татарстан Республикасы Төзелеш, архитектура һәм ТКХ министрлыгында Татарстанда коммуналь инфраструктура объектларын модернизацияләү мәсьәләсе буенча киңәшмә узды.

Киңәшмәне үткәргән министрның беренче урынбасары Дамир Шәйдуллин 2025 елда башланган коммуналь инфраструктураны модернизацияләү республика программасын гамәлгә ашыруга аерым игътибар бирде. Ул ассызыклаганча, яңа программа ТР Рәисе Рөстәм Миңнеханов инициативасы белән эшләнгән. Әлеге программа кысаларында 100 объектка капиталь ремонт ясау планлаштырыла. Бу максатларга 8,5 млрд сум бүлеп бирелгән.

Тормышны тәэмин итү хезмәткәрләренең Татарстан Республика профсоюз оешмасы профсоюз әгъзалары балалары арасында иң яхшы рәсемгә республика конкурсына йомгак ясалды. «ТКХ балалар күзлегеннән» конкурсы ТКХ хезмәткәрләре көнен бәйрәм итү кысаларында үткәрелде. Аның максатлары арасында - тормышны тәэмин итү өлкәсендәге һөнәрләрне һәм белгечлекләрне популярлаштыру, укучыларның һөнәри үзбилгеләнүен формалаштыруга ярдәм итү.

«Татарстан Республикасының иң яхшы товарлары һәм хезмәтләре» конкурсының оештыру комитеты чираттагы сезонның башлануы турында игълан итте.

Конкурс «Россиянең иң яхшы 100 товары» программасының Бөтенроссия конкурсының төбәк этабы булып тора һәм Татарстан Республикасы Министрлар Кабинетының 26.12.2003 ел, № 1969-р күрсәтмәсе нигезендә гамәлгә куела.

Мамадыш муниципаль районының үзәк китапханәсе һәм Казан шәһәренең үзәк китапханә системасының 25 нче филиалы 2025 елда капиталь ремонт планына кертелгән.

Эшләр «Гаилә» илкүләм проектына керә торган «Гаилә кыйммәтләре һәм мәдәният инфраструктурасы» федераль программасы буенча башкарылачак.