ЯҢАЛЫКЛАР
Яр Чаллыда 31 нче микрорайонның инженер челтәрләрен капиталь ремонтлау дәвам итә. Эшләр 2025 елда илкүләм проектлар составындагы «Тормыш өчен инфраструктура» проекты кысаларында башланган. Ул вакытта 1,2 км канализация челтәрләре алыштырылган һәм 30 тимер-бетон коесы урнаштырылган.
Татарстанда 2027 елда төзекләндерү планлаштырылган җәмәгать территорияләрен сайлау буенча Бөтенроссия онлайн-тавыш бирү дәвам итә. Тавыш бирү «Уңайлы шәһәр мохите формалаштыру» федераль проекты кысаларында илкүләм проектлар составындагы «Тормыш өчен инфраструктура» проекты нигезендә уза.
Азнакай шәһәрендә №18 «Елмаю» балалар бакчасы бинасында капиталь ремонт бара. Эшләр «Гаилә» илкүләм проектының «Гаиләне яклау» федераль программасына кертелгән, финанслау күләме 58 млн сумнан артык.
Бүген Казанда «РГК» компанияләр төркеме базасында ике яңа производство эшли башлады.
Яр Чаллыда инженерлык челтәрләрен заманчалаштыру кысаларында март аенда 17а һәм 19 комплексының басымлы канализация челтәрен алыштыру башланды. Капиталь ремонт «Тормыш өчен инфраструктура» илкүләм проекты буенча алып барыла, финанслау 205,8 млн сумнан артык.
Буа районының Боерган авылында Ленин урамындагы ике катлы урта мәктәп бинасына капиталь ремонт ясау дәвам итә. Үтәлешнең гомуми күләме 30% ка җитте.
«Сәламәтлек саклау» юнәлешендә зур күләмдә эшләр башкарасы бар. Агымдагы елда тармакның 96 объектына 3,4 млрд сумнан артык ремонт ясалачак.
«Яшьләр һәм балалар» илкүләм проектының «Балаларга иң яхшысы» федераль программасы кысаларында Түбән Камада 8 нче урта гомуми белем бирү мәктәбе бинасы капиталь ремонтлана. Ике катлы бина Яшьлек урамында урнашкан.
Торак-коммуналь хуҗалык объектларын заманчалаштыруның республика программасы объектлары исемлеге төзелде, Татарстан Республикасы Министрлар Кабинеты күрсәтмәсе проекты килештерүдә тора. Бу хакта бүген ТР Хөкүмәте Йортында узган утырышта ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Яр Чаллы ГЭСы бистәсендә хуҗалыкта кулланыла торган һәм эчәргә яраклы су үткәргече челтәрләрен капиталь ремонтлау дәвам итә. Монда 2366 м полиэтилен торба салу планлаштырыла, аның диаметры горизонталь юнәлешле бораулауның инновацион ысулы белән 400 мм. белгечләр эшне августка төгәлләячәкләр. Хәзер үтәлеш 66% ка җитте.